هل اراسل المعهد بنفسي ولا اروح لمكتب سياحي؟ ضروري الله يوفقكم

السلام عليكم ورحمة الله وبركاته

اخواني انا ابي اسافر لدراسة اللغة شهر ورحت عند مكتب لانه متعاون مع معهد وبيجيب لي القبول بسرعه خلال 3 ايام مع الفيزا وبيأمن لي سكن مع عائلة وبيستقبلني في المطار وفيه ناس قالو لي ليه رحت للمكتب بيغشك وبياخذ مبلغ مايستاهل انه ياخذه ..

قلت انا طيب.. لو انا طلعت الفيزا بنفسي ..

سؤالي : هل لو انا راسلت معهد بيرسل لي القبول بسرعه زي المكتب المتعاون مع المعهد وهل بيأمن لي سكن مع عائلة وهل بيستقبلني في المطار ؟؟

ملاحظه انا محتاج القبول بسرعه خلال اسبوع بالكثير

وشكرا

ايه يا ابن الحلال انا كنت اراسل المعهد جاء خلال 4 ايام بس اهم شي يكون بعد الويكند حقهم بيوم او بيومين عشان يكوون الباقي ساعات عمل
وترا المووضوع سهل ولا تروح تتعب نفسك وتخسر فلوس اهم شي وانت تعبئي النموذج ترجم بقوبق الاي ما تفهمه وبتجيك اسئلة عن الاستقبال في المطار والسكن


وشكرا
واي استفسار انا موجود على الخاص

وعليكم السلام ورحمة وبركاته

اتمنى لك التوفيق في مشوارك اخوي

بالنسبة لتسألك راح افيدك بلي اقدر عليه .. وان شاء الله الشباب ماراح يقصرون معاك

انا من رأي افضل عدم التعامل مع المكاتب .. وذلك لما فيه من استغلال مقابل توفير خدمه بسيطه للطلاب وهي القبول

انصحك ياغالي ,, تراسل المعهد الي حاب تدرس فيه اللغه .. بنفسك .. واذا لغتك ضعيفه نوعا ما .. حاول تستعين بأحد من اهلك او اقاربك لغته ممتازه بحيث يتراسل معاهم

عملية توفير القبول سهله فوق ماتتصور .. واعلم ان المعاهد هذه تجيهم حالات كثيره مثل حالتك يوميا ,, وعندهم خلفيه عن كل شي انت تحتاجه .. من قبول ومدة القبول و توفير السكن و المواصلات والاستقبال من المطار وغيره .. طبعا كل هذه الخدمات راح تلقاها في نفس المعهد الي راح تقدم عليه ..

واذا انت حاب تطلع الفتره هذه ومستعجل على الطلعه .. انصحك تشوف نيوزلندا .. لانها ماتحتاج منك فيزا ووجع راس اذا انت طالع تدرس لمدة 3 او 4 شهور

للمعلوميه : موضوع الفيزا هذا انا خبري فيه قبل 5 سنوات يوم طلعت فما ادري اذا تغير النظام هذا او لا .. وان شاء الله يفيدونك شباب نيوزلندا بالموضوع هذا


اتمنى لك التوفيق .. وجعل ربي ييسر امورك

الله يعطيكم العافيه مشكوريين وماقصرتو ..
باقي عندي سؤال واحد اذا راسلت المعهد وجبت القبول منه .. الفلوس ادفعها للمعهد قبل ما اسافر ولا اذا وصلت هناك؟؟
وباقي الرسوم مثل السكن واستقبال في المطار متى ادفعها ؟؟ من هنا ولا اذا وصلت هناك؟؟ وهل بيستقبلني في المطار وانا ما دفعت له؟؟

وشكرا لتعاونكم