يا اخوان انا موعد السفر في شهر 8 هل اشتري التذكرة من اليوم علما اني لدي حجز من الرياض الى واشنطن بسعر 4200ريال
عرض للطباعة
يا اخوان انا موعد السفر في شهر 8 هل اشتري التذكرة من اليوم علما اني لدي حجز من الرياض الى واشنطن بسعر 4200ريال
وش الخطوط الي حجزة عليها ؟
اذا تبي نصيحتي افضل خطوط جربتها " الإماراتية " + " الخطوط البريطانية "
بس كأن سعر التذكرة غالية ! علي اي خطوط حاجز
اذا تبي الرخص روح للخطوط السعودية ماتزيد عن 2500 ريال
4200 ليييييش وليه
ابي اسال انت تبي تسوق الطياره او تبي تكون راكب بس ترى السعر عالي وانا اخوك
انا مطلع تذكره 2200 من الرياض لواشنطن ومن واشنطن للولايه اللي انا فيها ب1000 ريال
كلها 3200 ريال شوفلك مكتب غير المكتب هذا تراهم نصابين
ومدام محدديلك موعد تشتريه فيه التذاكر ليش العجله انتضر اين يقرب موعد شراء التذاكر
وبالتوفيق
كلام صاحب الموضوع صحيح الظاهر الحين في ضغط
اقرب رحلة للخطوط السعودية ب4200 ريال تاريخ 24 جون
انا حجزت على البريطانية ب3300 ريال تقلع من مطار البحرين
انا مثلك تماما مدري وش اسوي ياخوووووووووووووووك
ياشباب الخطوط البريطانيه دايما فاضيه BA
انا جاي عليها بسعر 5500 ريال من الرياض الى لندن (الانتظار ساعتين ) بعدها لوس انجلوس
طبعا الرحله رايح جاي
أنا حجزت في 4 August قيمة التذكرة بـ 4200 ريال على الخطوط السعودية علماً حاجز من أسبوعين :(
الرياض >>>>>>>>>>>واشنطن
والله ياخي الي يشوفك وانت متردد يقول هذا بيشتري عمارة
يارجال طق التذكرة وماجاك في وجه العطية
خلك يارجال تكشخ بها قبل السفر
طيب ليه ما تحول الرحلة على نيويورك تراها ارخص من واشنطن
بعد كده تروح على واشنطن بالطيران الداخلي
تكلفة التذكرة على الخطوط السعودية في شهر اوقست تلقاها ب 2467ريال