عرض للطباعة
سلام عليكم
المفروض معي اثنين بنفس موعد الدراسه ونفس السكن , لكن انسحبوا وانا الصامل الوحيد :)
ابي منكم كم معلومه بما ان الدراسه ما بقى عليها شيء وانا اللي بدبر نفسي بنفسي
1- وش افضل طيران يوديني عند ولاية " ايداهو " , يعني يوصلني واشنطن وبعدها يتكفل بتوصيلي الى ولايتي ؟
2- اول ما اوصل واشنطن وش الشغلات اللي بتمر علي وانتبه لها ؟ وهل احد بيستقبلني بما اني دارس بحسابي ؟
3- اي نصايح قبل السفره او حاجات اخذها معي ما انساها
افيدوني الله يجزاكم خير :mushy:
الله يسهل امرك وكل مسلم
توصل بالسلامه ان شاء الله
اهم شي حافظ على اغراضك وجوازك والاوراق المهمه
وربي يوفقك ان شاء اللله
الله يجزاكم خير ,,,
للحين محد عطاني العلم :(
1- وش افضل طيران يوديني عند ولاية " ايداهو " , يعني يوصلني واشنطن وبعدها يتكفل بتوصيلي الى ولايتي ؟
افضل شي تسويه انك تحجز من السعوديه اذا كان معك امر اركاب تحجز فيه اما اذا كان ما معك الله يعينك على الدفع
لكن احجز من السعوديه وقص التذاكر وريح بالك . وكلم الطيار هو الي يضبط لك الحجوزات
2- اول ما اوصل واشنطن وش الشغلات اللي بتمر علي وانتبه لها ؟ وهل احد بيستقبلني بما اني دارس بحسابي ؟
اول ما تنزل في المطار راح تلقى مصري جالس ينتظر السعوديين رح لهمه وسجل اسمك وهو يعلمك وين تنتظره
ياخذونك للفندق والوضع كله سهالات لا تشيل هم
3- اي نصايح قبل السفره او حاجات اخذها معي ما انساها
قرآن + سجاده صلاة = اهم شي
ادوات الحلاقه ومشتقاتها
ودع اهلك واحبابك وحبذا لو تاخذ لهم صور وتاخذ اشيا ذكريات منهم
اهم شي لزم تجيب معك دكشنري تراه جدا جدا جدا جدا جدا مهم ولو تجيب لك كتب تفيدك يكون احلى بعد
تستطيع حجز الطيران بنفسك وليس عن طريق الطيار أغلى من أن تحجز بنفسك عن طريق موقع أحد الطيران الأمريكي وتجد الأسعار متفاوته.
الأمر جداص سهل إستمتع في سفرك وحتى لو ذهبت الأن على حسابك الخاص صدقني أنت الربحان لن تخسر شي حتى المال الذي سوف تنفقه تباهي به الخلق عندما تذكر أين أنفقته في سبيل العلم.
إستمر إستمر وشد الله من عزمك وهمتك...
الله يوفقك ياااااااااااااااااارب وتوكل على الله وان شاء الله سهالات ياااااااااااارب ..,,
في البدايه خلني أقولك يا خوي اني من زمان ما شاركت
بس ما أدري شنو الي شدني لك وخلاني أرد
عموما خلنا نبدأ بالمهم
أول شي خلني أقولك استانس بالرحله ولا تشيل هم
لاتكون مرتبك أو خايف انك بتضيع او بصيرلك شي
استمتع استمتع برحلتك لاخر الحدود
- وش افضل طيران يوديني عند ولاية " ايداهو " , يعني يوصلني واشنطن وبعدها يتكفل بتوصيلي الى ولايتي ؟
* والله نصيحتي لك انك تحجز من السعوديه الى واشنطن على الخطوط السعوديه( بنفسك لانه أرخص وأوفر لك ) عشان تكون مرتاح وما تشيل هم شي
خصوصا انك اذا جيت على الخطوط السعوديه راح تلاقي موظف الملحقيه في استقبالك وهذا لانك جاي على الخطو السعوديه
ممممممممم افضل طيران يوديك لايداهو؟؟؟؟؟؟ والله شركات الطيران واجد بس دقيقه ادور وأرجعلك................
والله حاولت أدور بس في أكثر من مطار في ولاية أيداهو بس عموما على حسب ما شفت ان سعر التذكره على
طيران يونايتد راح يكون من 300 الى 400 تقريبا
2- اول ما اوصل واشنطن وش الشغلات اللي بتمر علي وانتبه لها ؟ وهل احد بيستقبلني بما اني دارس بحسابي ؟
* مثل ما قلتلك بالاول احجز على الخطوط السعوديه لانك بتلاقي موظف الملحقيه في استقبالك في المطار بعد ما تخلص من الامرقيشن اوفيس
ممممممممم شنو الشغلات الي لازم تنتبهلها؟؟!!!! اي تذكرت
انبسط بالي بتشوفه في المطار واستانس لان دايما التجربه الاولى غييييييييير وانا الى الان ما انسى اول ماجيت لمطار دالاس قبل شهر
كنت مبسوط على الاخر واستمتعت جدا
3- اي نصايح قبل السفره او حاجات اخذها معي ما انساها
*والله ياخوي ما أقدر انصحك الا انك تكون قريب من اهلك في هالفتره اولا
وثانيا لا تنسى القران والسجاده
ولا تنسى تاخذ معاك فيش لان كيبل الكهرب حقهم غير عن الي عندنا بالكويت وأعتقد السعوديه نفسنا
فاخذ فيش الي يكون شكله بهالطريقه https://www.samstores.com/_images/products/Plug%20-%20SS417.jpg
و لا تنسى الدكشنري تراه مهم جدا اذا كنت راح تبدأ بتعلم اللغه
اي صح تذكرت لا تنسى تخلي الاي توني الاصلي معاك لا تحطه بالشنطه
لان الامرقيشن اوفيس راح يطلبه منك وراح يطلب اوراق ثانيه وهذي الاوراق راح تلقاها في المطار تعبيها وتعطيها لهم
وعلى حسب ما قريت انهم في الخطوط السعوديه يوزعونها قبل ما توصل المطار
وعموما توصل بالسلامه انشاءالله
واذا محتاج أي مساعده بحجز التذاكر أو الفنادق انا حاظر وبالخدمه
شكرا على الموضوع انا سفري الاحد القادم بإذن الله:
حبيت اشاركك الاشياء الي بعملها حاليا:
بالنسبة للفلوس:
- اصرف ما لا يقل عن 1000 دولار كاش
- اتاكد ان عندك ماستر كاد ويفضل يكون فيزا ( اعتقد لازم يكون اسمك صحيح مكتوب فيها بالضبط زي الجواز )
- حافظ على كل الفواتير من يوم توصل امريكا الين تحصل على امر الالحاق بإذن الواحد الاحد عشان احتمال فيها تعويض
بالنسبة للعفش:
- الاوراق المهمه ما راح اعددها الاخوان ذكرو اغلبها وخليها في شنطه الابتوب او اليد
- الابتوب لازم تمسح كل شي غير اصلي فيه ومن ضمنه الويندوز
- اشتري ملابس داخليه حقت البرد ما تلاقيها هناك حسب ما قالولي كل الناس (الي تجيك قطعيتن تغطي الجسم كله)
- اشتري الفيش الي انذكر بالتعليق اعلاه
- سجادة وصلاة
- دكشنري من انجليزي لعربي , لان راح تلاقي هناك عربي انجليزي
بالنسبة للحجوزات:
السكن.......
انا بوصل 15 اغسطس واليوم حجزت في فندق واول شي سويته دخلت موقع الملحقية ولقيت قائمة بالفنادق:
Hotel Information in DC
لكن الظاهر كلها غاليه سألت وقالولي عن هذا الفندق وتكلفته الليله ب 120 دولار تقريبا:
Washington D.C. hotels, Comfort Inn & Suites hotel near the White House, Washington D.C.
بس المصري الي حيستقبلنا مدري المفترض يودينا اي فندق ؟ او هل كل واحد على حسب حجزه ؟ ما ادري
بالنسبة للطيران........
انا حاروح على الخطوط السعودية لواشنطن والى الان ما حجزت طيران داخلي حايس فيه شويتين
ادخل موقع
Cheap Flights, Airline Tickets & Discount Airfares - Fly.com
واختار وجهتك وراح يطلعلك قائمة بكل الرحلات في كل الشركات الامريكية ويجيبلك ارخص سعر , طبعا رخص السعر يعني لطعة في المطار وانتظار ولو الرحلة يبغالها بس 4 ساعات تقعد تقريبا 12 ساعه الين توصل