نصيحه لا تبخلون على اخوكم

السلام عليكم


اخواني ابي نصايحكم وكم استفسار


المهم انا عزمت اطلع علي حسابي ، عندي دبلوم هندسه كيميا بس معدلي نازل ٢.٢٦ /٤
ومتخرج من الثانوي من ٥ سنين معلدي كويس على ايام اختبارات الوزاره ٩٢٪
والتوفل والايلتس بختبرها وبجيب درجه حلوه ان شاء الله

انا الحين ابي جامعه قويه وش تصحوني اقدم بالدبلوم او الثانوي ( علما اني بدرس نفس تخصص الدبلوم هندسه كيميا )

ما ابي اقدم على اي جامعه اذا بروح ابي جامعه قويه ومو مشكله اعيد من اول، وين فرصتي الاكبر بالقبول ؟

وابي اسال انا وضعي المادي مو هذاك الزود بس بما اني ما عندي وظيفه وما في شي اخسره ببيع كل الي قدامي وبسافر والله يسهلها ، هل ادفع رسوم الجامعه والسكن لمده سنه (٣٠ ساعه ) مقدم او لا ، اذا دفعتها برتاح ما عاد عندي الا مصروفي الشهري بيتدبر .

او بالاصح وش طريقه الدفع بالجامعات الامريكيه ؟ كل سمستر او سنوي او كيف؟

وبخصوص اختبار الايلتس مقبول بجامعات امريكا او لا ووين اسهل هو او التوفل .

واسف عالاطاله

انا الحين ابي جامعه قويه وش تصحوني اقدم بالدبلوم او الثانوي ( علما اني بدرس نفس تخصص الدبلوم هندسه كيميا )

مافي حاجة تسمح لك تقدم الدبلوم
قدم بالثانوي وجيب الدبلوم علشان تعادل ساعاته وهم يسقطون عليك عدد ساعات

ما ابي اقدم على اي جامعه اذا بروح ابي جامعه قويه ومو مشكله اعيد من اول، وين فرصتي الاكبر بالقبول ؟

في الجامعات الامريكية مافي فرص أكبر أو أقل .. في شروط تسويها تدخل مثل تحقق درجة توفل أو أيلتس معينه

وابي اسال انا وضعي المادي مو هذاك الزود بس بما اني ما عندي وظيفه وما في شي اخسره ببيع كل الي قدامي وبسافر والله يسهلها ، هل ادفع رسوم الجامعه والسكن لمده سنه (٣٠ ساعه ) مقدم او لا ، اذا دفعتها برتاح ما عاد عندي الا مصروفي الشهري بيتدبر .

في كل مرة تنزل مواد تدفع الرسوم سواءاً كنت في معهد للغة أو كلاسات جامعية
مثلاً جامعتنا تدفع رسوم السكن والكلاسات للسمستر ولما تجي السمستر اللي بعده تسوي تجدد في السكن
بس عن نفسي انصحك تشوف روميت وتسكن برا سكن الجامعة أحسن علشان انه أفضل وأرخص

او بالاصح وش طريقه الدفع بالجامعات الامريكيه ؟ كل سمستر او سنوي او كيف؟

كل سمستر

وبخصوص اختبار الايلتس مقبول بجامعات امريكا او لا ووين اسهل هو او التوفل .

أنا ماأروح مكان في أمريكا الا قالو أيلتس .. الحين الايلتس صار ينافس التوفل من ناحية اعترافه على مستوى العالم
من ناحية الاسهل ماحد يقدر يحدد بس أنا رأيي الشخصي الايلتس اسهل بكثيير خصوصاً البيبر مو الكمبيوتر

الله يوفقك ياخوي

بالتوفيق لك
بس نصيحه قدم بالثانويه عشان يعطونك خمس سنوات ضمان مالي

لو قدمت بالدبلوم راح يعطونك 3 سنوات ضمان مالي
بالتوفيق

مارفل ، محاسب

الف شكر ما قصرتوا

الله يوفقكم بالدراسه