الله يرحم أم جابتكم والله تريحوني لو تجاوبوني اللي عنده خبرة
أولا بسم الله الرحمن الرحيم
يا اخوان أنا لي بأمريكا قرابة شهرين طبعا كان قبولي على جامعة آيداهو أول ما جيت رحت للجامعة ووقلت لهم أنا أبي أدرس الله بمعهد غير معهدكم يعني بمعهد ثاني ولا دخلت معهد الجامعه نهائيا لان فيه طلاب سعوديين قالوا لي ان المعهد ما يصلح وانه فيه ظلم للطلاب ولا ينجحون الطلاب حتى لو كانت درجاتك ممتازه وتعرفون بما بما إن الواحد جاي على حسابه الخاص ما يبي يخصر فلوس على معمة المعاهد وظلمها المهم يوم جيتهم وقلت لهم انا ابي ادرس بمعهد ثاني قالوا خلاص ما فيه مشكله ورحت جبت قبول من كلية ثانيه وضبطت اموري وسويت تحديد مستوى والحمدلله دخلت المستوى الثالث بمعهد الكليه لان أساسا لغتي مش بطاله بحكم عملي سابقا المهم هنا مربط الفرس إني لما رفعت أوراقي للمحقية أقصد قبول الكلية الجديدة يرد علي المشرف أو المشرفة بالرد التالي :
الطالب البيانات الدراسية يجب تعبئة اسم الجامعة في حقل المؤسسة التعليمية وليس اسم المعهد التي تم الحصول على قبول منها مع ذكر التخصص ..وفي حال عدم وجود قبول يذكر اسم الجامعة التي تقدمت لها للحصول على قبول
طبعا كل ما رفعت أوراقي للملحقية يجيني نفس الرد أربع مرات يتم الرفض لهذا السبب مع العلم إن الكليه معتمدة من الوزارة وليست موقوفه و مع العلم كذلك إن قبول الكلية فيه ان التخصص هو pree-engineer
يعني يعطون دبلوم للهندسة وبعدها تكمل ايها الطالب بجامعة باقي البكالوريوس ..... المهم كل ماجاني الرد هذا حاولت مرره ثانيه إلى أن أرفقت قبول الجامعه الجامعه اللي كان قبولي عليها في البدايه جامعة آيداهو وبالاخير جاء الرد بقبول الطلب لكن عندي بعض الأسئله أتمنى من الله ثم منكم الإجابه عليها للضرورة جعل مثواكم الجنه ::
1- أنا الحين أدرس بمعهد الكلية وأوراقي عند الملحقية على الجامعه اللي انا ما ادرس فيها هل الشي هذا عادي ؟ لأن بعض الناس يقول لازم تعدل بياناتك وبعضهم يقول عادي لأنك تعتبر تدرس لغه أذا جاك انضمام إن شاء الله تقدر تعدل وإن الضمان المالي يجيك على الإيميل لأني خايف إذا أرسلت قبول الكلية يجيني نفس الرد
2- هل الضمان المالي يجي على إسم الجامعه اللي أنا اللي رفعت قبولها ؟
3- هل يلزمني التعديل قبل لا يجي إنضمام ؟ لأن الاخ اللي يرد لي بالرفض الظاهر إن أبو الشباب يحسب إن اللكليه معهد موب بكلية
في النهاية أسأل الله العلي القدير إنه يمن علينا بإنضمام جميعا الرجاء منكم سلمكم الله الرد بتفصيل ولا تبخلون بأي معلومه لا حرمكم الله الأجر ......................
رد: الله يرحم أم جابتكم والله تريحوني لو تجاوبوني اللي عنده خبرة
شوف اخوي حسب علمي راح اجاوبك
مدام الكلية معتمده معني شاك بهالموضوع كلية معتمده مدري كيف مسموح لك تكمل بس لما انت سجلت اسم الكلية في الملف للملحقية وتم الرفض يعني الكلية ماهي معتمده ولما سجلت باسم الجامعة مشت امورك
طبعا عادي موضوع انك حاط اسم الجامعة وذالك لتمشية اوراقك
نصيحه لا جاك قبول من البعثات اطلع من المعهد ذا وروح معهد تابع لجامعة افضل لك
هذا الا عندي واتمنى من الاخوان الافادة لك اكثر
رد: الله يرحم أم جابتكم والله تريحوني لو تجاوبوني اللي عنده خبرة
روح للبيانات الدراسية
واختر تعديل البيانات الدراسية
وادخل اسم الجامعه والتخصص وارفق القبول وارسل الطلب
ويومين ان شاء الله ويعدلونه لك
بالتوفيق ان شاء الله
رد: الله يرحم أم جابتكم والله تريحوني لو تجاوبوني اللي عنده خبرة
الله يجزاكم خير ياللي رديتوا على موضوعك ورحم الله والديكم لكن أتمنى من اللي صار معه نفسي يتفضل علي بالرد
رد: الله يرحم أم جابتكم والله تريحوني لو تجاوبوني اللي عنده خبرة
انا صارت لي نفس السالفه جاني نفس الرد حط في مكان المؤسسه التعليميه اسم الجامعه مو اسم المعهد وبيجيك قبول
رد: الله يرحم أم جابتكم والله تريحوني لو تجاوبوني اللي عنده خبرة
أخوي مالي سوا ربي انا حطيت اسم الكليه مو اسم المعهد اللي انا ادرس بمعهدها يعني المعهد تابع للكليه ولا قبلوا الطلب الا لما حطيت قبول الجامعه اللي كان قبولي عليها اتمنى منك سلمك الله تشرح لي حالتك
رد: الله يرحم أم جابتكم والله تريحوني لو تجاوبوني اللي عنده خبرة
الاخوه الكرام أهل الخبره أقرأوا موضوعي و أرجو الرد على موضوعي جزاكم الله خيييييييير