منت الله ولامنت خلقة...سعودي موضف في مطعم في واشنطن
السلام عليكم ورحمة الله وبركاته
عز نفسك .. قبل كل شيء
مثلكم عارفيين الشغل مافيه عيب صح ؟
لاكن العيب تسكت ولاتطر الناس ... هنا الكلاااام
ولاتترجى مشرفتك ترسل ملفك ولا تكلم ابوك يداوم مع موظفيين التعليم العالي ولايحصل نتيجة
ولا تحضر في الملحقية الثقافية وانت واقف على اعصابك ويقولوون لك ماجاانا شيء يالله اكتب ايميلك ورقمك وفارق المكتب ..
وتذاكر مع طالب يدرس على حساب الحكومة وانت على حسابك الخاص .. هو مرتااح نفسي وانت شايل فووقك هم وغم
والفرق بينكم : هو يفطر في مطعم وانت تفطر جبن وصامولي وماء
هو كل شهر يشري جاكيت
وانت تغسل نفس الجاكييت كل اسبوع (ومن كثر الغسيل .. العبارات والاحرف الي مكتوبه بالتيشرت ممسوحه)
هو يقضي مشاويره بتكسي وانت تسحب هالسيكل او تمغطها كعابي ..(اذا ماقطيت وجهك عليه وقلت له وصلني)
أنا قررت اشتغل في مطعم واطبخ قرصان ومراصيع ومضغوط وسمبوسة وبسوبسة ومهلبية
ودجاج على الفحم ... وقهوى عربية بدلة الرسلان وعليها عويدي يقعد الراس وشاهي بالنعناع وحليب بالزنجبيل (بحكم هالبرد)
.. او امسك لي سطل مااء وعلبة فيري وعلى هالسيكل اتمشى واغسل سياراات شوارع واشنطن .. منها تستفيد اللغه بحكم انك تتكلم مع الشعب ومنها تعرف العملااات ههههه
وفووق هذا كله تسدد جامعتك وتدفع رسوم التأمين وتدفع ايجار الغرفة الي كاشخ فيها
وتعيش حياتك صح مع الشعب
وبكل فخررر أنت مواطن سعودي عربي
ماهو عيب انك تشتغل
لاتكتف الايدي وتقوول ياليت يضموني :(
غيرك جلس بالاشهر في امريكا ولا ضمووه ... (على طاري الضمه _ فديت ضمة امي قبل اساافر)
ولاتسغرب بكره يطبقون عليك نضااام طلاب كنداا .. خلص اللغه وخلص 30ساعة اكاديمية وتعال ندرس وضعك ياعيووني.
الوضع صعب بصرااااحة
وكل من ضاع بالسعودية قال برووح ادرس بالخارج احصل على راتبة وافل امها
ياعيون ماما انت
الغربة جربة ...لاتحسب كل من درس بالخارج مرتااااح
ياعزيزي سافر للشرقية اذا انت من اهل الريااض واخذ عن اهلك وامك وابوك واخواانك اسبووع
وشووف حالتك ؟؟
كيف تبي ترووح لدولة عن اهلك تبعد الاميال ؟
وياقلبي عليك يالي تفكر انك تدرس مع بناات وتشووف دسكواات وبارات والخمر متوفر وتفل امها .. خاف ربك قبل كل شيء .. وحط قدااامك المووت
لاتخلي تفكيرك سطحي . تقول بدرس مع ناس تفتح النفس (الي يفتح النفس والله . جلسة مع امك واختك واخوك وابوك)
ياقمر امك انت يالي رايح تدرس على حسااب اهلك وجالس تفلها ... خلك قد الثقه
اصدق مع الله قبل كل شيء
ولاتستغرب يمكن تصير هالبعثه نقمه ماهو نعمه لك !!
الاستخارة قبل كل شيء
وهنا القهر بعييييييينه
طالب سعودي مسلم من عائلة محافظة ومتربي تربية سنعه
وتحصله في هالبلد .. حاط سلسال وزمام وخرصان ولابس طيحني ولا فضفاض وتيشرت يدخلون فيه خمسة معااه
ويلوي لك اصابعه ويده يقلد النقا .. وبكل فخر يسمع اغااني(فيفتي سينت-واكون) الله يذكر خالد عبدالرحمن الي كنت تسمع له وتردد اغاانيه ومزعج العالم فيه عند الاشارة
وفووق هذا كله .. الصلااااة ... وعذرة بالصلااة .. الوقت مادري كم يصلوون فيه .. واختلاف الزمن
والقرااان من دخلته هالبلد ماقرااء اية ولا يدري سوورة البقرة في صفحة كم ؟؟
ياعزيز-ي\تي
قبل كل شيء
أنت تمثل البلد (المملكة العربية السعودية)
حط في بالك بكره راح تندم على هالشيء وتنتقد نفسك .. وتشره على حالتك
ومضه\
انا كنت شايل فكرة الزوااج من راسي :(
كنت اقوول لاحقين على الزوااج
لاكن بعد هالي شفته .. والله ابي الستر والعفااف والصلاااح
الزواااج نص دين
واسف على هالكلاااام
مجرد نصيحة من اخ لكم
رد: منت الله ولامنت خلقة...سعودي موضف في مطعم في واشنطن
الله يجزاكــ خير ماقصرت والله انا طالع ع حسابي بعد شهر وشايل هم الدنيااااااااااا ع راسي الله يعيييين بس
رد: منت الله ولامنت خلقة...سعودي موضف في مطعم في واشنطن
الله يعطيك العافية , ومو عيب الشغل :/
بس وش هالعنوان اللي يبي له ديكشنري ... (منت الله ولا منت خلقه ) ؟
رد: منت الله ولامنت خلقة...سعودي موضف في مطعم في واشنطن
حبيبي بحذرك من باب الخوف مو الحسد
فيزتك فيزا طالب واذا كفشوك تروح في مسأله قانونيه
صح في كثير طلاب يشتغلو بالبلد وفيزتهم فيزا طالب بس اذا لقيت وظيفه في الجامعه افضل لك وبالتوفيق
رد: منت الله ولامنت خلقة...سعودي موضف في مطعم في واشنطن
كلام!
........................
رد: منت الله ولامنت خلقة...سعودي موضف في مطعم في واشنطن
جزاك الله خير والله يوفقنا وياك يارب
رد: منت الله ولامنت خلقة...سعودي موضف في مطعم في واشنطن
انتبه انتبه تتشغل وانت فيزتك طالب
ادا مره سوي مثلي سويلك اكل في البيت وبيعه بالدس لو طفرت
اتفق معاك في اشياء كثيره بس مو كلها
رد: منت الله ولامنت خلقة...سعودي موضف في مطعم في واشنطن
كفو والله كفو يسلم اللي رباك
رد: منت الله ولامنت خلقة...سعودي موضف في مطعم في واشنطن
اقتباس:
المشاركة الأصلية كتبت بواسطة S3eed<3
كلام!
........................
وش فيهـ الكلام !
رد: منت الله ولامنت خلقة...سعودي موضف في مطعم في واشنطن
أول شي اهنيك على الموضوع
ثاني شي ياخي من الي قال لك ان الشغل عيب الشغل والله ان يغنيك عن منة الناس لا بغيت شي من فلان ولا علان قام يتمنن عليك ولا وده يعطيك ايه اشششتغل وطلع نفسسسك مع الرياجيل بس ماتوصل انك تشتغل وانت فيزتك فيزة طالب ياخي اشتغل في الجامعه شف اكثر السعوديين يشتغلون في نفس الجامعات منها يحصل له فلوووس ومنها يحصل له لغه من اختلاطه مع الناس
وفي الاخير اقول الله يوفقك دنيا وآخرة