انا ادرس في استراليا.. كيف انضم للبعثة ؟؟

السلام عليكم ورحمة الله وبركاته..

انا طالب ادرس في استراليا "اديليد" من شهرين على حسابي الخاص..

لسه قاعد ادرس لغه وان شاء الله في ابريل الجاي ابدأ فاونديشن وبعدها باكلوريوس ماليه "فاينانس" وطلعت على هنا بدون ما افتح ملف في الوزارة ولاشي

وعندي قبول في جامعه معتمده. "فلندرز"

وابغى اقدم للبعثه كييييييف ؟؟

ياريت احد يشرحلي ببساطه وبدون كلام معقد وصعب وما يتفهم
لأني ما ادري ايش يعني عشرين وثلاثيت ساعه :no:
ابغى احد يكلمني كلام سهل وبسيط ومفهوم..

ايش لازم يكون عندي وايش الخطوات الي اسويها ؟؟

وياريت لا يجيني احد يقولي لازم تخلص سنه ونص ولا مدري كم
لأنه الشباب الي معايا هنا ماشالله كلهم انضموا للبعثه وهما لسه في اللغه


يجيني واحد يقولي طيب ليش ما تسألهم وتعمل زي ما عملوا ؟؟

لأنه في ظروف وتفاصيل تمنعني من الشي هذا
وغير كده ابغى اعمل كل شي بنفسي

ياريت احد يفيدني
ومشكورين عموما.

لا اله الا الله محمد رسول الله

السلام عليكم

الخطوات حبيبي
1- صورة من بطاقة الاحوال.
2- صورة من جواز السفر وختم الدخول والتأشيرة .
3- صور من شهادة الثانوية وحسن السيرة والسلوك .
4- صور من القبول اللغة والجامعة.
5- تذهب لموقع الملحقية www.sacm.org.au وتضغط على دليل الاجراءات وسوف تجد في الاسفل نماذج تطبع نموذج طلب الحاق دارس على حسابه الخاص بعضوية البعثة و استمارة طلب الموافقه على الدراسة في الخارج على الحساب الخاص وتعبيها .
6- خطاب تكتبه موجه للدكتور علي البشري ( الملحق الثقافي ) تفيد فيه برغبتك بالالتحاق بالبعثة.
7- ترسلها على العنوان التالي :

Cultural Mission of Royal Embassy of Saudi Arabia
P.O.Box 9119
Deakin,ACT,2600
Australia

او تعمل اسكان لجميع اوراقك وترسلها للاستاذ محمد ارصد في الملحقية ( قسم فتح الملفات )

على الايميل : (تم حذف الإيميل لأن عرضه مخالف لشروط المنتدى)

وتتابع معاه خطوه بخطوه حتى استكمال الاوراق هاتف الاستاذ محمد ارصد : 0262693228

او تذهب في صفحة الاجراءات في جهة اليمين تجد حول الملحقية اضغط عليها ومن ثم دليل موظفي الملحقية وتحصل ارقامهم موجوده كلهم مباشر افضل من الاتصال على الرقم الرئيسي والانتظار والتحويل من موظف الى موظف..

ونصيحه لك ان شاء الله اذا تم تحويلك للبعثة لابد من وجود الفواتير الاصليه بالمبالغ اللي دفعتها للمعهد والجامعه ليتم تعويضك اذا لم تكون موجوده معاك ارجع لوكيلك واطلبها منه او عن طريق المعهد والجامعه يعطوك فواتير اصليه احفظها معاك حتى يتم تحويلك للبعثه ليتم تعويضك والله يوفقك والسلام ختام ...

مشكور والله وما تقصر يا عسل بس ياريت لو تكمل جميلك وترسل لي ايميل الاستاذ محمد ارصد على الخاص لأنه ما طلع في ردك

وودي اعرف بالنسبه للخطاب الي ارسله للدكتور علي .. هل ارسل الخطاب لحاله ولا النمادج ايضا ؟؟

والحين بعد ما ارسل الاوراق وكل شي .. يتقرر انظمامي من عدمه في الجلسه القادمه ؟؟ ولا انا مالي شغل بموضوع الجلسات ؟؟

هههههههههه ادري بتقول ايش الجاهل هذا بس اعذرني والله ما عندي خلفيه بالسياسة المتبعه في نظام البعثات

ومشكور مره اخرى

بعد قيامك بارسال جميع الاوراق الى الملحقية ستقوم الملحقية بارسال ملفك الى الوزارة في الرياض وبعدها تقوم ادارة البعثات بادراج اوراقك لدى لجنة الالحاق ( الجلسة) ويمكنك بعدها متابعة طلبك في موقع الوزارة .
وبعدين مش عيب الواحد يقول ما اعرف كذا او كذا بشرط انه لا يبقى على جهله و لكن يتعلم و يتعرف على الاشياء التي يجهلها.

جزاك الله كل خير وانا ما جيت وسألت الا لأني ما اعرف بس بفضل الله ثم بفضل مجهوداتكم تتسهل كل الصعاب الين ما ننتهي من الموضوع هذا وننضم للبعثه.. وما تقصروا جميعا

واسأل الله التوفيق لي وللجميع

السلام عليكم اخواني انا انشاء الله بروح استراليا خلال اسبوعين او ثلاثه



ما ادري متى اقدم على طلب الانضمام من هنا او من هناك


مع شكري لكم

يا شباب الله يعطيكم العافية

اذا طلعت درست على حسابي هل الوزارة تعطيني راتب شهري و انا اتكفل بتكاليف الدراسة او انها كلها علي؟

ارجوا سرعة الرد قبل ما اقدم على الوزارة