وش ارخص فيزة بالنسبة للدول الي تتحدث باللغه الانلقزية ؟

السلام عليكم .. ورحمة الله وبركاته

انا نويت اسافر لأمريكا ، لكن الفيزه لحالها ممكن تكلف مبلغ

فحبيت اعرف الدول الي لغتها الام ( انقليش ) وفيزتها مو معقدة وغالية مثل الامريكية ولو ما تشترط فيزا يكون احسن بعد

بحسب خبرتكم الواسعه

فكرت في نيوزلندا لكنها بعييييييييييييييييده

وش مقترحاتكم

وشكراً

الفيزا غاليه ؟
وش قصدك اخوي
الي اعرفه تسوي لك يوزر بقيمة ٥٤ ريال
والموعد ٥٠٠ ريال
والسيفيز ٢٠٠ دولار
يعني كلها ١٥٠٠ ريال بس

اذا انت تقول الفيزا الامريكية غالية

اجل لو سافرت وين بتعيش

يا عمي الناس تشيل هم السكن والمدينة وغلائها

وانت من الان تقول غالية الفيزا

لا تسافر احسن لك والله

والله نيوزيلندا بعيده مره اخوي والله اذا جا للرياض يجي مهلوك من الترانزيتات مره في سنغفورا مره في دبي يعني قرروشه
عندك امريكا افضل لك واجراءاتها بسيطه بس الناس تشوف انها معقده وبريطانيا لاتروح لها علشان الالحاق بالبعثه مررره صعب

^
^
^

لتصحيح المعلومة فقط

الالتحاق بــ بريطانيا مغلق نهائيا وليس صعب او معفد

وفقك ربي

خخخخخخخخ
ياعزيزي انت تسمع بالابتعاث

لكن مانقول الا الله يوفقك يارب وين ماتودي وجهك

خخخخخخخخ
ياعزيزي انت تسمع بالابتعاث

لكن مانقول الا الله يوفقك يارب وين ماتودي وجهك

الله ييسر امرك اخوي
شوري عليك نيوزيلندا حتى لو كانت بعيده

الديره كلها جمال طبيعي رح ينسيك التعب وشعب مرره طيب ودولة تستحق الواحد يتعنا لها

الله يوفقك يا رب

الله يصلحك اخوي احد يفكر في قيمة الفيزا او بعد المسافه

الفيز اسعارها متقاربه ماتتعدى 1600 انا رحت الى استراليا وبريطانيا وامريكا وكلهم من حدود 1500 ريال وهالمبلغ زهيد بنسبه للمصاريف الثانية

واذا على بعد المسافه تراها مافرقت ساعتين او 4

فكر في صعوبة الفيزا فكر في غلاء المعيشة فكر في الشعب فكر في المستوى الدراسي يخوي لا تفكر في الامور الثانويه

وبتوفيق

شوف اخوي لا تاخذ الموضوع ضحك او استهزاء بس خذه بصدر رحب وانا اخوك

انا اتصفح الموقع هذا لي 4 سنوات تقريبا مافي موضوع في العالم شدني زي موضوعك وبصراحه ابي انصحك نصيحه لا تسافر اذا بتفكر في قيمه الفيزا انا مشترك في ثلاث مواقع طلابيه من 5 سنوات واول مره اشوف موضوع زي حقك بصراحه وزي ماقالوا الاخوان فوق اجلس في السعودية وسلامتك