محتاج مساعدتكم يا مبتعثين
سلام عليكم
بدون تطويل وكلام كثير
انا مالي بعد الله احد غيركم
انا طالب في جامعه الملك عبدالعزيز بجده سنه تحضيريه
وناوي اترك الجامعه وادرس في بريطانيا
والتخصص الي ابغاه هندسه ميكانيكيه
وابغا ادرس بمدينه بريستول او مدينه قريبه منها
واتمنى منكم تقولون لي وش اسوي خطوه بخطوه
انا بروح هناك وادرس على حسابي
الين يجيني الالحاق
تكفون ساعدوني وقلولي وش اسوي فالبدايه
وابشرو ادعيلكم عند باب الكعبه
رد: محتاج مساعدتكم يا مبتعثين
انا عند الله ثم عندكم
تكفون ساعدوني
رد: محتاج مساعدتكم يا مبتعثين
إلي اعرفه الابتعاث لبريطانيا توقف تأكد قبل لا تروح .إلا لو كان عندك واسطه !!!!
رد: محتاج مساعدتكم يا مبتعثين
الله يعطيك العافيه اخوي واسطتي ربي
انا بروح هناك على حسابي وادرس الـ 30 ساعه
وبعدها ابغا الالحاق هل توقف هذا الكلام ؟؟
رد: محتاج مساعدتكم يا مبتعثين
كلا الإلحاق والابتعاث موقفه في بريطانيا
للتكدس .
انا من رأيئي تشوف لك بلد ثاني .
وإذا اخترت ابد نعلمك وش الخطوات وش تسوي
رد: محتاج مساعدتكم يا مبتعثين
يخوي ليه تشوش على الولد
انت تقول يشوف له بلد تاني
طيب على الاقل ساعده وقله اي بلد يروح
مثلا انا عندك لي شهر متردد بين امريكا وماليزيا وبريطانيا
بس شكلي بثبت على امريكا
بس بيني وبينك يوم شفت ان بعض الطلاب جلسو الى الان ثمان شهور ما التحقو عزيمتي قلت
وافكر اني اكمل دراستي في مصر بما اني انا اصلا طالب في مصر ليه اكثر من ثلاث سنوات
وباقي لي الرساله بس التخصص انا ماني مقتنع فيه تربيه خاصه
وربنا يعين ويوفقك يااااااااااااااااااااااارب
وترى بتتعب وتدوخ وتبطل وترجع تقول لا ابي اكمل بس
نصيحه لا احد يكسر عزيمتك خلك مفتنع انك انت تبي تكمل ولا تسمع الى كلام احد ولا احد يحبطك
رد: محتاج مساعدتكم يا مبتعثين
انا انشالله اني مصر على البعثه وكلي عزيمه
وناوي ارجع بشهاده ترفع راسي وراس اهلي
لكن
اخاف اطلع هناك ويكون الالحاق متوقف واكون خسرت مبلغ مو بسيط بالنسبه لي
وضيعت من عمري وقت
انا ابغا الخبر الاكيد
موقع الوزاره مو مذكور فيه التكدس او توقف الالحاق
ياااليت يا شباب تعطوني الخبر الاكيد
وشكرا لكم ع تفاعلكم
رد: محتاج مساعدتكم يا مبتعثين
رد: محتاج مساعدتكم يا مبتعثين
خلينا نتكلم بصراحة لأن الموضوع متعلق بمستقبلك.
أولا، هل انت قادر على تكاليف سنتين، على الأقل، حتى تحصل على 30 ساعة أكاديمية. على فكرة بما انك فى السنة التحضيريه هذا يعنى انك درست بالإنقليزى فى جامعة المؤسس وهذا إمكن يساعدك للحصول على التوفل أو إنهاء المهعد فى مدة قصيرة.
ثانيا: إذا أنت قادر على مصاريف سنتين، ف أمريكا أفضلك. بريطانيا متكدسة بالسعوديين أما أمريكا فافيها ما يقارب 3000 جامعة وبريطانيا قرابة ال 300 جامعة.
رد: محتاج مساعدتكم يا مبتعثين
الحمد الله انقليزيتي ممتازه لحد ما
اتوقع 3 شهور بتكون كافيه جدا لي
امريكا تم رفض منح تاشيره لي
عشان كذا انا مطلعها من راسي
وخلاص انا لي نفس في بريطانيا
بس بسالك اخوي كم تتوقع توصل تكاليف المعهد مع التحضيري هناك
بالعربي كم تتوقع اخسر من دخولي بريطاني لين يتم الحاقي
وهل فيه تعويض من الملحقيه الثقافيه ؟؟
شااكر لك تفاعلك معاي اخوي
ومالك الا الدعوات الطيبه مني بظهر الغيب
اتمنى من باقي الاخوان المشاركه