يا اعضاء مبتعث محتاجة من معلوماتكم وخبرتكم (:
السلام عليكم :)
انا مطلعة فيزا وخلاص راح احجز تذكرة
بس عندي كم سؤال قبل ما احجز :o
1- ايش احسن خطوط طيران تقترحوها لي ما تكون مررة غالية يعني متوسطة وهل احد جرب الخطوط البريطانية ورايه فيها ؟
2- انا مو مكملة 18 هل هذي مشكلة او لا؟
3- انا ما عندي احد بواشنطن المكان اللي فيه الملحقية من اهلي واذا بروح بكون لوحدي .. فهل ضروري اني انزل بواشنطن علشان اقدم طلب للالتحاق ؟ او هل ممكن تقديم اوراقي بالنت ؟
4- اذا كان لازم اني اروح واشنطن هل اقدر استأجر غرفة في فندق وانا تحت الـ18 ؟
5- قريت عن ناس تبع الوزارة او الملحقية مو متأكدة يستقبلون الطلاب بواشنطن ويجهزوا لهم ويساعدوهم ... ابي معلومات عنهم و كيف هل مثلا بفلوس ولا عادي واي معلومات ثانية من تجربة شخصية او معرفة بالموضوع؟
اللي عنده اي معلومة يحب يشاركها او اي شي ثاني بحتاجه خلال رحلتي فأهلا وسهلا:yes:
وياليت تردوا بسرعة علي لان ابي احجز خلال اليوم او بكرة .. وموفقين جميعا :D
رد: يا اعضاء مبتعث محتاجة من معلوماتكم وخبرتكم (:
~ هلا اختي
والله مدري باسعار التذاكر
بس افضل الخطوط دايركت الى واشنطن
اي فيه موظف من الملحقيه يستقبل الطلاب
مايحتاج تروحي الملحقيه لان اجرائات فتح الملف تكون من النت
يعني على طول روحي للمكان اللي اهلك فيه او اللي بتدرسي
ما ادري اذا العمر له مشكله
بالتوفيق لك يارب
رد: يا اعضاء مبتعث محتاجة من معلوماتكم وخبرتكم (:
اقتباس:
المشاركة الأصلية كتبت بواسطة Rawan-94
السلام عليكم :)
انا مطلعة فيزا وخلاص راح احجز تذكرة
بس عندي كم سؤال قبل ما احجز :o
1- ايش احسن خطوط طيران تقترحوها لي ما تكون مررة غالية يعني متوسطة وهل احد جرب الخطوط البريطانية ورايه فيها ؟
القطرية و الهولندية احسن شي لكنهم اغلى شي بعد , عشان كذا شوفي البريطانية او الالمانية رخيصين و حلوين
2- انا مو مكملة 18 هل هذي مشكلة او لا؟
لا مو مشكلة , انا مثلك مو مكمل -__-
3- انا ما عندي احد بواشنطن المكان اللي فيه الملحقية من اهلي واذا بروح بكون لوحدي .. فهل ضروري اني انزل بواشنطن علشان اقدم طلب للالتحاق ؟ او هل ممكن تقديم اوراقي بالنت ؟
يب ما يحتاج , كل شي هالحين من النت
4- اذا كان لازم اني اروح واشنطن هل اقدر استأجر غرفة في فندق وانا تحت الـ18 ؟
صراحة مدري عن ذا الموضوع بس ما اعتقد فيه اشكال ==
5- قريت عن ناس تبع الوزارة او الملحقية مو متأكدة يستقبلون الطلاب بواشنطن ويجهزوا لهم ويساعدوهم ... ابي معلومات عنهم و كيف هل مثلا بفلوس ولا عادي واي معلومات ثانية من تجربة شخصية او معرفة بالموضوع؟
اما ذا الموضوع ما عندي فكره عنه نهائيا , لاني مو مخطط اروح واشنطن , مشاوير عالفاضي
اللي عنده اي معلومة يحب يشاركها او اي شي ثاني بحتاجه خلال رحلتي فأهلا وسهلا:yes:
وياليت تردوا بسرعة علي لان ابي احجز خلال اليوم او بكرة .. وموفقين جميعا :D
الرد داخل الاقتباس بالاحمر , بالتوفيق
رد: يا اعضاء مبتعث محتاجة من معلوماتكم وخبرتكم (:
اقتباس:
المشاركة الأصلية كتبت بواسطة Rawan-94
السلام عليكم :)
انا مطلعة فيزا وخلاص راح احجز تذكرة
بس عندي كم سؤال قبل ما احجز :o
1- ايش احسن خطوط طيران تقترحوها لي ما تكون مررة غالية يعني متوسطة وهل احد جرب الخطوط البريطانية ورايه فيها ؟
بآلنسبة لي بعد ما بحثت ، لقيت البريطانية أنسب لي. وسعرها حلوَ .. ! وبآلنسبة للطيآرة ، الحممد لله مريحةةَ
2- انا مو مكملة 18 هل هذي مشكلة او لا؟
لآ عآديَ .. بس أتوقع المشكلة ان الملحقية ما تقبل إلإ .. بـ محرم على حسب علميَ !
3- انا ما عندي احد بواشنطن المكان اللي فيه الملحقية من اهلي واذا بروح بكون لوحدي .. فهل ضروري اني انزل بواشنطن علشان اقدم طلب للالتحاق ؟ او هل ممكن تقديم اوراقي بالنت ؟
وآشنطن مألها داعي تروحين لهآ ، لان حتى لو رحتي الملحقية بـ يقولون لك خشي ع آلنتَ وسوي طلبَ .. يعني مالها دآعي الروحةَ ؟ الإفضل انك تروحين لـ ولإيتكَ على طووولَ
4- اذا كان لازم اني اروح واشنطن هل اقدر استأجر غرفة في فندق وانا تحت الـ18 ؟
أغلب الفنادق اذا ما كان كلهآ ، ما يصلح واحد يستأجر تحت الـ 18 بس ( الموتيَل ) أتوقع عآديَ .. تقدرين تسكنين عندهَ
5- قريت عن ناس تبع الوزارة او الملحقية مو متأكدة يستقبلون الطلاب بواشنطن ويجهزوا لهم ويساعدوهم ... ابي معلومات عنهم و كيف هل مثلا بفلوس ولا عادي واي معلومات ثانية من تجربة شخصية او معرفة بالموضوع؟
هذي ، قبل لما كان تقديم الطلب بـ اوراق .. لكن الحين مالها داعي روحة وآشنطنَ.
اللي عنده اي معلومة يحب يشاركها او اي شي ثاني بحتاجه خلال رحلتي فأهلا وسهلا:yes:
اللي أذكره ،، هو جوازك واوراقك كلهآ .. حطيها بـ شنطة ب يدكَ لإنك لما توصلين لـ المطار راح تعبين إورآق. العنوان والاسم كامل وزي كذآ
وياليت تردوا بسرعة علي لان ابي احجز خلال اليوم او بكرة .. وموفقين جميعا :D
بآلتوفيق ،، ورحلة سعيدة مُقدماً =)
رد: يا اعضاء مبتعث محتاجة من معلوماتكم وخبرتكم (:
شكرا king-of-love و Twisted و adnan على الردود
افدوتني وااجد
وريحتوني من روحة واشنطن
بس من وين اسجل بالنت ؟ في موقع الملحقية ولا ايش؟
رد: يا اعضاء مبتعث محتاجة من معلوماتكم وخبرتكم (:
هلا اختي
موفقه ان شاء الله
ليه ماتروحي بالخطوط السعودية ارخص حلوة انا طالع فيها
وبخصوص واشنطن لا مو شرط تروحي
والملحقية اتقوقع لازم يكون محرم معاك والعلم عند الله
وهذا رابط الملحقية
http://www.mbt3th.us/vb/forum60/thread295936.html
رد: يا اعضاء مبتعث محتاجة من معلوماتكم وخبرتكم (:
thank youuuu all !!
والله يوفق الجميع وانشاء الله
ويااارب نلتحق بسررعة ونشيل هم البعثة من راسنا ويكون همنا الوحيد هوه الدراسة (:
رد: يا اعضاء مبتعث محتاجة من معلوماتكم وخبرتكم (:
بالتوفيق ان شاء الله لك والى كل الي يدرسون ع حسابهم
انا بع ـد ان شاء الله طالع بس على السنة الجديدة وان شاء الله نحصل الالتحاق في بداية السنة الجديده ومانطول يآآآآرب :(
رد: يا اعضاء مبتعث محتاجة من معلوماتكم وخبرتكم (:
يااارب يا محمد الله يسمع منك (:
رد: يا اعضاء مبتعث محتاجة من معلوماتكم وخبرتكم (:
و عليكم السلامـ
أول شي تشيلين فكرة روحه واشنطن لانه مالها داعي .. انا طلعت من السعودية على واشنطن و ما استفدت شي لانه قالوا عبي بياناتك على الموقع
و بخصوص الخطوط إذا بتروحين على سانتا مونيكا .. فالاماراتيه كويسه و ماهي غاليه مره .. من السعودية على دبي من دبي على لوس انجلوس .. و المسافة بين لوس أنجلوس و سانتا مونيكا 30 دقيقة بالسيارة .
و عشان لا تنصدمين إذا جيتي هنا .. يبغالك تطولين بالك على البعثة لان أمورها تطول .. والله يوفقكي .