شـــــ المرحلة السادسة ــــــات

مرحبا .. انا منال من الرياض ..

ناويه ان شاء الله اقدم على الماستر تخصص تسويق واذا انقبلنا باذن الله ممكن اطلب تغيير التخصص الي موارد بشريه ..

انا في الاساس تخصصي رياض اطفال :roflmao:

الدول .. امريكا اخواني هناك وبروح اكمل معهم ولاية فرجينيا مورقن تاون .. مين يخاويني :balloon: لاني بسكن لحالي وابي احد يكون معي .. انا سمعت انك تقدر تجيب قبول لنفسك مو اجباري الوزاره تختار ..

الرغبه الثانيه كندا .. الرغبه الثالثه نيوزلاندا .. مافي اسباب بس عشان ماتجلس فاضيه :shifty:


باقي خمس ايام الله يعديها على خير والله يعينا على الانتظار .. وان شاء الله نكون كلنا من المقبولين ..

بس كيف جهزتو اوراقكم والا باقي ؟؟

وحابه اسال وش المشاكل الي واجهتوها ؟؟

ياحلوين كنت أقصد بالتخصص.... الشهادة اللي معاك لاني على ما فهمت ان هالسنة حيكون امتداد لنفس التخصص واذا كنت/ي متخرج/ة ثانوي اكتب التخصص ثانوي وبعد اكتب التخصص الطبي اللي تبيه
يعني مو تكون معاك تخصص إدارة أعمال وتبغى ماستر محاسبة أو قانون مارح يقبلونك انتبهو وتأكدو كمان بس هذا اللي عرفته

هلا ابراهيم+....مو مشكلة يالذيب انا او انت المهم الموضوع نزل ^_^
المتميزة.... تمام مسنترة وتردي عالاسئلة كمان عساك عالقوة استمري يابعدي
طالبة جامعية طموحة.... بالنسبة لاختيارك للدولة يختلف حسب احتياجاتك بس ادخلي على هالرابط يتكلم عن الولايات
http://www.mbt3th.us/vb/forum8/ من نفس المنتدى لاني ماعرف الولاية وين واقعة وان شاء الله يفيدك
أنا أشوف من الافضل اننا نجيب قبول لانفسنا عشان الوزارة ماتعرف احتياجات كل واحد فينا ولو ما ارتحنا بالمكان مارح نستفيد شي فلا تنتظر القبول تجيبه لك الوزارة الا الناس اللي يتأقلمو في اي مكان وامكانياتهم تسمح بهالشي
أهلا سيمو.... تقدر أنت تجيب قبول لنفسك عادي وافضل كمان لانك رح تختار الشي اللي يناسبك ويناسب طموحاتك
أهلا Phantom Girl.... ترى جواز السفر اليوم تقدمي عليه وبكرة تآخذيه ومايحتاج تروحي بنفسك يروح ولي امرك عنك بس اهم شي تأكدي من مطابقة الاسم لكل اوراقك
هلا منال.... الحمدلله خلصنا اوراقنا واكثر مشكلة واجهتني التوصيات وحدة من التوصيات الدكتورة جننتني عشان تعطيني التوصية جلست الترم اللي فات كله اطارد وراها وكمان جواز السفر اخذت فيه فترة مو طويلة مرة عشان الاسبلنق حق الاسم بس الحين كل شي تمام

حابة أسئل عن صندوق البريد ضروري وينفع لو احط البريد حق عمل اخوي ولا لازم اسوي بريد هذه المشكلة اللي عندي الحين ولو فكرت اسوي صندوق بريد كم يوم يآخذ عشان يجهز؟.

ربي يوفقكم جميعاً ,,

عذراً على التطفل ,,

بس حبيت اوضح نقطه ,, والي هي اختيار المدينة ,, بامكانك اختيار المدينة والجامعة التي ترغب بها لكن ماتكون موقوفه او غير معترف بها من الوزراة من خلال مراسله الجامعة واخذ قبول وارساله للوزارة ,, هذا الي حاب مدينة وجامعة معينة ,, وهذا الكلام الي قاله الدكتور ماجد للطلاب

وربي يوفقكم

مرحبـــــــا ....

شاااات ان شاء الله يكون عاااامر بك و مفيد ...

انا That me

ومعايا بكالوريوس كيمياء حيوية ...

حابه اكمل في مجال طبي بس الى الان ماني عارفه وش بس اللي في البال ذحين تقنية طبية ..

الوجهات والله ماني عااارفه الى الان ومحتاره وماني عارفه من فين اشوف الجامعات القويه وغير كذا ابغى اتأكد من التخصصات

المناسبه لي عشان مو لمن اقدم يطلع مو مسموح ...

المشكلة انو الى الان ماعندي توصيات وغير كذا متأكده لو اروح الجامعه الكل في اجازه ... ومدري وش اسوي ...

طيب مين يقدر يفيدني كيف ابحث عن الجامعات واعرف ترتيبها ...

ربنا ييسر ان شاء الله ...

اسمي : وليد

التخصص : طب والتخصص الدقيق (( باقي ما حددت ))
الدولة : ايرلندا (( لغة انجليزية مهمة )) ، المانيا (( قوة الطب )) ، الثالثة ؟؟؟؟؟؟

:roflmao::roflmao::roflmao::roflmao::roflmao::rofl mao::roflmao:

خدود الورد انا زيك الصندوق مخلص الاشتراك اضن بس حطيته عشان ماتكون الخانه فاضيه .. بس اتوقع ماراح يكون فيه تواصل الان كل شي على النت .. احتياط حطي صندوق بريد اخوك ..

انا المشكله الي صارت لي هي انا اسمي في الوثيقه غير الي في الجواز .. وتخيلي الي الان ماغيرت الوثيقه كل يوم اقول اليوم بس ان شاء الله بكرا لااازم لاني بغير ترجمة السجل بعد .. انتبهت لشي .. التوصيات مكتوب اسمي بس بالعربي انا الي كاتبته بعد ههههه ينتفع اكتب انقلش والا اخليه يكفي العربي لاني بغيرها بعد العيد هي على شكل جدول ولازم اغيرها تكون على شكل خطاب ..يالله الله يعين

That me التوصيات جدا" مهمه وفي السنه الي فاتت رفضو ناس لان ماعندهم توصيات .. انتي روحي الجامعه واطلبي توصيه من اي احد حتى لو مادرسك ومو شرط يكون دكتور اي احد بس عشان تمشي ورقتك في مرحلة التدقيق .. بعدين ممكن تروحين تغيرينها لاننا نحتاج التوصيات هناك اذا بنقدم على الجامعه ان شاء الله ..

دكتوره المستقبل
قسم اقتصاد منزلي
ودي ان شاء الله ابتعث اكمل الماجستر

خريجه السنه هذه؛؛؛؛ لسه ما استلمت الوثيقه<<ان شاء الله بكره رايحه اشوف النهايه معاهم<<حشى كنز مو وثيقه
ودي ابتعث لدوله عربيه ....

اممممم التخصص لسه ما اخترت...

ياريت تفيدوني من فين التقديم وتعبئه البيانات
حطوا لي الرابط لاني احتست ضروري الله يسعدكم

منال... أذا اسمك في الوثيقة صحيح عدلي الاسم في الجوازات انا كذى صارلي وعدلت الجواز وطلعولي واحد جديد وبالنسبة للتوصية ترى مو هذه اللي سويتيها التوصية اللي يبغونها تكون موجودة عند الدكتورة على جهازها بس تطبعها لك وتوقعها وانتي تختميها
اهلا دكتورة المستقبل.... لسى مابدأ التقديم ورح يكون يوم السبت على موقع الوزارة

المشكله جوازي لسى جدييييد ماصار لي كم يوم طلعته غلطتي ما انتبهت للقديم .. الجوازات رفضو تغيير الجواز لانه ماصار له ايام ..

التوصيات الي على شكل جدول تمشي في التدقيق وهذا كلام وحده من المرحله السابقه .. بعد العيد ان شاء الله اروح اغيرها واخذ الي على شكل خطاب واخليها في ضرف مختم

باقي 4 ايام الله يعين