الأعضاء الإشتراك و التسجيل

الملتقيات
ADs

موضوع شامل وهام عن الحياة المعيشية في السويد

موضوع شامل وهام عن الحياة المعيشية في السويد


NOTICE

تنبيه: هذا الموضوع قديم. تم طرحه قبل 5186 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية wa7sh
    wa7sh

    مبتعث جديد New Member

    wa7sh السويد

    wa7sh , ذكر. مبتعث جديد New Member. من السويد , مبتعث فى السويد , تخصصى هندسة , بجامعة لوند
    • لوند
    • هندسة
    • ذكر
    • مالمو, سكانة
    • السويد
    • Nov 2009
    المزيدl

    January 17th, 2010, 02:23 AM

    بسم الله الرحمن الرحيم ..

    كيف حال الشباب ...؟

    حبيت وكنوع من التعاون .. احطلكم شوية معلومات عن السويد والحياة المعيشية فيها ..

    اولا .. الحياة في السويد بشكل عام .. حياة جميلة .. هادئة .. الشعب السويدي شعب منفتح تماما .. بتقبل ثقافات الشعوب الاخرى بصدر رحت .. يهتم بقضايا التي تهم البشرية .. تجد اهتمام السويدين على سبيل المثال بقضية فلسطين اقوى من اهتمام العرب بالسويد بها .. يتقبل وجود المسلمين بينهم .. لامشاكل نهائيا مع الحجاب والمحجبات .. واذا حدثت مشاكل .. تجد الكثير من الجمعيات .. تقوم بمساعدة المحجبة .. كما حصل من فترة .. ارادت امراءة ان تركب في الباص ويوم شافها السواق محجبة منعها .. اشتكت عليه .. طردوه من شغلة وعنادا فيه وظفوا عدد من النساء المحجبات كسائقات للباصات ..

    العنصرية شبه معدومة بالسويد .. يعني تلاقي واحد اسود زنجي متزوج وحدة سويدية شقراء ..

    بنفس الطابق بالعمارة .. تلاقي الدكتور وتلاقي عامل البلدية .. الناس كلهم سواء ..

    الشعب السويدي شعب مدلل مترف .. الكل له حقوق .. الكل له راتب من الدولة من يوم الولادة وحتى الوفاة ..

    السويد دولة مختلفة عن بقية الدول الاوربية .. في اخر الاحصاءات تقول النتائج ان بريطانيا اسوأ مكان للعيش في اوروبا ولا اعلم السبب

    السويد كدولة متطورة حديثة .. النظام فيها قوي .. صارم .. ولكن الحياة سلسة وبسيطة ولا تعقيدات فيها ..
    السويد دولة جميلة .. جمال الطبيعة فيها فظيع .. ورح احاول انزل صور لها ..
    يعني تجد جميع فصول السنة فيها ..

    الصيف حاار .. والشتاء بااااارد تصل في مالمو -14 واكثر
    في الخريف تجد اوراق الشجر متساقطة على الارض مثل افلام الكارتون

    وفي الربيع تشوف انواع من الاشجار والزهور بحياتك مو شايفها ..

    احد فيكم شاف شجر لون اوراقه ازرق ؟؟ بالسويد تشوف ..


    انا رح اتكلم عن منطقة جنوب السويد .. وممكن الشباب الي بالمناطق الثانية يضيفو اشياء من عندهم ..


    رح اتكلم عن مدينة مالمو .. ثالث اكبر مدينة سويدية طبعا بعد ستوكهولم العاصمة ويوتيبوري الثانية

    الجامعات في مالمو

    جامعة مالمو ..
    http://www.mah.se/english

    جامعة العلوم البحرية الدولية
    http://www.wmu.se/

    جامعة كريخانستاد
    http://www.hkr.se/Default.aspx تبعد حوالي 100 كم

    جامعة لوند من اقوى الجامعات الاوربية .. والعالمية ..

    http://www.lu.se/lund-university
    تقع في مدينة لوند على بعد 12 كيلو من مالمو ..


    المطارات القريبة ..

    مطار مالمو .. وهو مطار صغير .. نوعا ما .. يتعامل من رحلات المحلية وكذلك مع بعض الرحلات الدولية


    ولكن هناك مطار اخر قريب وهو مطار العاصمة الدينماركية كوبنهاجن .. سابع اكبر مطار بالعالم

    http://www.cph.dk/CPH/UK/MAIN/

    تحتاج حوالي 35 دقيقة .. للوصول من مالمو الى مطار كوبنهاجن بالقطار ..
    و 45 دقيقة للوصول الى العاصمة الدينماركية
    حيث يوجد جسر يربط بين مالمو وكوبنهاجن .. يمر من تحت سطح البحر ..



    الطعام .. والتسوق

    المطاعم العربية منتشرة بكثرة ..

    وناك عدة محلات تجاريه واسواق ..

    السوبر ماركت العربي او الاسلامي الاشهر في مالمو هو abdos
    http://www.abdosfood.se/

    ميزة هذا المحل الوحيدة .. هو انه يجمع جميع الاصناف العربية الي تخطر على بالكم تححت سقف واحد وباسعار معقولة جدا ..

    يعني تلاقي كل شي معمول حلواني .. كعك .. فيمتو

    اجبان عربية بانواعها .. جميع انواع البهارات العربية .. بلا استثناء ..

    لحوم حلال ..( مع العلم اني سمعت فتوى من فترة للشيخ ابن عثيمين طبعا هي قديمة يقول فيها .. ان الشخص ياكل اللحم من عند الكفار بدون ان يسال ياكل ويسمي .. )

    كذلك قسم خضار وفواكه ..


    ويوجود الكثير من الاسواق السويدية واغلب هذي الاسواق .. تحوي اقساما عربية .. واسلامية ..

    اهم هذي الشركات ..

    شركة الكوب coop
    http://www.coop.se/ يوجد لها فروع بالدنمارك والنرويج

    شركة الليدل lidl

    شركة المانية الاصل
    http://www.lidl.se/

    شركة النتو netto لها فروع بالمانيا بريطانيا بولندا والدنمارك والسويد

    اسعار هذا المحل جيدة http://www.netto.se/internet/nettos/menu/main.nsf

    شركة ايكا ica
    http://www.ica.se/FrontServlet?s=butiker&state=start



    طبعا هذي اهم الشركات وفي شركات ثانية مثلا city gross و O&B
    احب ان اوضح انه منتشرة تماما محلات عربية بقالات يعني .. بجميع الاحياء .. ايضا .. تجد لديها اغلب المنتجات العربية ..


    بالنسبة للاتصال الهاتفي ..

    هنالك عدة شركات للهاتف الجوال في السويد .. اذكر اهمها

    Tele2
    http://www.tele2.se

    Telenor
    http://www.telenor.se/privat/index.html

    Telia
    http://www.telia.se/

    طبعا بالنسبة للاتصال الداخلي .. فاسعار الاتصالات الداخلية رخيصة جدا جدا جدا ..

    طبعا الاكثر انتشارا هي باقة من باقاة tele2 واسمها kompis وتعني الصديق
    لا يوجد تعرفة للاتصال ولكن مبلع 69 اوري ( الكرون = 100 اوري ) اي حوالي 35 هللة تاخذ منك عند اول كل مكالمة وتستطيع التحدث لمدة ساعتين .. بها ..

    المسجات داخل هذه الباقة مجانية تماما .. بحدود 3000 رسالة هذي لو تصير عندنا بالسعودية تنحرق الشبكة

    ولكن للاتصال الخارجي هناك عدة شركات رخيصة ايضا

    ولكن شخصيا افضل شركة ليكا موبيل
    http://www.lycamobile.se/home_eng.htm

    الرسائل الدولية مجانية تماما ..
    تشحن وتاخذ خمسين بالمية رصيد مجاني .. يعني تشحن 100 كرون تاخد 50 زيادة
    والاتصال الدولي رخيص جدا .. وعندهم عروض غريبة .. يعني كل يوم من 6 المساء لين 6 الصباح .. بنصف السعر ..

    وعندهم عروض ثانية للان مو قادر افهمها تيجي عليهم اوقات .. يسوون عروض بدون مايعلنون عنها ..

    انا شخصيا من فترة تكلمت مع واحد من الشباب بالسعودية 37 دقيقة .. ب 7 كرونات ماصدقت ولكن المشكلة تسكر الخط وترجع تتصل ياخذ عليك بالتعرفة العادية ..

    احد الاخوان حلفلي انه اتصل مرة على العراق ساعتين كاملتين ب 20 كرونة


    بالنسبة للملابس .. هناك عدة اسواق ومجمعات تجارية

    طبعا الكثير من المحلات العالمية متواجدة هنا .. h&m .. vero moda .. mango ..zara

    اسعار الملابس مرتفعة قليلا .. يعني ماتصور تلاقي بنطلون باقل من 400 كرون من محلات h&m .. يعني هذا بكون مو ماركة .. لاتعتقد نهائيا انو مو ماركة يعني سيء ابدا ابدا .. هذا مو مثل محلات البطحاء
    هذي اقمشة وملبوسات من الدرجة الاولى .. يعني تشتريها وعليها ضمانها .. في حال خرابها .. او ضياع الوانها
    انا شخصيا اعشق الشراء من محلات new yorker ملابسهم سبورات وحلوة .. واسعارها معقولة

    للناس الي مهووسة بالماركات اسعا ر بنطلونات الماركات diesel ,, lee,, levis اقل بنطلون سعره .. 900 كرون


    ولكن في نقطة مهمة جدا جدا جدا جدا ..

    اعرف متى تشتري الملابس .. تقدر تشتري اي وقت ..

    لكن بالاسواق السويدين هنالك موعدين بالسنة .. فيهم تخفيضات هائلة مخيفة على جميع البضاعة الموجودة بالمحل .. تصل 70 بالمية احيانا ..

    اول موعد هو فترة الصيف .. يعني شهر 6 والي بعده


    والموعد الثاني هو بعد راس السنة وفترة الكرسمس تبدا تخفيضات حلوة .. مثل هذا الايام



    طبعا المجمعات التجارية .. كثيرة ولكن اذكر اهمها

    entre مجمع كبير حلو طابقين .. والثالث مطاعم وسينما وصالة تدريب حديد ..
    mobilia .. trianglen .. e centre ..

    ومنطقة الداون تاون او شارع المشي او ساحة الجوستاف gustav adolf storegt ورح اذكر هذي المنطقة بعدين


    بالنسبة للسكن وخدمة الانترنت ..

    طبعا في ناس تسكن باسكان الطلاب وهذا ماعندي اي معلومات عنه .. للاسف

    ولكن الي يحب يسكن برا .. بعطي فكرة بسيطة بمالمو .. للاسف في مشكلة سكن ..

    الا سعار مختلفة من منطقة لاخرى .. يعني انا ساكن بمنطقة تعتبر نص البلد .. ماخذ غرفة وصالة .. ومطبخ وحمام ب 6000 كرون .. يعني 3000 ريال شهري

    صديق لي عنده نفس البيت .. لكن بحي بعيد شوي .. يدفع 4000 كرون يعني 2000 ريال شهري

    خدمة الانترنت .. متوافرة و مقدمة غالبا من شركة السكن الي تسكن عندها .. والاسعار لاتكاد تذكر ..والسرعات عالية جدا جدا جدا

    وكذلك يمكن الحصول على خدمة كونكت من شركات الاتصال اعلاه والاسعار معقولة حسب علمي ..


    بالنسبة للمواصلات ..

    المواصلات بالسويد سهلة وبسيطة .. في اي وقت يجي على بالك تسافر .. تركب القطار وتحجز حجز الكتروني ذاتي ..

    القطارات متوافرة على مدار الساعة .. والى اي مكان .. ممكن يقل عددها بالليل ..

    .. ايضا هناك شبكة باصات ضخمة ..

    والباصات مريحة وفخمة ورخيصة الثمن .. طبعا في هناك اشتراك وخصومات خاصة للطلاب ..
    ولكن تستطيع ان تدفع نقدا في كل مرة تستعمل فيها الباص .. ثمن التذكرة 18 كرون يعني 9ريالات

    صالحة لمدة ساعة و 10 دقايق يعني تلف اي منطقة بمالمو فيها بهذا الوقت

    ولكن بداخل مدينة مالمو تستطيع شراء كارت باص مفتوح ب 435 كرون اي حوالي 215 ريال

    ووممكن تشتري كارت على مستوى مقاطعة سكانه تقدر تستخدم كل باصات وكل قطارات المقاطعة فيه .. والسعر لايتجاوز 1000 كرون شهري


    بالنسبة للكهرباء ..

    جميع مخارج الكهرباء تعمل على 110 يعني حط ببالك هالشي
    وعلى شكل دوائر

    في نقطة احب اضيفها .. جت في بالي فجاة

    الجو بارد بارد بارد

    يعني لاتشتري جاكيت من السعودية ..

    لانه كله شغل مش حالك


    رح يكون في جزء ثاني مدعم بالصور .. يحتوي اماكن التمشية وصور للشوارع .. والحياة ..
  2. المشاركة الأصلية كتبت بواسطة oth9man
    السلام عليكم ورحمة الله وبركاته

    اريد اسأل كم تكالفت الدراسه اللغة E في الشهر مع السكن والموصلات والمعيشه علشان انا ابغى اجي على حسابي

    واحول على البعثه ياليت تدليني مين فين اجيب قبول معهد وجامعه

    عزيزي ..

    الدراسة بالسويد لمرحلة البكالوربس باللغة السويدية .. الا في بعض الكورسات ..

    اما بالنسبة لمرحلة الماجستير فهي بالانجليزية ..

    والنظام بالسويد يطالبك بالحصول على درجة فوق 61 بالتوفل ..

    ولا داعي لدخول معاهد لتعليم اللغة ..


    بالنسبة للتقديم فهو من خلال هذا الموقع www.studera.nu

    واي خدمة يشرفني اساعدك والاخوان كذلك مارح يقصرون ..
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.