... رحت الوزارة اليوم وطردوني ليش ؟
السلام عليكم ...
(( دقّيت سلف ))
ومسكت الخط ...
من الشرقية الى الرياض
:drive2:
ابي التحق بالبعثة وافتح ملف :chinese: .....
ويوم وصلت ودخلت الوزارة لقيت ؟
(( امة محمد ))
زززززززززحمة
وقعدنا الى الساعة 10 ونص صباحا
شوي الا واحد يصرررخ (ويزاعق)
... اللي حق الالتحاق بالبعثة يصف طابوووووووور :lolabove:
شوي يجي واحد ثاني .....
ويصرررررررخ :lolabove:
اللي حق الاتحاق بالبعثة يصف بالطابور الثاني
:busted_red:
:wtf1:
وش السالفة ...
ما علينا
وبدوا يسمعون من اللي قدامهم
( واحلى تصرييفة عشان يخلص الطابور بسرعة )
ويوم جاء دوري
(( طبعا لازم تكون لابس الثوب ))
ونا لابس الثوب طبعا
طبعا شافني معي (اوراق الدنيا كلها )
على طول قال
شعرك طويل
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
لا يكون بيزوجني ينته ونا ما ادري ... :swear:
وحتى لو بيزوجني بنته وش دخله ..
الا اذا بينزل المهر
نمشيــــــــــــــها :heh:
المهم قال انه في قرار من النائب الثاني الامير نايف بن عبدالعزيز ال سعود
القرار يقول انك تكون لابس اللبس الرسمي
بس يوم اني قريت ما لقيت شي مكتوب اللي شعره طويل يحلق ؟؟
والمشكلة ان شعري موب طويل ؟؟؟
بس يمكن معياره اذا وصل الاذن طويل ؟؟
والله انقهرت من جد يعني
قلت في نفسي يمدحون التقديم من الملحقية اول ما اوصل كندا بعد 19 يوم ان شاء الله
ولا احلق شعري لانها من خصوصياتي وما ادري وين وصل الوضع
حنا في 2010 ؟؟
ما ابي اطول بالسالفة ...
رجعت مثل ما رحت ...
واللي يبي يشوف كيف التنظيم البدائي يروح ... :thmbdn:
والله من جد تحس طراره ...
هيه بس
نشوفكم على خير بس
رد: ... رحت الوزارة اليوم وطردوني ليش ؟
الله يعينك حبيبي ,,,
ما تعرفلهم والله هذولي ,, شويه كدا وشويه كدا ,,
بس أسأل الله يسهل أمرك ويوفقك ولا يضيع تعبك هباء :)
رد: ... رحت الوزارة اليوم وطردوني ليش ؟
شي غريب وصل الاستخفاف بالعقل الى هذه الدرجه
اسئل الله الذي لا اله الا هو ان يوفقك ولا يضيع تعبك هباء
رد: ... رحت الوزارة اليوم وطردوني ليش ؟
استحقار والنزاهه والرجوله راحت
رد: ... رحت الوزارة اليوم وطردوني ليش ؟
هههههههه
والله ان موضوعك ضحكني .. مع اني مدة ما ضحكت...
والله ياخوك انا مخطط اني اروح للوزاره ... بس يبي لي احلق لان هم انا شعري اشوي طويل
ههه
سترك يارب
بالتوفيق عزيزي
رد: ... رحت الوزارة اليوم وطردوني ليش ؟
و الله حالة
هو صحيح فيه قرار إن الدوائر الحكومية ما أحد يدخلها إلا بلبس سعودي ( و خلنا نمشي معاه و نقول و الشعر ما يكون طويل )
لكن إنه القرار يهمل و ما أحد يدري عنه إلا حسب المزاج فهذا هو اللي يقهر
يعني هذا الإنسان اللي ما تذكر القرار إلا الآن ، ما احترم إن فيه ناس مثلك جايين من خارج الرياض !
و انت بعد الله يهديك كان طلعت و حلقت و رجعت السالفة ما تاخذ نص ساعة لهذي الدرجة الشعر غالي عليك :)
رد: ... رحت الوزارة اليوم وطردوني ليش ؟
ولا يهمك انا انصحك تحلق شعرك قبل ماترووووح الملحقية ...لانه الملحقية اذا شافوا شعرك طويييييل ما يدخلوك الملحقية عشان لاتضيع وقتك
رد: ... رحت الوزارة اليوم وطردوني ليش ؟
مافتشوا على الاظافر بالطابور؟
هههه
رد: ... رحت الوزارة اليوم وطردوني ليش ؟
حق التحاق بالبعثة اول مره اسمع فيها ذي الطريقة ممكن تعطينا تفاصيلها ؟!
رد: ... رحت الوزارة اليوم وطردوني ليش ؟
مافتشوا عالفصفص
ههههههههههه