جامعة في كولورادو تقبل معدل مقبول للماجستير

السلام عليكم
انا ابي اسأل اذا في جامعة بكولورادو تقبل معدل مقبول لدرجة الماجستير
وبعد ابي اسألكم عن التوصيات هل تكفي توصيتين ولا لازم ثلاث توصيات مع العلم اني ماقدرت اجيب التوصية الثالثة بسبب ان الاساتذه رافضين يعطوني
وابي اسأل عن السجل الاكاديمي والوثيقة هل لازم اخذ منهم نسخ مصدقة في ظرف مسكر من الجامعة


ارجو منكم الرد بسرعة لاني مسافرة بعد اسبوع وجالسة احاول اخلص الباقي من اوراقي
عندي قبول معهد وقبول جامعة بكالريوس بس قالو لي ان الملحقية راح ترفض تلحقني لان عندي بكالريوس من قبل
فقلت بجيب قبول جامعة ماجستير وجالسه اخلص اوراقي قبل سفري
رجاء بلغوني بالاوراق المطلوبه وياريت تردون على اسئلتي

ولا رد واحد على الاقل

وعليكم السلام ورحمة الله وبركاته..
تحياتي اختي..
والله انا مثلك مالي اسبوعين بامريكا وعلى حسابي وبكمل ماستر ولسا مقدم على كذا جامعه ولا طلع لي قبول مشروط..
بالنسبه لسؤالك التوصيات يطلبون 3 لازم مدري اذا فيه جامعات تقبل 2 بس ع ماظن كلها تقبل 3 توصيات ويمكن ان حصلتي جامعه تقبل 2 تلقيها مو معترف فيها ولا فيه اي سبب ثاني
احسن لك دامك بالسعوديه طلعي لك 3 التوصيات والله هنا تشديد ومايمشون شي بسهل احسن لك خلصي امورك بالسعوديه وتعالي هنا قدمي عاى الجامعه الي تبيها..
وبالنسبه للاوراق الثانيه ايه اخذي نسخ منها وختميها طبق الاصل وحطي لك بظرفين مقفلات ومختوم عليها من برا ختم الجامعه السجلات الاكاديميه والوثيقه طبعا صور منها طبق الاصل ..

اتمنى اني افدتك بالي اقدر عليه وموفقه يارب..

جامعة فورت كولنز و جامعة بولدر ما بيعطوا

شوفي جامعات دينفر يمكن وحدة منهم تنفع

اخوي انكسار افهم من كلامك انك مسافر قبل ما تحصل على قبول ؟؟؟

قاعد تبحث عن القبول هناك ؟ طيب طلعت باي فيزا انت ؟

الف شكر لكل اللي ردو
انا الحمد لله قدرت اجيب التوصية الثالثة وخلصت جميع الاوراق من الجامعة نسخ طبق الاصل
بس لسه باقي القبول حق الماستر .. لاني خايفه اقدم على الملحقيه بقبول بكالريوس ويرفضوه لان عندي بكالريوس
والماستر الله يعين انشاء الله الله يسهل ونلقى قبول
اخوي انكسار اذا لقيت لك جامعة عطتك قبول ياريت تخبرني فيها
انا راح ادور بجامعات كولورادو بس لو مالقيت راح اضطر اغير الولاية كلها بس ودي بولايه قريبه من كولورادو لان اهلي فيها ويكون فيها مواصلات يعني تكون العيشه فيا سهله كوني بنت وماعندي سيارة