عرض للطباعة
ألسسلآم عليكم ورحمة آلله وبركآته
آنآ آن شآءآلله بعد شهر تقريباً رآح اطلع بعثه وإلى الحين مآحددت وين آروح لأن كل شوي آحد قآيل لي كلآم
نآس تقول آمريكآ آزين ونآس تقول كندآ وأنا كآن حلمي بريطآنيآ بس يقولون آنهم قفلو الألتحآق ..
آولاً آلي عنده معلومآت عن الكلآم آلي فوق لآيبخل علي :)
آلشي آلثآني تنصحوني آروح عن طريق مكتب آو آنآ آرآسل المعهد بنفسي؟
لأن يقولون آغلب المكآتب يسحبون عليك وكذا :/
آلي عنده خبره ب آلموضوع هذآ يفيدنآ !!
للمعلوميه آنآ ابطلع درآسة لغه آول شي
ويعطيكم آلف عآفيه
اخوي امريكا وكندا والصين حسب علمي مازال الابتعاث مفتوح فيها
ولو تبي أضمن شيء أمريكا لان كندا حاطين شرط جديد بموقعهم وباللون الاحمر أن الالتحاق بعد الانتهاء من فترة اللغه ولا احد يعرف متى يتم تطبيق هذا القرار يمكن اليوم بكرا بعد شهر بعد سنه الله اعلم
اما بخصوص المكاتب نصب في نصب ماتحتاج لها
فيه مكاتب يجيب لك قبول له أبي قبول بالمعهد بس ولو تعرف أحد بامريكا يطلع لك القبول خلال 48 ساعه بمبلغ بسيط لايتعدى 150 دولار
بعدها اذا داومت بالمعهد ادفع لهم شهري
وفيه كثير مكاتب متعاقدين مع المعاهد بالخارج مثل مكتب الراجحي بالرياض
طريقته حلوه ويضمن حقك وترتاح
هذا الله يطول عمرك طريقته أنه ياخذ معلوماتك ويرسلك للمعهد ولاتدفع أي شي له الا سوا حق القبول علشان يرسلك القبول وتقدمه للفيزا
واذا وصلت للمعهد تدفع لهم شهري
وللمعلوميه زينة هالمكاتب أنه ماياخذ منك أي فايده والمبلغ اللي تدفعه للمعهد ويبين هالمبلغ بورقة القبول
بس المكتب يستفيد من عدد الطلاب يعني المعهد يحاسبه على عدد الطلاب اللي يسجلون من طرفه ويعطيه عمولته
اهم شيء مالك بالطويله أنتبه تدفع مقدم لاي شيء لانك ماتدري يمكن تطلع الفيزا يمكن لا
يمكن تضطر ماتكمل وقتها يخصمون نسبه معينه وقت الاسترجاع أنت بغنى عنها لانهم ماعندهم مانع بالدفع الشهري
اما بخصوص الفيزا ف أنصحك تروح لمكتب الفيفا هو يعبيها لك ويجهزها ويرسلها وتصبر 30 يوم وتوصلك باذن الله بس تحتاج ضمان مالي الا وهو كشف حساب باسم الووالد او احد اهلك يكون فيه مبلغ وقدره يغطي دراستك يعني
هالكلام لو تبي تروح كندا
اما أمريكا اعتقد لازم تحجز موعد بالسفاره ومن الامور هاذي ماعندي خلفيه عنها
دعواتك
شوف يالغالي
اول شئ حدد الدولة اللي بتروح لها وانصحك بخصوص الانضمام
أمريكا أو كندا هم الاسرع من ناحية الانضمام
وبعد ماتحدد الدولة اللي بتروح لها عليك بالتوجة مباشرة للشيخ قوقل
والبحث عن أفضل الاماكن للدراسة واقراء عن اغلب المدن لمدة اقل شئ
٥ ايام من البحث عن الاماكن الجيدة للدراسة وايجابيات وسلبيات بعض الولايات
بعد البحث اكيد بتكون اعجبتك كم مدينة من اللي قرأت عنهم
بعدها نزل موضوع في مبتعث في قسم الدولة اللي اخترتها
واستفسر عن هالمدن وبتلقى طلاب فيها يردون عليك ويوضحون لك الايجابيات والسلبيات
ووقتها تقرر او تاخذ منهم شور بخصوص مدن أخرى حلوة للدراسة
بالتوفيق ان شاء الله
آلله يجزآكم خخخير
مآقصرتو ومشكورين على الأفآده
- - - مشاركة محدثة - - -
كنت آحبك
آنآ قررت آروح لبريطآنيآ الصدق حتى لو مآضمون عآدي
وأبحآول اخلص لغه وادخل جامعه هناك او ارجع هنآ
بس ابسئلك امريكآ كم شهر على شآن يضمونن؟
امريكا الانظامام اربعه اشهر وبريطانيا نصيحة لاتروح لان حتى يمكن السنه هذي تقفل مافيه بعثه على بريطانيا فما بالك بالالحاق الى اذا ناوي تروح تدرس لغة وجامعه على حسابك