رد: مهم جدا ارجو المساعده
لاتستعجل وتندم .. خذ كل وقتك حتى لو تتاخر شهرين او ثلاث وتفوت سمستر عادي
الاهم من هذا كله انك تجي امريكا ومعاك قبولات كامله لغه وجامعه وكل شيء .. عشان ماتدخل في دوامه البحث عن جامعه والبحث عن مدينه مناسبه و و و و .. شوف نص المواضيع في القسم ناس متوهقين ويبحثون عن جامعات او معاهد !!
خذ كل وقتك واطلع على شيء جاهز يصير تروح هناك وتبدا دراسه وانت مستريح البال ،، وتوفر خساير مايعلم بها الا الله
...
بالنسبه لامكانيه الحصول على الموافقه وانت بامريكا .. ايه تقدر ، شباب كثير قدموا عليها من هنا واخذهوها والحين مبتعثين الحمدلله
بس انصحك انك ماتستعجل ،، وكم شهر ماراح تفرق
موفق
رد: مهم جدا ارجو المساعده
مثل ما قال اخوي IRay فعلا ليش توهق نفسك وتستعجل ياخوي اصبر شهرين وجيب قبول جامعي وقبول معهد خلك تروح هناك وترتاح نفسيا
والله العضيم الي ما اخر الناس في الانضمام للابتعاث الا بسبت انهم يروحون امريكا ويجيب لي قبول لغه وبعدين يقول ما تحولت ع حساب الحكومه .. ياخي تستاهل انك ما تحولت اقراء الشروط ياخي كله جامعه معترفه وتخصص موصى به ومعهد لغه وانتهت السالفه و اربع شهور وانت محول ع حساب الحكومه ..
الله يوفقك
رد: مهم جدا ارجو المساعده
الله يعطيكم العافية والله من اسبوع افكر في الموضوع وكلامكم غير رأيي كثييييييييير وقمت بالغاء الحجوزات وباذن الله كل تاخيرة فيها خيرة ... الله يجزاكم كل خير ويوفقكم ويكتب لكم السعاده اينما كنتم