دبلوم IT ارجوا الافاده

السلام عليكم ورحمة الله وبركاته

كيف حال الشباب انشاء الله كل شي تمام

انا عندي بعض الاشياء الي محيرتني وسويه صداع براسي

قبل لا اقولكم اي شي بعلمكم اني قريت كل مواضيع النتدى بهذا الخصوص وقريت مواضيع في

منتديات ثانيه بس لحد الحين مالقيت الاجابه الشافيه

اولاً:نبذه عن نفسي

انا طالب متخرج من معهد الجبيل التقني تخصص صيانة حاسب الي وشبكات معدلي 3.6 من 4 مدة سنتين ونص سنه تحضيريه وسنه تخصص ونص تطبيق طبعاً الدراسه بالانجليزي متخرج هذي السنه.

ثانيا:ودي اكمل دارستي ومحتار وين اكملها

كندا:قالولي غاليه ولا فيها معادله شهادة دبلوم في جامعاتهم.
بريطانيا:بعد غاليه ووقفوا الالتحاق في البعثه من هناك.
استراليا: هذي ماادري عنها الكلام فيها قليل وابي اعرف منك المزيد عنها لانها تهمني واجد.
امريكا:الناس تمدحها بس ماادري عنها بعد ماقريلها واجد.

تقريبا هذي الدول الي انا ودي اكمل فيها دراستي ولي حسيت انها اوكيه استراليا وامريكا.

ثالثاً:طبعا انا اذا مقابلتني البعثة لانه يقولون بعد اسبوعين راح يكون في تقديم للي معاهم دبلوم راح اطلع على حسابي وطبعا انا ودي التحق بالبعثة باسرع وقت علشان كذا.

اي الدول الي فوق فيها معادلة للشهادتي.
اي الدول تكلفة معيشتها متوسطه لاني بطلع على حسابي سكن مع عائلة ودراسة معهد.
اي الدول الالتحاق بالبعثة يكون فيها اسرع من غيرها.

ادري اني كثرة عليكم بالكلام بس الواحد مايدري وش يسوي وهو في هذي الحاله اتمنى تفيدوني.

وتكفون كثرولي من الدعوات لتسهيل امري
والله يوفقكم جميعاً

اخوي المتعذب

حنا طلاب الكلية تخصص IT متعذبين,ندور مثلك وللحين مالقينا شي ,
,فعاد اذا عرفت انك مو لحالك في هالسالفه بتهون عليك اشوي مصيبتك .



اول شي بقولك شغله عن سالفة الابتعاث ,انا اعرف طلاب من اخوياي
طلعوا من الكلية ودرسوا في المعهد ,وفعلا المعهد الدراسه بالانقليزيه
واتوقع انه من اقوى المعاهد في السعوديه ,ومع كل احترامي للكليه التقنية
لكن يمكن انه اقوى منها ,لكن هل فيه ابتعاث لطلاب المعاهد؟هذا سؤال مهم
اشوف من موضوعك انك حاسم الاجابه عليه بنعم ,مع اني شفت اكثر من مره
في الجرايد كاتبين بس الكليات وماذكروا شي عن المعاهد ,فياليت تنتبه لهالنقطه
وتتأكد منها .



اما بالنسبه لاسئلتك الثانيه فانا بجاوبك على حسب قرائتي ,يعني مو عن تجربه,
لاعن بحث في هالمنتديات وتدوير ومراسله لهالجامعات .

فبالنسبه للدول عندك الدول الغربيه وعندك دول شرق اسيا ,ان كان ميزانيتك
قليله فخلك في دول مثل ماليزيا ,وان كان يمديك يكون معك حوالي المية الف
ومتأكد من نفسك رح للدول الغربية وادرس سنه وخلص الثلاثين ساعه
وحول بعدها للبعثه .

طبعا يقولون كندا هي ارخص من امريكا واستراليا وبريطانيا ,وبحسب تصنيف
التعليم في كندا يقولون انه افضل .


من ناحية معادلة الشهاده ,اللي فهمته انهم اول شي يقبلونك وبعدين يتكلمون معك
في سالفة المعادلة ,وفيه موقع اسمه wes هذا يعادلك شهادتك بس للحين ماعندي
معلومات واجد عن هالموقع ,يعني يبيلك تبحث عن طريقته ووش شغلته بالضبط,
فممكن لو عادلك الساعات وارسلت هالمعادله للجامعات اللي قبلوك فيها ,ممكن
يعادلون لك كم ساعه من شهادتك .


برضو ترى سالفة المعادله مو بذاك الزود ,يعني لاتعتمد عليها واجد ,احنا مخلصين
اثنين وسبعين ساعه في الكلية بدون الاورينتيشين وممكن ولايعادلون شي ,وكأنك
يابوزيد ماغزيت ,لأن سالفة المعادلة تعتمد على الديقري بلان حق تخصصك وعلى الديقري
بلان حق التخصصات المطروحه عندهم ,فاذا مافيه تشابه ,معناه احتمال المعادله ضئيل .


لذلك في حالتك انا اشوف لك تشوف جامعات تكون الدراسه فيها
للبكالوريوس ثلاث سنوات ,وممكن يعادلون لك كم ساعه وان ماعادلو لك ,ثلاث سنوات
اهون من اربع.


وبالنسبه للالحاق بالبعثه ,يقولون كندا ممكن يلحقونك في مرحلة اللغة ولسا ماكملت
الثلاثين ساعه ,لأن من شروط وزارة التعليم العالي عشان يلحقونك بالبعثه انك تنضم
لجامعات هم معترفين فيها ,ومخلص ثلاثين ساعه .



اخيرا : كان ودي افيدك اكثر ,بس هذا تقريبا كل اللي اعرفه ,وبالتوفيق يارب

يعطيك العافيه


بس انا سمعت ان كندا وبريطانيا اغلى شي اغلى من استراليا وامريكا وبواجد

وسمعت انهم ا يعادلون الدبلوم

اما البعثات انشاء الله تقبلنا

اتمنى من لديه اضافه يفيدنا بمعرفته لان ناس واجد تبحث في هذاي المواضيع

وخاصه ان حاملين الدبلوم واجد

مافي احد عنده علم في الموضوع هذا