للدارسين على حسابهم+استفسارات ارجو ان تفيدكم وتفيدني

السلام عليكم ورحمة الله وبركاته

انا ماعرف من وين ابدا موضوعي بس ببدا>>:drool1:

مقدمه:

الان المبتعثين على حسابهم الخاص يواجدون صعوبات كثيره وخاصه في بداية المشوار من نواحي كثيره اولها ياخي النفسيه لما تروح وانت مبتعث من الدوله وتصرف عليك الدوله وتأمن لك كل شي وانت مرتاح غير لما تتعب وتشقى وتروح هناك شبه تايه وضايع ووتألم كل ماحولك ابوك مبلغ وقدره واصلن انت ماتدري تشيل هم الغربه والحياة الجديده والعادات والتقاليد الجديده وطبعا اللي يروح على حسابه مايكون له جلسات تعليميه بكل شي يدور هناك من قبل وزارة التعليم العالي ف يروح ونفسيته مرررره في الارض المهم اكمل ماتدري تشيل هم الغربه ولا هم المعهد ولا هم الدراسه ولا هم الالتحاق بالابتعاث وهو اتوقع اذا الحقوك راح تكون الراحه الكبرى وتتفرغ للدراسه بشكل تااام وهذا يعاني منه كل مبتعث في البدايه والله يعين..ابدا الموضوع


انا واحد ماعمري بحياتي خرجت برا مملكتنا الحبيبه :boxed2: يعني حتى البحرين ماقد طبيتها يعني سيدا من الدمام لواشنطن :gap: >>خلوها على الله

اخواني انا بروح انشاء الله بعد اسبوع من الان لولاية كانساس مدينة لورانس وعندي اورينتيشن في تاريخ 9 جانوري وانا وصولي الى واشنطن في 8 جانوري يعني بالعربي الفصيح
(لن اتمكن من الذهاب الى الملحقيه الثقافيه لفتح ملف)

سؤالي هنا >> س/هل بإمكاني فتح ملف من الانترنت في السعوديه لان انا عندي كل الاوراق المطلوبه ماعدا i_94 ..؟واذا كانت الاجابه لا خذ السؤال الثاني>>

س/ هل بإمكاني التسجيل من امريكا نفسها يعني بعد الوصول بس اسجل عن طريق الانترنت وارسال المعلومات والاوراق عن طريق تصويرها سكنر وارسالها بالايميل وما مدى صحتها وجديتها..؟



ثانيا /انا قريت في موضوع من المواضيع واضعين المستندات المطلوبه لدى الملحقيه الثقافيه وفيه مستندين مافهمتهم او مهم واضحات بالنسبه لي وهم >>

1- إرفاق كشف درجات للجامعات أو الكليات التي درس فيها الطالب للمرحلة الحالية مصدقة من الملحق الثقافي .
2- إرفاق تقرير دراسي من مسجل الجامعة


سؤالي بالنسبه للنقطه الاولى هو يقول
س/من الجامعه اللي بالسعوديه ولا اللي من امريكا بعدين كيف مصدقه من الملحقيه الثقافيه وهل هالمستند شي ضروري لفتح ملف او التسجيل للالتحاق..؟


سؤالي بالنسبه للنقطه الثانيه يقوول
س/ارفق تقرير من مسجل الجامعه اللي بالسعوديه ولا اللي بامريكا وهل التقرير يقصد به كشف الدرجات وهل هالمستند ايضا ضروري لفتح ملف او التسجيل لدى الملحقيه


ارجو من الجميع التفاعل والمشاركه واللي عندك طلعه :p:واللي عنده نصايح بعد يقولها حنا كلنا بالعموم وانا خاصه محتاجين لخبرة كل واحد من الموجودين


اخيرا وليس اخرا..

اسأل الله العلي القدير ان يستجيب لدعواتنا ويتم ضمنا جميعا الى البعثه>>يارب بعد ماسجل وافتح ملف يعلن الملك مكرمه بضم الجميع :thumb:

اسأل الله ان يفك اسركم ويتم قبولكم جميعا ونحن ايضا القادمون اسأل الله ان يهل علينا مكرمه من عنده قبل ان تكون من عند مليكنا بعد فتحنا للملف يارب العالمين

شكرا لكم واسف على الاطاله

الله يسر اموووورك او تلتحق

الله يجزاك خير اخوي

يالله ياخوان وين توضيحاتكم ونصايحكم محتااااااااااااااجينها

اول شي ليش مايميدك تفتح ملف في الملحقيه ترى يمديك ونص
ترى بس تعطيهم اوراقك وانتهينا يعني يوم واحد كافي
طبعا ماادري لكن عن زمن رحلتك لكن موظف الملحقيه ناصر العرفج راح يكون في قاعه الطعام في هوتيل دوبل تري
الصباح على الساعه 8 راح يطلب منك اوراقك تحطهم في ملف وتسجل عليه اسمك وايميلك وخلصنا
احسن لك من دوخه الملف في الموقع هذا الشي الاول
اذا رحت درست هناك لاتفكر في الفلوس ولا بتتعب نفسيتك وماراح تتوفق في دراستك خلي تركيزك على الدراسه وبس
والله بيوفقك اهم شي رضا الوالدين
ارجو اني افدتك هذا اللي اعرفه اما بالنسبه لاوراق الجامعه اعتقد انك تجيب سجل وتوقعه من قسم التسجيل وخلاص
واعتقد تعطيهم نسخه بعد مو الاصلي بعد
وترى كل الاوراق اللي تعطيهم الملحقيه نسخ ماهي باصليه

مشكور اخوي الف شكر لك على مشاركتك لي بالموضوع واهتمامك

وانا رحلتي السبت لان اللس سجلني>>عمي
يقول ان الاورينتيشن يبدا الاحد وانا ابوصل قبلها بيوم

بس قررت انني ااخر رحلتي الى يوم الاحد واوصل الاحد الى واشنطن واروح للفندق وانام يوم واخلص امور الملحقيه واتوكل على الله الى كانساس

ارجوووووو التفاعل

بالتوفيق براافووو عليييك .

اهم شيء تمر واشنطن امورك طيبة ..شوف موضوع ملتقى امريكا فيه موضوعك هناك ماشاء الله وصل ل150رد ..

استفسر من صاحب الموضوع بيعطيك كل الاجابات الي تحتاجها ان شاء الله ..

وبالتوفيق ..

مشكور اخوي وماقصرت والله الموفق انشاء الله