والله صدري بينفجر من الضيق عطوني حل

السلام عليكم ورحمة الله وبركاته

والله مدري وش اكتب
احس الدنيا ماتشيلني من ضيق الصدر والهم>> بس ما اقول الا الحمدلله ع كل حال

ابيكم تساعدوني تكفوووووووووووون

انا عندي مبلغ بسيط جدا وماراح يكفي الا ل3 شهور فقططططططططط>>>> ويالله يكفي يعني 3 وارجع للسعودية

هل اذا جبت امر اركاب انضم في ال3 شهور ذي او لا

وابي اعرف متى دوام الوزارة في الرياض ومتى يستقبلون الطلاب لاني من خارج الرياض يعني مثلا يوم ايش ومن الساعه كم الى الساعه كم

وابيكم تدلوني على شخص طيب اقدر اخذ منه امر الاركاب

ياليت توصفون لي الطريق الى المكاتب اللي في الوزارة اللي اقدر اكلم فيها اي موظف واتفاهم معه>>> وبعدين اطقه

تكفون عطوني حل سرررررررررررررررريع
الله يوفقكم ويفرج همكم وييسر البعثة لكل اللي على حسابهم

اصلا اغلبية اللي يطلعون بامر اركاب معاهم مبلغ حق شهرين الا اربع روح مكتب الوزاره يوم السبت الساعه 7 الصبح ومعاك قبولك والفيزا والقبول الجامعي اهم شي والاوراق الباقيه زي شهادة الثانويه وداوم معاهم الله يكون بعونك اذا ماعندك واسطه

هونها وتهوووون وكل شخص مكتووب له رزقه انت ضايق صدرك وانت عند اهلك اجل وش بتسوي لا جيت هنا حاول تكوون صبور وتقدر تتحمل كل شيء وتحسب حساب لكل شيء هي ماهي مسئله انك رحت لامريكا وخلاص ..
بالنسبه لامر الاركاااب حي الناصريه وزاره التعليم العالي امتداد طريق التخصصي للجنوب ,,,
الدوام يوم السبت والاحد والاثنيين ,,,
الفتره من الساعه 7 صباحا لازم تكون هناك وتقدم معروظك على الد كتور سليمان العطيه رح هناك بدري ويعلمونك وش تسووي..
لكن دور لك واسطه تطلع لك امر اركااااب لانه الروحه للوزاره بدون واسطه مافيها فايده بصراحه والجميع يشهد لازم لك واسطه بعد الله سبحانه ..
بالنسبه اذا حصلت عل امر الاركاب بمشيئه الله بالكثير شهريين وينزل راتبك كمبتعث ..
ان اصبت فمن الله وان اخطات فمني ومن الشيطاااان ..
دعواتك لنا .... استغفر الله العظيم

استغفر ربك وانا اخوك وش هالدنيا تسوى عشان كل هالهم وضيقة الصدر .. انت تقول الحمدلله على كل حال بس بالكلام لكن صدقني لو تحس فيها وتشعر بهالكلمه ان كل همك هذا بيروح .. ثق بالله وعظم هالثقه ووكل امرك له والله ماراح يجيك الا رزقك واللي كاتبه لك ربك في هالدنيا .. احمد ربك اللي فضلك على كثير من خلقه واحمده على نعمته لك فيه ناس ماعندهم اللي يكفيهم يوم وهم في بيوتهم .. الله يهديك ان شالله ويشرح صدرك ويفرج همك وهم كل مسلم

موضوعك الاساسي مالي علم فيه لكن استفزني عنوانك شوي وحبيت ارد والله يكتب لك الخيره.

ياخوووووك هونا من جد وتبي توفر عاد تعب نفسك كثر في الليل تونه وخبز وشكشوكه في الثلاثه شهور هذي بدال ماتاكل برا اقلها ٨ دولار وشوف كم توفر بدال ٣ شهور بتصير ٤ شهور . وعاد اكيد لك قريب من هنا ولا خوي تمون عليه وانت طالب انقليزي يعني ماتحتاج كل ذاك المكان الهادي ووراك رياضيات وفيزيا انقليزي يعني تبي تروح تحل واجباتك في المكتبه ساعتين وتتعلملك كم كلمه جديده والباقي طلعات مع ناس وتبرطم انقليزي فلو تعرف احد تمون عليه مابقلك لا لو تجيب طراحتك ولا فوق الكنبه دي لحالها اقلها ١٥٠٠ دولار حق السكن. ولاتسويلي فلم هندي لا وما ارضا ياعمي ولد عمك ولا خويك الروح بالروح وماتبي يخدمك ولا تنام ع الكنبه عشان تبني مستقبلك عاد انت ادرا المهم عطيناك كفشات من ماضينا ههههه الي كنت اسويه الين تسهلت ويارب يسهلك

اذا معك امر اركاب ماتحتاج الا مبلغ حق شهرين بالكثير لان بخلال شهر او اقلا راح تنظم للبعثه

تضيق ليه ياخي انت ان شاء الله مسلم وتعرف ربك اقراء قران وصلى لك ركعتين وتبغى ترتاح بعدها باذن ربي
واذا على البعثه فرزقك مكتوب لك ولازم تشوفه لاتستعجل

والاخوان ذكروا لك اهم مطلب للابتعاث السريع امر اركاب من الوزاره خليك موظف عندهم وداوم عند العطيه الساعه سبعه وحاول تفهمه الوضع وباسلوبك تقنعه
اذا كتب لك شؤون الموظفين روح لالاتصالات هناك بيقولون لك شؤون البعثات بحي الغدير معناتها تصريفه
واذا حولك على احد الموظفين عنده امورك طيبه بس لاتطلع من الوزاره الا بامر اركاب

وربك كريم ادعوه مايخيب رجاء عبده


اذكروا الله ....

اخوي لا تبني روحتك لأمريكا على امر الاركاب
اضبط امورك بدونه واحسب حسبتك من الحين ووكل امرك لله سبحانه
اما امر الاركاب زي ما قالولك الشباب يبغالك واسطه .
او انك كل يوم تداوم معاهم ومعاك ملفك ومعروض الله لا يهينك .
انا عن نفسي رحت الوزارة تقريبا الساعه 8 وقابلت موظف الاستقبال وقالي حنا ما نعطي امر اركاب وان حبيت تقدم معروض
راح يرجعلنا ويتم رفضه يعني الشغله واسطات . فلا تتعب حالك وتربط مستقبلك بتكفى وحب خشوم .
اتوكل على الله واستخير قبل لاتطلع والله يقدم اللي فيه الخير .

بالتوفيق

اول شي ..

الحمدلله على كل حال ..

انا احس بمعاناتك .. لاني زيك والله ..

مالنا الا الصبر والدعاء..

وياريت يشوفون لنا حل بالسعوديه يفتحون المجال للدراسسسسسسسه بجميع المعدلات ..

ولا يعطونا فرصه ندرس بالخارج ..

بس الله يعين

اسم الله عليك ياولدي "ونان نت"ولا يضيق صدرك ولا شي خلك شديد والي الله كاتبه لك بيصير
انت اجلس الحين اكتب خطاب مرتب وحط فيه الي تبي وبعدين روح على الرياض "وزارة التعليم العالي الناصريه"
وقابل نائب الوزير الدكتور على العطيه.اهوا يقابل الناس كل سبت واحد واثنين من 7-9الصباح وعطيه الخطاب وبنفس الوقت قوله الي تبي
وخلك مرتب باللبس ثوب وشماغ وعقال وسلامتك وان شاء الله ربي مابيخيبك..