عرض للطباعة
السلام عليكم ورحمه الله وبركاته
اخباركم ..؟
شباب الي له خبره عن الابتعاث على حسابي الخاص
اول شي انا معاي 75 الف يمديني اجيب قبول من الجامعه والمعهد ؟ واطلع فيزا ؟
وبخصوص الشهاده البنكيه الحين راتب الوالد 20 الف وبعد شهر تقريبا او شهرين بيجيه 60 الف او حولها
يعني الحين وضعي سليم لمن اطلع شهاده بنكية او ضضمان بنكي ؟؟ حق ثلاث شهور
ارجو الرد للاهميه وياريت الي عنده شي اكيد يكتبه
وشكرا
وعليكم السلام ورحمة الله وبركاته
بإذن الله تقدر تسوي اللي تبيه بجهدك طبعا وتجيب القبول بنفسك وتراسل الجامعه والمعهد بنفسك وهو الأفضل بس لا تصعب الموضوع
بخصوص الضمان البنكي المعروف هو الشهاده البنكيه
والشهاده البنكيه اللي يطلبونها
بس حط في حسابك 100 الف ريال سعودي وقول للبنك يطلعونها لك بالانجليزي ويحطونها طبعا بالدولار
والـ 100 الف دبرها وحطها في حسابك او حساب ابوك وطلع شهاده بنكيه في خمس دقايق وبعدها اسحب الفلوس لصاحبها وبس
الموضوع بس انك تودع فيحسابك 100 الف ريال وتطلع شهاده بنكيه وتقول للموظف يكتب اسم الجامعه والمعهد بالانجليزي طبعا او الأفضل تخليه يكتب to whom it may concern وسلامتك
والله يوفقك يارب ويسهل امورك
تحياتي
يعطيك العافيه اخوي
بخصوص الجامعه اخوي بيجيب القبول من المعهد والجامعه من عندهم وهذا يوفر علي كثير على ما اضن
بس الخوف من الضمان المالي
الضمان المالي يعني يحجزون المبلغ ما تقدر تسحبه
لكن الشهادة البنكية تثبت المبلغ الموجود في حسابك ,,
واظن كل الجامعات يطلبون الشهادة البنكية وليس الضمان ..
طيب شهاده بنكية عادي يكون فيها 75 الف او 70 ؟ والفيزا يقبولنها ولا بيرفضو ويقولو المبلغ مايغطي دراستك وكذا
لاتتوتر بزياده ياخوي ترها تساهيل ان شاء الله
اول شي بكلمك عن القبول المعهد + قبول الجامعه + التاشيره وتسديد الرسوم في بنك سامبا
قبول المعهد اتوقع بيكلفك مع الشحن 1000 بالكثير + قبول المعهد تقريبا 40 دولار تقريبا 250 + تسديد بنك سامبا 608+ تسديد السيفس 600 تقريبا و45 ريال موعد في السفاره
في مكتب في الرياض صاحبه سعودي اذا تبيه كلمني ورخيص تقريبا ارخص واضمن مكتب يجب لك القبولات في 10 ايام هو الوكيل لي معهد ELS ابره للذمه انا خويي راح له وحاليا في امريكا ويمدح فيه
بالنسبه للبنك رح لبنك الراجحي وقولهم ابي شهاده بنكيه بالانقلش وبس
بيطلع لك الحساب بالدولار انا معي واحده
بس معهد els اعرف انه مايقبلها يقبل حقت بنك سامبا لان تكتب فيها اسم المعهد حقت بنك سامبا
بس الراجحي ماتقدر تكتب اسمك يكتب فيها اسم راعي الحساب
ولاتقدر تكتب اسم المعهد.
(واي سوال راسالني على الخاص لان الحمدالله خلصت كل اموري بس باقي السفر )
دعواتك "
مشكور وبيض الله وجهك والله يوفقك بسفرتك وترجع وبيدك شهادتك الجامعيه