معلمه محتاجه مساعدتكم

يعطيكم العافيه
ماادري مكان موضوعي صح او لا
عمومآ الله يرضى عليكم .. انا معلمه تربية اسلاميه خريجه عام 1427هـ هذي ثالث سنه تدريس قدمت على الجامعات بالرياض عندنا بالسعوديه و3 سنوات ماجاني قبول وتعبت كثير من شروط التربية والتعليم في الايفاد والتفريغ والواسطات طبعا
الحين ودي اطلع على حساب الوالد الله يطوّل بعمره وآخذ اللغه اهم شئ لاني ميّح بالانجلش وبعدين ودي اكمل بتخصص تربوي ينفعني بمجالي كوني بمجال التربية والتعليم
التخصص اللي كنت ابي اكمل دراستي فيه بالسعودية هو تقنيات تعليم وللحين ودي فيه بس للاسف ما قدرت

ابي اعرف كيف اقدر اقدم على المعهد لازم مكتب ؟ وكم تكلفة الدراسه للغه بإيرلندا ؟ والسكن ؟
ابي اعرف خطوات دراستي كيف بتصير من قبول بمعهد وقبول جامعه وكيف اقدر التحق بالبعثه وانا معلمه ؟ ولازم اجيب قبول معهد وجامعه مع بعض والا حبه حبه اول شئ معهد وبعدين جامعه ؟


فيدوني الله يخليكم ويسعدكم مالي غيركم

اللي اقدر اقوله هو بخصوص المعاملات مع الملحقية

بالنسبة لـ المعيشة بايرلندا ان شاء الله احد يفيدك فيها

بالنسبه للقبول لازم قبول معهد ع الاقل لتقدري تستخرجي i-20 ومنها تقدمي على الفيزا

ولازم قبول جامعة لتفتحي ملف في الملحقية حتى يرسلون ملفك لرياض وتلتحقي بالبعثه

الافضل تخلصي هالاثنين قبل السفر وخصوصا لطلاب المااستر اذا كان بكالريوس فهو سهل

وبالنسبه لتقديم تقدري بنفسك واذا ما تقدري وتراه سهل مره تقدمي بالمكاتب مع انه الموضوع سهل جدا

تعبي ابلكيشن بس بالنسبه لو تخصص " ماستر " اظن المكتب يفيدك اكثر أو احد الاخوان المتواجدين بارلندا

طبعا الموضوع يحتاج له بحث بسيط بالتخصص اللي تريديه والجامعة موقوفه او لا وتراسلينهم وتجيبين القبول

وبعدها تسافرين وتدرسين لين الله يفتحها عليكي وتصيرين مبتعثه

بالتوفيق ان شاء الله

^

الله يعطيك العافيه
ان شاء الله رآح اكمل ماستر بإذن الله
وان شاء الله الامور تتيسر بس ابسي اعرف وش لي وش علي كوني موظفه بمجال التربية والتعليم

اللي اعرفه انه تقدمي على اجازة دراسية او استثنائية مع انه الدراسية اريح لك من اولها

وهذي لازم توافق الوزارة عليها ومنها تعطيكي اجازه لدراسة

وهذا لازم يتوفر فيه قبول جامعي وفيه شروط وضوابط منها انه الوزارة تحتاج هالتخصص مثلا

ما اعرف كل الضوابط صراحه

اظن تلقين الرد في المنتدى لو بحثتي

ابي اعرف بكوني معلمه وش الخطوات اللي اقدر اسويها قبل الفصل الدراسي الثاني
لان خطتي اني آخذ اجازة استثنائيه واطلع اخذ لغه وبعدها آخذ قبول من الجامعه وارجع فيه أطالب بالاجازة الدراسيه ....!! كذا صح علي ؟؟

طيب كيف ابدأ ؟

الله يوفقك

حاولي تاخذين لغة قبل ماتطلعين عشان تختصرين اللغة هناك

^
^
ودي والله بس بحكم وظيفتي وغربتي بالوظيفه لاني موظفه بهجره يعني ما اقدر استغل وقتي بدراسه مسائيه بدورات وانا اقيم بالهجره بسكن معلمات وارجع الرياض بالويكند
يعطيك العافيه عمومآ

حبيت أنبهك بمعلومه أيضا ما أدري عندك خبر عنها أو لا

اللي هي وجود محرم معك وقت دراستك

وأي معلومات ثانيه أحنا حاضرين

دمتي بود

للاسف الكبير ما عرف كل الضوابط والشروط

ولكن اعرف اشخاص موظفيين حكوميين وهم حاليا موجود لدراسه

ولكن ما ادري انه وضع الموظف الحكومي مثل وضع اللي بوزارة التربية والتعليم او لا

فالسموحه ما اقدر اقول شي ويطلع غلط

ولكن بحاول اسال اقاربي المعلمين لما اشوفهم بكره واستفسر يمكن عندهم معلومه :)

بالتوفيق

^
بارك الله فيك
الله يجزاك خير اخوي