بسم الله الرحمن الرحيم
السلام عليكم ورحمة الله وبركاته
اخواني واخواتي
هذا الموضوع للي يدرسون ماستر او بيدرس ماستر ومتاج قبول مشروط
عندي اقتراح حلو ممكن يساعدنا كثير في مسألة قبول الماسترالمشروط بدوون خسائر على المكاتب وعلى اكثر من ابلكيشن
معروف انو القبول الجامعي في امريكا مستحيل تدخل فيه الواسطة والقبول يخضع لشروط فمن انطبقة عليه الشروط حصل على القبول ومن تم رفضه ما انطبقت الشروط عليه
المكاتب تاخذ من 1500ريال الى 7000 ريال والسالفة ماتكلف 80 دولار= 300 ريال قيمة ابلكيشن فقط
المكاتب عادتا تتعامل مع كل طالب بختلاف على سب مؤهلاته معدله خبرته واكثر من شغله وعارفه بشروط كل جامعه والمعدلات اللي تطلبها وتشوف شنو اللي يناسبه وبعض المكاتب يحاول وياخذ فلوسك وماكو قبول لانك انرفضت
فأنت تدفع مثلا 2000 ريال يكلفهم القبول 300 ريال
الله يرزقهم فهم يشتغلون بس المشكله انو اساسا الطالب محتاج الريال فخلونا نتساعد مع بعض شلون ؟ انا اقولكم شلون
كل طالب عنده قبول ماستر مشروط او يعرف احد من اخوياه او عيال عمه عنده قبول مشروط يحط لنا معلوماته هينا عشان نعرف الجامعات والشروط والمتطلبات ونقدر نحصر الجامعات اللي تقدم قبول ماستر مشروط وتخصصاتها وانشاء الله يعجبكم الموضوع ونشوف التفاعل
وراح يكون الترتيب كالتالي:
الجامعه في مرحلة البكلوريس:
التخصص في مرحلة البكلوريس:
المعدل في مرحلة البكلوريس : ( ياليت توضحون من كم هل 5 , 4 , 100 )
هذي المعلومات تخص القبول المشروط
الجامعه في مرحلة الماستر:
التخصص في مرحلة الماستر:
الولاية والمدينة:
الشروط اللي تطلبها الجامعه :
المستندات المطلوبه:
في خلال كم صلت القبول :
هل حصلته بنفسك ام عن طريق مكتب او وسائل اخر ( اذكرها ):
وياليت اللي حصل قبول ماستر مشروط يذكر هل دعمته الخبره او بدون خبره يعني اي شيئ دعمه
اتمنى نشوف تفاعل تذكروا انو في ميزان حسناتكم وانو تنفعون اخوانكم
بالتوفيق