شباب بخصوص الاالحاق بالبعثه مين عنده اجابات لأسالتي؟

السلام عليكم ورحمة الله وبركاته

الصراحه يااخوان قاعد افكر اني اكمل دراسة الماجستير واللغه في بريطانيا على حسابي وبعدين اقدم الحاق على البعثه وعندي اسئله كثيره وان شاء الله القا اجاباتها عندكم

اولا:بالنسبه للمعهد كم المده اللي اخذها مثلا: شهر‘ شهرين‘ ثلاثه اللين يطلع قرار الحاقي بالبعثه.

ثانيا: هل فعلا يتم ارجاع المبالغ المدفوعه على المعهد من الوزاره

ثالثا: لغتي الانجليزيه مبتديئ يعني بالعربي( تعبانه جدا) يعني يحتاجلي حق سنه ‘ وانا مثلا اخذت حق ثلاثة شهور اللين يطلع القرار
سؤالي لوجاني الالحاق في الشهر الاول او الثالث هل بيخلوني اكمل سنه

رابعا: لو جبت قبول الجامعه لدراسة الماجستير في القانون مع العلم ان البكالوريس تبعي في ادارة الاعمال هل سوف ترفض الوزاره او الملحقيه انضمامي للبعثه
(مع العلم انه في شروط الوزاره انه لازم تكون الدراسه امتداد للتخصص)

خامسا: بالنسبة لدراسة المعهد هل اخذ كورس انجليزي عام ولا كورس تبع التخصص
يعني مثلا كورس انجليزي في القانون لان القانون فيه مصطلحات كثيره لا تدرس في الانجليزي العام.

سلام علاك

وش حالك اخوي

الجواب الاول
انت اذا بتخلي احد يراجعلك في الوزارة بالرياض بيكون الالحاق اسرع
يعني شهر شهر ونص بالكثير
واذا تبي توضيح اكثر قول وابشر افصل لك كل شي

الجواب الثاني
نعم يتم ارجاعها وارجاع غيرها من المصاريف الاخرى اذا كنت تملك فواتيرها

الجواب الثالث
ايه يخلونك تكمل لين ما تتعلم صح وتختبر توفل ولا ايلس على حسب الجامعه اللي تقدم عليها

الجواب الرابع
فيه حالات استثنائيه في التخصصات
يعني فيه تخصصات ما لها امتداد برا ويخلونك تدرس على حسب ما يرونه افضل واقرب لتخصصك
فارى انك تسأل الوزارة افضل لك

الجواب الخامس
انت الحين خذ لك انجليزي عام
وبعد ما تلتحق بالبعثه وتشوف كيف الدراسه والجامعه والمتطلبات ذيك الساعه تقدر تقرر
نوع كورس اللغه حقك


اي خدمات ثانيه تحت امرك

تقبل تحياتي
اخوك
JOSIPH

فيه ملاحظتين على الأخ اللي جاوب اقبلي ,,والله يعطيه العافية مقدما ولكن:
الجواب الاول الإنضمام للبعثه على حسب الميزانية يعني حتى لو راجعت الوزارة ماراح يضمونك الا اذا توفرت ميزانية أو مكرمة ملكيه,,والجواب الثاني ماراح يعوضونك عن كل اللي دفعته يعوضونك فقط من تاريخ صدور القرار وباالتوفيق ان شاء الله

اقتباس:

---

المشاركة الأصلية كتبت بواسطة JOSIPH

الجواب الاول
انت اذا بتخلي احد يراجعلك في الوزارة بالرياض بيكون الالحاق اسرع
يعني شهر شهر ونص بالكثير
واذا تبي توضيح اكثر قول وابشر افصل لك كل شي

---

اخوي JOSIPH اول شي شاكرلك مرورك ويعطيك الف عافيه

اما بالنسبه للوزاره امرها هين عندي من يراجعها اذا كان القرار بيكون اسرع

بس الشي اللي محيرني هو التخصص اخاف يقولون لازم تاخذ امتداد لادارة اعمال

عموما لك جزيل الشكر والامتنان على عالمعلومات اللي فادتني كثير والله يجزاك خير

[quote=هاوي نغم;465057 ,,والجواب الثاني ماراح يعوضونك عن كل اللي دفعته يعوضونك فقط من تاريخ صدور القرار وباالتوفيق ان شاء الله[/quote]

اخوي هاوي نغم شاكر مرورك

بالنسبه لهذي الملاحظه ليتك توضح اكثر يعني لو درست حق ثلاث شهور وماطلع القرار الابعد ماخلصت يبدا الدفع من الشهر الرابع

تدري الخوف مو من كذا الخوف لودرست فتره طويله وماجاني القرار الا متاخر

القصد بعض المرات يصدر لك القرار لكن مايصدر لك الضمان المالي الا بعد مده فلذلك المده هذي هي اللي يتك فيها التعويض فقط وربك يعوضك إن شاء الله بالجنة

اخوي هاوي نغم شاكر لك تجاوبك

طيب أخوي هاوي نغم

في البداية أحب اشكرك على معلوماتك القيمه


ثانيا سؤالي...

بالنسبة لماليزيا
هل يطلبون ضمان مالي أو شهادة بنكيه؟

وماهي نسبة إنضمامي للبعثه في ماليزيا ؟
وهل الموافقه ماتحصل لي الا من استراليا ؟

وأخيرا ..
ماهي أفضل المكاتب في الرياض اللي تجيب الموافقه؟؟

وآآآآآسف على الاطاله


وتقبل تحياتي ...

احم


نسيت أقولك اني بدرس ماجستر أدارة اعمال .. أو لغة انجليزية




وشكرا