بعد زيارتي لوزارة التعليم العالي
مرحبا شباب كيفكم وكيف النفسياااااات ههههههه ادري ان اغلبكم متلخبط وحالته حاله
عموما انا اليوم رحت للوزارة وقابلت وليد الجبر والله انسان متفهم وضعنا ووده يساعدنا بس مو بيده سالته عن الدراسه بإمريكا وكيف هل اجازف ولا لا لانو في موضوع سابق ذكرت لكم وضعي كال امريكا من افضل الدول والي يروح يدرس يقبل على طووول حمسني بعدين سالته عن ال30 ساعه الي لازم ندرسها وقلتله ( يابو تراني على قد الحال ) قال والله الحين مافي شي بس ممكن اذا تبي تتأكد رووح لواحد ينقاله الموسى ( المدير ) المهم رحت وسالته قال اذا تقدر تكون في امريكا قبل 30-5-2008 اضمن لك الالتحاق بس بعد هذا التاريخ ماقدر اقووولك شي ( يعني انتبهواااااااا بقووووووه ) نشبت له وقلتله طيب انا ابي اروووح بعد 4 شهور هل فيها مجازفه قال مادري الي عندي قلته لك
يعني الوضع مايطمن
( على فكره انا شايل على خاطري منكم ومن المشرفين انا سبق وكتبت موضوع فيه عده استفسارات ولا احد ساعدني ؟؟؟؟؟؟ حنا في ها المنتدى لازم نساعد بعض مو نطنش ) :rocket: :rocket: :rocket: :rocket:
رد: بعد زيارتي لوزارة التعليم العالي
الله يوفقك ورحلة موفقة
ولك العتب
لكن لا تزعل
رد: بعد زيارتي لوزارة التعليم العالي
ياخوي والله الوزاره الحين ما تطمن ابد ابد احسهم تورطوا بالابتعاث اقسم بالله ههههههههههههههههه
كل يوم او كل خمس ساعات قرار جديد يصعب على الطلاب امورهم
واخر قرار سمعت هو الغاء الابتعاث لمرحله البكرليوس <<< بس مو متأكد
رد: بعد زيارتي لوزارة التعليم العالي
والله انا مثلك سمعت انو راح يلغووون الابتعاث واعتقد انه راح يصير في تاريخ 1-06-2008
ويقتصر الابتعاث على الماجستير والدكتواره
والله ياناس قووووه تحطيم بس وش نسوي ماعلينا الا النشبه والتوكل على الله
رد: بعد زيارتي لوزارة التعليم العالي
((من توكل على ما خاب )) أعقلها وتوكل الله مراح يخيبك
وانا اذا ما صار الابتعاث مالى الى اني اروح على حسابــي :( :(
لا حول ولا قوه الا بالله ...
ما اقول الا حسبي الله عليكم يا وزاره التحطيم العالى
رد: بعد زيارتي لوزارة التعليم العالي
وانا اذا ما صار الابتعاث مالى الى اني اروح على حسابــي :( :(
؟؟؟؟
كيف مافهمت عليك
حنا مو في منتدى الدارسين على حسابهم
ياخي اذا انت تسعى في البعثه من هنا ممتاز انشب بس انا طريقتي غير انا بروح على حسابي وبدرس هناك كم شهر وبعدين اقدم على الملحقيه وينشوووف ( يعني فيه مجازفه )
رد: بعد زيارتي لوزارة التعليم العالي
الله يوفقك إن شاء الله
والله إني متحمس بعد ودي بأمريكا لكن مو عارف كيف أحصل على
القبول إللي عنده فكرة أو رقم مكتب ممتاز الله يوفقه دنيا وآخره
لايبخل بالرقم أو اسم المكتب.