عرض للطباعة
السلام عليكم و رحمة الله و بركاته ..
أسمع كثير هنا يروحون عند الدكتور العطية و معاهم القبول عشان يعطيهم الضمان ..
بس كيف يكون عندهم قبول ؟؟؟
أنا اللي اعرفه أن القبول يجي بعد مايكون عندك ضمان مالي ..
هل أن في جامعات تعطيني القبول من دون الضمان .. ؟
اللي عنده معلومة عن هالشي ياريت يتكرم علي و يخبرني
لاني كلمت جامعة كنساس لكن قالوا لازم الضمان ..
ياليت ألقى جواب بسرررررعه ..
و شكرا
أخوي جيب القبول عن طريق ضمان مالي شخصي,
يعني كشف حساب من الوالد مثلاً أو اي شخص يكون فيه راتب شهري ينزل
ولو فية مبلغ محترم يكون كويس
وارسلة للجامعة مع خطاب بإنه هذا الشخص راح يتكفل بتكاليف دراستك,
وبإذن الله الجامعة راح تعطيك القبول.
والناس اللي بيجيبو القبول للعطية
هذول ممكن يكون انعطى لهم الضمان المالي من الوزارة بطريقة أو بأخرى,
أو يمكن جابوة بنفس الطريةق اللي قلت لك عليها ضمان مالي شخصي
او عن طريق مكتب والمكتب قال لهم على حكاية الضمان!
القبول المبدئي بتجاوز اللفة
يعني لازم الضمان المالي ولا كشف الحساب عشان قبول ؟؟؟؟؟؟؟
اول شي جب لك قبولين
1- قبول معهد لدراسة اللغه
2- قبول جامعه لدراسة البكالوريوس او ماجستير او دكتوراة [ على حسب مرادك ] !
طبعا ً سهله تجيب قبول من جهه تعليميه عن طريق الانترنت ادخل موقعهم وراسلهم راح يرسلون لك قبولك على حسب رسالتك , يعني كم راحت تطلب دراسة الغه وتخصصك ومن هالامور
اطبعها وقدم اوراقك اتخذ الاجراء الللازم
وبالتوفيق مقدما ً عزيزي
لا ياخوي
انت اذا راسلت الجامعه يعطونك اوفر يوضحون فيه الدراسه ومدتها وتكاليفها
يعني قبول مبدئي ويقولون لك اذا تبغى القبول النهائي جب الضمان المالي
انت خذ القبول المبداي ورح للدكتور العطيه عشان يصرف لك الضمان ..
هذي هي الشغله
اهااااااا
مشكوووووووريييييين و الله ما قصرتوا
بالخصوص أخي Genius
وضحت لي اللي أبغاااااااه أشكرك مليووون
تحياتي لكم و دعواتي لكم بالتوفيق و الله يخليكم لأهلكم ان شاء الله و ترجعون بالشهادة رافعين الراس
سلام