ممكن اجابة مضمونة لانه بتحدد وش اسوي بلييز ؟

يا اخوان انا ولله الحمد موظف ضابط ووظيفتي حالياً تعطيني راتب وقدره ولكن ماني مرتاح فيها كون انها حكومية

ما اطول عليكم انا ارغب في اني افصل من هذه الوظيفة وارجع ادرس من جديد بكالوريوس هندسة لاني احس اني عاشق لهذا العلم وناوي اكمل ان شاء الله حتى الدكتوراه ..
اسئلتي :
انا عمري تقريباً 28 سنة هل تؤثر علي في دراستي للبكالوريوس من جديد يعني امكانية القبول من عدمه ؟
هل امكانية الانضمام للبعثة بعد اللغة الانجليزية مضمون او لازم من الـ 30 ساعة ؟
ارخص مدينة في امريكا او كندا و كلهم عينين في راس من ناحية المعيشة وامكانية الحياة فيها بدون اي مشاكل ؟


طبعاً معاي بكالوريوس علوم عسكرية بمعدل4.65من 5
وادرس حالياً بكالوريوس ادارة اعمال بنظام الانتساب المطور ومعدلي فوق 4.23 حالياً من 5
ومعدلي في الثانوية العامة 93.64% علمي

اتمنى منكم الردود اللي تفيدني حيث اني والله ارغب بالدراسة ولكن من اللي اشوفه هنا في هالمنتدى احس انا الدنيا سوداء شوي فيا ليت تفيدوني والف شكر مقدماً ..

اعتقد وانا اخوك ان البكالريوس لو سن محدد بس مدري كم
تحصلو في موقع الوزااارة... تقريبا 26 ,مو اكيد بس اعتقد لاني قريت قريب بس نااااسي روح ارجع واتحصل

والله ماعليك من خرابيط هالمنتدى..

رح واستفسر بنفسك من خبراء.. هالمنتدى ما وراه الا خراب البيوت..

ياخي واحد عمره 35..!! ومبتعث بكالوريوس في هيوستن حاليا.. ( بصراحه التحق بالواسطة ) بس مدري إذا في عمر معين..
تعليمات الوزارة في الموقع كل أمها مهايط في مهايط ماوراه الا الهياط..

والجامعات الامريكيه مالها سن معين في التعليم.. ( يعني ممكن تحصل واحد معك عمره 90 سنة وتوه داخل بكالوريوس )
خويي اللي ساكن معي عمره 25 سنة..وماشي وضعه ( بس باقي مالتحق )

وبالنسبة للإلتحاق بعد اللغه فلا أعلم ولكنها كانت كلمة الدكتور العيسى..وقد نُشر الموضوع في جريدة عكاظ ( أي أنه رسمي )

الله يوفقك ( اطلبوا العلم من المهد إلى اللحد ) ( من سلك طريقا يلتمس فيه علما , سهل الله له طريقا إلى الجنة )

وحاول إنك لاتكثر كلام عن نفسك في أماكن ومنتديات عامة.. ( ترى والله عين الناس ماترحم ) الحسد تفشى عندنا بشكل غير طبيعي ..

( استعينوا على قضاء حوائجكم بالسر والكتمان ) أو كما قال عليه الصلاة والسلام..

الله يوفقك إن شاءالله

انا عمري تقريباً 28 سنة هل تؤثر علي في دراستي للبكالوريوس من جديد يعني امكانية القبول من عدمه؟
لا مايأثر عمرك .. وإمكانية القبول مفتوحة لجميع الأعمار.

هل امكانية الانضمام للبعثة بعد اللغة الانجليزية مضمون او لازم من الـ 30 ساعة ؟
الثلاثين ساعة تجاوزو عنها .. اتكلم لك عن امريكا .. يعني بعد مرحلة اللغة يحق لك المطالبة بالبعثة.

ارخص مدينة في امريكا او كندا و كلهم عينين في راس من ناحية المعيشة وامكانية الحياة فيها بدون اي مشاكل ؟
اترك الاجابة حق اللي اخبر مني.

اخوي عبدالله
انا مثلك موظف رسمي على المرتبه السادسه وراح اقدم استقالتي خلال الايام الجايه
وأطلع لأمريكا أدرس ماجستير
وبالنسبه للعمر .. انا أعرف واحد بشكل شخصي .. عمره 30 يدرس بكالوريوس
وأنضم للبعثه خلال المكرمه السابقه ... والان كمل اللغه وبيبدأ دراسته الجامعيه

أتمنى أستفدت مني ... والله يوفقك ويوفقنا

يعطيكم الف عافية على الردود

لكن فيه استفسار كم المطلوب في الايلتس وهل لو اختبرت هنا وجبت النتيجة معاي هل الالحاق يكون سريع او لا يعني اطول ولا ما اطول في الانضمام للبعثة والف شكر ..

بالنسبة للآيلس كل جامعه ونظامها .. جامعتي تطلب 5.5 من9 بالايلس اذا تبي هندسة ميكانيكية .ومضطر اجيبها خلال هالشهور القادمة عشان ادخل التخصص ..

الله يوفقك يارب ..بس استخير قبل الفصل نصيحتي لك ..

الله يوفقك أخوي عبدالله
يعجبني فيك إصرارك و حماسك
و هذا أعطاني دفعة نفسية و أمل
بارك الله فيك
استشر و استخر ثم قرر
و الله يوفقك

اقتباس:

---

المشاركة الأصلية كتبت بواسطة dr.sa3mi

اعتقد وانا اخوك ان البكالريوس لو سن محدد بس مدري كم
تحصلو في موقع الوزااارة... تقريبا 26 ,مو اكيد بس اعتقد لاني قريت قريب بس نااااسي روح ارجع واتحصل

---

أظن الرقم أقل بعد
لكن يا أخي هذا لبرنامج الابتعاث
و ليس للدراسة على الحساب الخاص و من ثم بإذن الله الالتحاق

الله يعطيكم العافية وكفيتوا ووفيتوا وجزاكم الله الف خير وبإذن الله لنا لقاء في القريب العاجل شاكراً للجميع ..