نصيحة من معهد IELI

السلام عليكم ورحمة الله وبركاتة
اخواني الاعزاء حبيت انصح الي يفكر يدرس في معهد ieli بدينتون ياأخوان المعهد فية 500 طالب سعودي وللأسف كلهم في اللفلات الضعيفة وسياسة المعهد الضغط في الرايتنق والسبيكنق سيء فية
لايغركم ترتيبة الثالث على امريكا وشدتة هو قوي ولكن يحجونا كطلبة سعوديين حنا مانأسسكم من شروط المعهد انك تجية متأسس والا بيرسبونك لفلين ومع الباب .. ومن مساويء المعهد انه مايوفر عائلات . ومع العلم ان رسومه 2875دولار في اللفل الواحد ..انا واجهت اكثر من شخص لهم سنه فية تقول كأنه دارس في السعودية ...وبالتوفيق للجميع

امممممممممممممممم

اجل وش المعاهد الكويسة بتكساس؟؟؟؟؟؟؟

الله يعطيك العافيهـ .. اخوي ع النصيحهـ .. وماقصرت يالغلا ..
وانا انصح اي احد يبي يدرس .. اللغهـ .. يشوفلهـ .. معهد تابع لجامعهـ .. ( ترى يكون اقوى من المعاهد التجاريهـ بكثير ... لان المعهد التجاري اهم شي عنده المادهـ .. مايفكر بالطالب نجح او رسب ) ..
والله يكتب الخير للجميع ..

اخواني .. المعهد ماهو سيء لدرجة الحضيض ولكن كطالب على حسابة الخاص يواجه مايلي :
اولاَ :رسومة علية كثيرة يعني في اللفل تدفع 2875دولار مايعادل 10800ريال واللفل شهرين وتسكن كحد ادنى بــ600 دولار وللأسف مافية عائلة بمدينة دينتون تستضيفك .
ثانياً:في الكلاس تحس انك في مجلس ومع الربع كلهم سعودين ومايتكلمون الا عربي يحبطونك ويجمدون قدراتك وعلى فكرة المعهد دقيق جداً في الغياب بالثواني وهذا شي ممتاز جداً.
ثالثاً:المعهد ماخذ فكرة على انك متأسس بالسعودية يعني بمعنى اصح مايتعمق كثير ودقيق جداً في الرايتنق يعني قوي جداً ويحتاج لة واحد متأسس بالثانوية او دارس بمعاهد .
رابعاُ: السبيكنق فية انت ومهارتك في هذي الحالة الكلاس كلة سعودين ماراح تنطلق وتكسر حاجز الاحراج وبيبقى الأكسنت مثل ماهو علية وللمعلومية الاكسنت مهم جداَ وضروري .
خامساً:المعهد تابع لجامعة شمال تكساس وحكومي ولكن اذا قبولك في الجامعة يا تكمل اللفلات كلها او تجيب في الأيلس 6,5 وعشان كذا الجامعة قليل فيها السعودين.
اتمنى وصلتك الفكرة للجميع واتمنى التوفيق للجميع

اقتباس:

---

المشاركة الأصلية كتبت بواسطة Ryan11

امممممممممممممممم

اجل وش المعاهد الكويسة بتكساس؟؟؟؟؟؟؟

---

ماادري بالضبط بس دالاس يقولون فيها معاهد كويسة

بصراحه اول مره اجد شخص يسب معهد جامعة شمال تكساس
المعهد قوي جدا وحصوله على الترتيب الثالث في امريكا لم ياتي من فراغ
معهد اكاديمي ناجح جدا
ايجابياته كثيره جدا ...ولم اجد فيه اي سلبيه سوى سعره للي دارس على حسابه الخاص وسلبيه اخرى تخص المدنيه وهي عدم وجود عائلات
لن اكثر في الكلام ولكن من اراد ان يتأسس باللغة الانجليزية تأسيس قوي جدا فهو احد الخيارات الممتازه ..........

اقتباس:

---

المشاركة الأصلية كتبت بواسطة Ryan11

امممممممممممممممم

اجل وش المعاهد الكويسة بتكساس؟؟؟؟؟؟؟

---

لا يوجد أفضل منه بتكساس كافه

اقتباس:

---

المشاركة الأصلية كتبت بواسطة ابوسعد$

اخواني .. المعهد ماهو سيء لدرجة الحضيض ولكن كطالب على حسابة الخاص يواجه مايلي :
اولاَ :رسومة علية كثيرة يعني في اللفل تدفع 2875دولار مايعادل 10800ريال واللفل شهرين وتسكن كحد ادنى بــ600 دولار وللأسف مافية عائلة بمدينة دينتون تستضيفك .

---

والله مررررررررررررررره غالي
بالكثير المفروض 2000 دولار للشهرين
وفيه 500 سعودي
حتى معهد نيوهورايزن ما فيه هالكثر ... من جد ما ينفع

الله يعين والله

انا درست فيه وكان باقي لفل واتخرج لكن نقلت جامعه لحصولي على الايلتس
المعهد علمني من الزيرو الى المهارات الي تحتاجها انك تمشي بالجامعه وانا اشهد انه معهد مو بس قوي بتكساس بل قوي على مستوى العالم
وانه مايصلح للي مستواهم زيرو لان بصراحه راح يتعبون اوانا تعبت كثير لكن التوفيق بيد الله