اللتحاق ولا مافيه اللتحاق اللتحاق ولا مافيه اللتحاق ملينا ياناس

بسم الله الرحمن الرحيم

السلام عليكم ورحمة الله وبركاته

اخواني انا طالع لكنداء بداية شهر بداية شهر ثلاثه الجاي طبعا انا طالع على حسابي وراح اللتحق بالبعثه مثل اخواني الشباب الي سبقوني عندي استفسار بسيط ابي الرد عليه فضلن وليس امرا

اخواني \ اخواتي
بعد مااوصل هناك واروح للملحق الثقافي هناك هل هم بيفتحون لي ملف اللتحاق بالبعثه ولا بيرفضون فتح ملف حتى لو كان الالتحاق موقف حاليا هل هم بيفتحون لي ملف اللتحاق ولا لا ؟؟؟

اخواني ردكم علي بيحدد مصير اشياء كثيره لي الي عنده معلومه تفيدني لايبخل علي فيها

ولكم مني جزيل الشكر
تحياتي

والله اخوي ترى الاشاعات كثير

انا انصحك تتصل على الملحقية انت بنفسك وتتاكد منهم

الى الآن مافي شي اكيد لكن آخر واحد انضم انا اعرفه شخصيا كان قبل 15 يوم بالضبط

والله يوفقك

هلابك اخوي ماجد اخوي ماعندي رقم لهم لاكن اذا فيه واحد انت تعرفه انضم للبعثه قبل 15 يوم هذاء يبشر بالخير بس ممكن هو من الي قبل اقصد الي طلعوا السنه الي راحت هذي لاكن ننتظر اخوانا وان شاء الله ماراح يقصروون معنا

جزاك الله خير اخوي مشكور على الرد فديت قلبك والله

اقتباس:

---

المشاركة الأصلية كتبت بواسطة طنقر

بسم الله الرحمن الرحيم

السلام عليكم ورحمة الله وبركاته

اخواني انا طالع لكنداء بداية شهر بداية شهر ثلاثه الجاي طبعا انا طالع على حسابي وراح اللتحق بالبعثه مثل اخواني الشباب الي سبقوني عندي استفسار بسيط ابي الرد عليه فضلن وليس امرا

اخواني \ اخواتي
بعد مااوصل هناك واروح للملحق الثقافي هناك هل هم بيفتحون لي ملف اللتحاق بالبعثه ولا بيرفضون فتح ملف حتى لو كان الالتحاق موقف حاليا هل هم بيفتحون لي ملف اللتحاق ولا لا ؟؟؟

اخواني ردكم علي بيحدد مصير اشياء كثيره لي الي عنده معلومه تفيدني لايبخل علي فيها

ولكم مني جزيل الشكر
تحياتي

---

عليكم السلام ورحمة الله وبركاته

اخوي اصلا ما يحتاج تروح الملحقية اللي في اوتاوا علشان تفتح ملف الان كل شي بالانترنت بالنسبة لملحقية كنــــدا وانت ارفع اوراقك عبر الانترنت

وهذا موضوع عن رفع الملفات للملحقية وهو من العضو abcde جزاه الله خيرا
http://www.mbt3th.us/vb/forum107/thread78325.html

تحياتي لكـــــ

والله ياخوي انا مثلك لكن توني ماسويت شي داخل اجمع معلومات عن كندا والمعاهد للغه والجامعات ومن شفت ايقاف التحويل على الابتعاث لازم اكمال 30 ساعة في الجامعة تحطمت وضاق خلقي بشكل ماتتصورة مدري ليش احس اني انا من وقفت التحويل علىالابتعاث عارف نفسي مقرود وحضي اقشر وين ماروح مهما سويت تتقفل بوجهي من اول خطوة

طيب عندي سؤال نسبتي 71.35% علمي هل لو ماوقفو التحويل على الابتعاث يقبلو طلبي عشان نسبتي ؟

الاالتحاق لحين لا حد يسمع الاشعات وخاف

بالنسبة الي اخر رد اخوك المعدل مافيه اي مشكلة توكل على الله

ولاحد يحطم فيك ولاتسمع كلام الناس عشان لا تتحطم ونا اخوك
واذا تقدر تجيبو امر اركاب عشان لاتخافو جيبوه وياكم

السلام عليكم ورحمة الله وبركاته وبعد:
انا بنفسي كلمت الملحقية يوم الاثنين مدري الاحد ماني متاكد بس ردت علي وحده هي المسوؤلة على الدارسين على حسابهم الخاص تقول حنا الان نستقبل ونلحق الطلاب وماجنا شي عن هذا الايقاف او الحاق وكله ايشاعات بس قالت لي خلال الاسبوعين راح يتغير اشياء كثيره عندنا بس ايش متدري بس انا اقولك رح هناك وانت منت خسران اذا جت زين اذا ماجت ادرس شهر وارجع ترى كلها تكلف 7000 ريال سكن اكل شرب .واستقبال في المطار تامين طبي بعد.

اخوي حلمي كنداء هلابك يالغالي بالنسبه لرابط الي انت حطيت والله ماعرفت له ياليت تفهمنى عليه اذا ماعليك امر اخووي جزاك الله خير اخوووي ومشكور على ردك يالغلااااااا



اخوي e320 لايحطمونك الاشاعات الي تصير مع الاسف انها كثير واتمنى من الاخوان يردون عليك تسلم يالغالي وان شاء الله اشووفك مبتعث وخالص مشكور على ردك عيوني واتمنى لك التوفيق


اخوي جعفر الالتحاق للحين باقي متاكد لاني راح ابني اشياء كثيره على كلامك لاكن الي حاب انا اسئل عنه هل راح يفتحون لي ملف في الملحق الثقافي بكنداء ولا لا
تسلم اخوي جعفر ماقصر مشكووور على الرد فديتك يالغالي

اخووي خالد المسئله ماهي خساره او غيرها المسئله المسئله لازم اخذ الخبر اليقين وانا من هنا ولا الروح لابد منها لاكن ابي اتاكد وانا باقي هنا قبل لارووح
وقالت اشيا كثيره راح تتغير ؟؟؟؟؟ الله يستر شنو قصدها هذي لايكون ناوين يقفلووون على كنداء مثل بريطانيا وباقي الدول
تسلم اخوي خالد وماقصر يالغالي فديت عيونك

مشكور اخوي جعفر و طنقر صدقوني رفعتوا من معنوياتي بكلامكم الطيب وهذا موغريب على نشامى مثلكم

اخوي طنقر بحكم انك طالع بعد ثلاثة شهور ، تقدر تعطيني نبذة عن التكلفة المبدئية للمعهد للغه والسكن وكم شهر بتجلس في معهد اللغة الى اخرة وهل حجزت في المعهد عن طريق مكتب او بنفسك عن طريق الانترنت

اخوي جعفر ، بحكم انك من نفس منطقتي هل فيه مكاتب توصيني بها لها سمعتها و اسعارها زينة تحجز لي في المعهد للغة و الجامعة؟

علماً اني ناوي ادرس في معهد للغه مدة ماتقل عن3 شهور هل المدة كافية وكم المبلغ التقديري ؟
في بعض المواضيع هنا بعضهم يقول عشان يقبلو في التحويل للابتعاث لازم يكون معهد اللغه معتمد عند التعليم العالي ، دخلت على موقع وزارة التعليم العالي ماحصلت الا الجامعات فقط المعاهد للغه مو مذكورة ياليت احد يقدر يفيدني

والله يعطيكم العافية شباب

>> رد اخو شوشو

انا من الطلاب الي راحو لكندا ولكن ما قدمت التحاق ..
لكني فهمت النظام لاني كنت ناوي اقدم ..
اهم شي انك لما تقدم على التأشيرة تاخذ اكثر من 6 شهور ..
على شان يعطونك بالمطار ورقة يدبسونها بجواز السفر اسمها ستيودنت بيرمنت ..
الملحقية ما تضمك للابتعاث من غير هذي الورقة ..

انا انصحك تروح للاخ جمال بمكتب ايلاف مركز النخيل تقاطع طريق المدينة مع شارع فلسطين .. بجدة ..
هذا فاهم اللعبة
لانه بيوفر عليك انك تدفع تكاليف 9 شهور للمعهد << الي من خلالها تقدر تطلع التاشيرة اكثر من 6 شهور ..

والافضل انك تخليهم هم يتولون امر التاشيرة .. عشان تجيك 9 شهور ..

اما بخصوص ايقاف البعثة ..
انا لما سافرت قبل 8 شهور كانو يتكلمون عن الايقاف والى الان ما نفذوه ..
الله يكتب لك الي فيه الخير ...
والافضل انك ما تروح من هنا الا ومعاك قبول جامعة ..
وفيه واحد يوفره لكن ما معي رقمه الان ..


<< كل الكلام اعلاه من اخوي .. وانا مالي شغل ( ؛