ورقة المراجعه .... وهل الأوراق كامله .. للعطية أم للوزير ..؟
بسم الله الرحمن الرحيم
السلام عليكم ورحمة الله وبركاتة
كيفكم ...
أنا أن شاء الله رايح للوزارة بكرا
بقولكم القصة من الأول
انا بعد ما سمعت كلام عن امر الأركاب وصعوبة الحصووول عليه
ما لقيت غير أكلم عمي
عمي هذا الأنسان اللطيف يشتغل مستشار عند الأمير سلمان
المهم مالكم بالطويله
والله ما يقصر هالعم سوى الي عليه و عطاني ورقة مراجعة
مكتووب عليها
--------------------------------------------------
- نوع الوراد: المكتب الخاص جهة الاحالة: مكتب الأمير - التحرير
- نوع الصادر: المكتب الخاص جهة الصادر: وزير التعليم العالي
- حالة المعاملة : سددت الأسم: راشد...................
--------------------------------------------------
و أنا مجهز أوراق لهم وهي
" المعروض , صورة من الشهاده , صورة من الفيزا , صورة من القبول المشروط ومن قبول المعهد ,
صورة من الأحوال ,صورة من درجات التحصيلي و القدرات "
اولا وش قصت هالورقة ذي يعني الامور حلوه ولا وش القصه ..؟
ثانيا هل الأوراق كامله ولا ناقصني شي ...؟
بأنتظاركم
رد: ورقة المراجعه .... وهل الأوراق كامله .. للعطية أم للوزير ..؟
ياشباب كم مره نقول لكم
الوزير مايدري عن السالفه والالحاق ومو من اختصاصه
روح للمحترم السيد | علي العطية نائب الوزير انسان خلوق ومتساعد مع الطلبة اللذين على حسابهم
الله يوفقك اخوي مقدر اقلك وش رايح يسوي الوزير لين تروح عنده وتشوف بنفسك !
عذب
رد: ورقة المراجعه .... وهل الأوراق كامله .. للعطية أم للوزير ..؟
والله ماعرف لكنها دام عن طريق امير إن شاء الله امورك متسهلة وأوكي ....
<<< ورا ماتتوسط لها وياك
رد: ورقة المراجعه .... وهل الأوراق كامله .. للعطية أم للوزير ..؟
الوزارة تقدر مثل هالشغلات، يعني ورقة طالعة من مكتب أمير وجايتهم، أقولك روح عند الوالدة تدعو لك دعوة ماشية مليون وصل الفجر وصبح على الوزارة وعلى مكتب العطية (لا تروح للوزير) وإن شاء الله تتسهل أمورك.
وليش أمر إركاب؟؟!! خليها بعثة وأصر في طلبك ولو ما صارت ارضى بأمر الإركاب مع إنه يجيك من غير ورقة بس يبغى لها واحد يزن على راسهم.
وخبرنا هنا وش يصير معك.
رد: ورقة المراجعه .... وهل الأوراق كامله .. للعطية أم للوزير ..؟
و الله أني خايف يعني شوركم
اول شي أشوف وش صار مع المعاملة
وبعدين أروح أقدم أوراقي للعطية
ولا وش رايكم
رد: ورقة المراجعه .... وهل الأوراق كامله .. للعطية أم للوزير ..؟
انا خويي بكندا طالع ومعاه قرار من الامير سلمان بالإلحاق ..>> خل عمك يطلع من عنده قرار واقولك مبروك :)
بالتوفيق اخوي ..
رد: ورقة المراجعه .... وهل الأوراق كامله .. للعطية أم للوزير ..؟
على كلام عمي أن المعاملة وصلت عند الوزير قال راجع الوزارة
ويقول التوصية ما يستلمها الطالب يقول مكتب الأمير يحولها ألى الجهات المختصة
رد: ورقة المراجعه .... وهل الأوراق كامله .. للعطية أم للوزير ..؟
بشررر اخوي وش صار معاك
لانك سويت نفس اللي انا بسويه بالضبط
الله يستر يارب تضبط
رد: ورقة المراجعه .... وهل الأوراق كامله .. للعطية أم للوزير ..؟
هع
مافي شي جديد
ثاني شي الوزير مسافر ويبي يرجع بعد أسبوع
وكلمت واحد يقول التوصيه أذا مكتوب فيه أن الطالب يهمنا أمره فلازم يستوفي الشروط
أما أذا مكتوب يعتمد حالاً يعني الله لا يهينكم ضبطوا أمره
رد: ورقة المراجعه .... وهل الأوراق كامله .. للعطية أم للوزير ..؟
اقتباس:
المشاركة الأصلية كتبت بواسطة RaShOd
كلمت واحد يقول التوصيه أذا مكتوب فيه أن الطالب يهمنا أمره فلازم يستوفي الشروط
أما أذا مكتوب يعتمد حالاً يعني الله لا يهينكم ضبطوا أمره
حلوووووو معلومه مهمه جدا
والله ييسر الامور ان شاء الله