الـمـلـحـقـيـة تـرفـض الـطـلـب بـسـبـب وقـف الـولايـة ,,
السلام عليكم ورحمة الله وبركاتة
انا يا اخوان عندي قبول على ولاية فلوريدا وكان قبولي صادر قبل لا يوقفون الولاية
عشان كذا توكلت على الله وقلت ان شاءلله انهم ماراح يدققون علي لان قبولي بتاريخ قبل
وصلت مدينتي وبديت في اجراءات فتح الملف ولكن للاسف استلمت رسالة من الملحقية برفض
الطلب بسبب وقف الولاية.... بعدين قلت اجرب مره ثانيه .. ووضحت لهم موضوعي ولكن بدون فايدة
جاني الرفض الثاني ... تواصلت مع موظفين الملحقية ولكنهم ماتفهمو موضوعي يقولون حتى لو انه
صادر بتاريخ قبل مالنا شغل ... كلمتهم مره ثانيه وقالي الموظف لازم تغير الولاية والجامعة عشان
نفتح لك ملف طالب على حسابه الخاص...وكلت امري لرب العالمين . والشي اللي يغبن اكثر
ان الجامعة اللي انا فيها مافيها الا طالب سعودي واحد فقط .... حاولت اوضح الشي هذا لهم لكن بدون فايده
تخيلو مافيها الا واحد بس ... وكاتبين في موقع الوزارة الجامعة موقفه بسبب التكدس!!...طالب واحد = تكدس
انا الحين لازم اغير الجامعة .. والمشكلة المعهد نظامه 5 لفلات وحطوني في اللفل الرابع وكل لفل شهرين
سؤالي يا اخوان ... هل لازم اخلص اللفل اللي انا فيه عشان احول؟...ولا اقدر احول على طول عادي؟
ابغى اعرف وش اقرب الولايات لفلوريدا واسهل الجامعات في القبول المشروط ؟! وهل احد يقدر يفيدني في هالموضوع؟
لو وصلني القبول الجديد وانا في فلوريدا ..اقدر افتح ملف في الملحقيه...ولا لازم اوصل لمقري الجديد؟
والله اني امر بظروف مايعلم فيها الا رب العالمين...لكن الحمدلله دائما متفاءل
اسأل الله لي ولكم التوفيق
رد: الـمـلـحـقـيـة تـرفـض الـطـلـب بـسـبـب وقـف الـولايـة ,,
اختبر اي لتس او توفل وشوف لك قبول في جامعه ثانية وانقل ،، او انك خلص هاللفل في المعهد وادخل الجامعه وخلص سشن في الجامعه وحول على جامعه ثانية .
رد: الـمـلـحـقـيـة تـرفـض الـطـلـب بـسـبـب وقـف الـولايـة ,,
نصيحتي لك تخلص اللفل على حسابك وتقدم على حافز لمده شهر ان كنت محتاج
ثم تجيب الايلتس وتطلع من الولايه او ان كنت تريد البقاء روح للملحقية بعد انهاء اللغه وتفاهم مع العيسى
رد: الـمـلـحـقـيـة تـرفـض الـطـلـب بـسـبـب وقـف الـولايـة ,,
يفترض ما دام قبولك قبل الاغلاق انك ترسل القبول لادارة الاعتماد الاكاديمي وتختمه منهم بما يثبت انه قبل الاغلاق ومن ثم تعيد التقديم بالاوراق المختومه
رد: الـمـلـحـقـيـة تـرفـض الـطـلـب بـسـبـب وقـف الـولايـة ,,
طيب يا اخوان انا اللفل بيتنهي على نهاية فبراير ولازم احول في شهر مارس
هل فيه معاهد تبدا في شهر مارس ؟...ياليت تفيدوني
رد: الـمـلـحـقـيـة تـرفـض الـطـلـب بـسـبـب وقـف الـولايـة ,,
ايه أخوي في معاهد تبدا كل بداية شهر وفي معاهد تقبل كل بداية أسبوع من ناحية المعاهد لا تشيل هم والشباب ان شاء الله يفيدونك في أسماء المعاهد . في معهد ILI في واشنطن هذا رابط الموقع ILI - Study English, learn English , English course, TOEFL, Washington, DC, English class, language school, English USA, F-1, F1, I20, I-20, student visa الشهر تقريبا ب 750 دولار وبالتوفيق ان شاء الله لك
رد: الـمـلـحـقـيـة تـرفـض الـطـلـب بـسـبـب وقـف الـولايـة ,,
الله يجزاك كل خير اخوي المهاجر ... طيب هل المعهد يعطي اختبار الايلتس؟
رد: الـمـلـحـقـيـة تـرفـض الـطـلـب بـسـبـب وقـف الـولايـة ,,
رد: الـمـلـحـقـيـة تـرفـض الـطـلـب بـسـبـب وقـف الـولايـة ,,
معهد اي ال اس يبدأ كل شهر ^^
رد: الـمـلـحـقـيـة تـرفـض الـطـلـب بـسـبـب وقـف الـولايـة ,,
معهد جامعة colorado state university كل شهرين يبدا
تقدر تدخله فبداية مارس