نيوزلندي جديد والمستشار العلمي تكفون شسوي عشان اخلص اوراقي؟

السلام عليكم ورحمه الله وبركاته


السؤال لاخوي المستشار العلمي واخوي نيوزلندي وكل اللي عنده خبره

تكفون ترى والله تعبت اللي ماعنده اخبار او معلومات مؤكده ياليت مايكتبها عشان مايشتتنا


سؤالي

انا بطلع بعثه على حسابي الخآص في نيوزليندا واللي اعرفه انه المعهد 6 شهور للغه

طيب اولى الخطوات ؟

آروح الآسبوع الجاي الوزاره عشآن آخذ موافقتهم ؟

او مايحتاج اراسل المعهد والجامعه على طول؟

وايش قصة الضمان البنكي ؟

ونيوزلندا يقولون بدون فيزا اول شهور ؟ طيب بعد ثلاث شهور اطلبها من هناك يعني؟



انا شهادتي دبلوم برمجيات حاسب ادري انهم ماراح يعادلون لي كثير بس ماعليه رآضي لو تطيح سنـه

المعهد كم يكلف لمدة 6 شهور؟ وسكن العائلة كم ؟

والمعيشه كيف ؟

ابي اخوي نيوزلندي تقول انت وين اخترت وكم التكاليف حتى مع التذكره

ابي اسافر في اقرب وقت عشان يمديني على بداية دراستهم في شهر 3 :( تكفون اللي عنده معلومات يآليت يفيدينا

اذا تبي تلتحق مباشرة بالبعثه
قدامك الصين او اليابان او كوريا
او امريكا وكندا
غيرهم ماراح يلحقونك الا بعد ماتخلص الشرووط
اهم شي تستغجل قبل نهاية هالسنه ..
والله يوفقك

الصين وكوريا واليابان ابد ماتنفع

امريكا وكندا مشكلتهم غآليـه والفيزا على ماتطلع بتطول وامور كثيره


ابي احد يعطيني العلم الاكيد :)

شف خوي الحبيب انا لعلمك كنت اود اروح نيوزيلندا على امل الإلحاق السريع بالبعثة
لكني صرفت نظر عنها لأني ماعندي قيمة الدراسة الى الإلحاق

لذلك انا رايح ماليزيا وسنة مقدور عليها لين الإلحاق.

اما نيوزيلندا
انا انصحك بها اذا وفرت التالي:
1\ قيمة دراسة اللغة لمدة اقل شي 6 شهور.
(ترى قيمة الأسبوع هناك في المعهد من 250 دولار نيوزيلندي الى 300 على حسب المعهد.
وقيمة السكن اسبوعيا من 190 دولار نيوزيلندي الى 250 وعليك الحسبة. طبعا الدولار النيوزيلندي يساوي 2.5 ريال) وادخل ملتقى نيوزيلندا للخبر الأكيد
2\ اذا عندك واسطة بالوزارة يلحقونك خلال سنة اللغة. اما الملحقية انسى انهم يرفعون اوراقك قبل ماتحقق الشروط الا اذا عندك واسطة.

أما
اذا ماعندك واسطة وتبغى تمشي بالنظام راح تدفع كثير
يعني سنة اللغة + سنة دراسية = اكثر من 100 الف ريال = بعثة

اما اذا فلوسك على قدك
رح الصين وجب قبول وفيزا سريعا وراح تلحق بالبعثة سريعا ثم اطلب تغيير بلد
ورح استراليا او نيوزيلندا او اليمن انت حر (وحط في بالك انهم بدءوا يضيقون على تغيير البلد
يعني اذا قدمت على الصين روح جامعة ومنطقة مريحة تحسبا انك راح تبقى فيها الى التخرج)


اما التفاصيل الأخرى انصحك تدخل ملتقى نيوزيلندا الأعضاء هناك شقردية وراح يساعدوك
وخصوصا الأخ سنايبر اخ طيب ومحترم ويحب يساعد.

اما الوزارة خلاص معاد لك شئ فيها الا الإلحاق يعني راسل المعهد والجامعة على طول ثم اشتغل في الفيزا ثم سافر ورح الملحقية لفتح الملف

واسأل الله العظيم رب العرش الكريم
اسأله بأسمائه الحسنى وصفاته العلى
ان ييسر امرك ويكتب لك الخير اينما كنت
وييسر لك الرفقة الصالحة اينما كنت

وبالتوفيق

طيب اخوي ماليزيا كم بتكلف؟


انا ماعندي 100 ألف ومابي اغامر

وجزاك الله الف خير

شف حبيبي ماليزيا
كالتالي:
ترم لغة بالسكن بمصاريف الفيزا وبمصاريف المعهد (طبعا كلامي على معاهد الجامعة)
توصل الى 10000 ريال اما مصاريفك الشخصية متوسط 1000ريال شهريا
يعني حط في بالك 15000 مع التذاكر وزودها شوي
بما انك دبلوم راح يعادلون لك سنة الفاونديشن

سنة دراسية: على حسب الجامعة
اغلى جامعة ب اكثر من 15000ريال بشوي
ارخص جامعة قرابة 7000ريال

وهل في الإلحاق يحسبون لك السنة اللي عادلوها لك؟ والله ما ادري

للمعلومية:
اغلب الجامعات اغلقت القبول للترم القادم
الا جامعة وحدة وهي
جامعة تيناقا (طبعا اوقفوا البعثات عليها لكثرة الطلبة السعوديين فيها)
www.uniten.edu.my


رايي القاصر: (طبعا اسأل واستشر فيه)
اذا ما ودك تضيع الترم القادم يعني ماودك تضيع الشهور القادمة بجلسة بدون فايدة
رح سجل بتيناقا للغة منها استفيد (مع ان معاهد الجامعات مو ذيك الفايدة)
ومنها دور ع الجامعات اللي تصلح لك ومنها اكتشف البلد
ومنها لعل الله يكتب لك الحاق وخصوصا اذا خليت احد يتحرك في الوزارة مثل ابوك او غيره
واذا جاك الحاق راح يجيك امر بتغيير جامعتك خلال ستة اشهر
وانت بطبيعة الحال ذاك الوقت قد جبت لك قبول من جامعة سواءا داخل ماليزيا او خارجها


وبالتوفيق

احس السالفه معقده وانا اخوك واغلى من نيوزليندا لما تقول 15 ألف بالشهر

نيوزليندا تقريبا 8 الآلف شهريا الى 9 الآلف

انا ابي اتاكد اذا بالمعادله هي بتصير سنه بيحسبونها لي الحاق معناته الله لايعوقه بشر نيوزليندا بتكون مناسبة خصوصا دراستهم تبدا بشهر 3 انجلش

الله يوفقنا وياكم يارب ونتلقي هناك ونرفع رآس اهلنا ونجيب شهادات بدون مايضيع تعبنا يارب

الله لايهينك اخوي تعبتك معاي والله بس خويك غشيم وماعنده احد يدرس برى :)

الرجال يقولك 15 الف بالتررررررررررم مو بالشهر ..

يعني ماليزيا ارخص (بديهيا)

اخي مثل ماقالك خوي ثامر

بالترم مو بالشهر