شباب الرياض افيدونا الله يرضى عليكم ( المانيا )
السلام عليكم ورحمة الله وبركاته
شباب الرياض ارجو منكم انكم تروحون الوزارة تسالوهم عن القبولات
مايصير الملحقية قالت القبولات تاخد اربعه ايام على ما توصل
والحين اكثر بكثير
لا وراسلين لينا رساله من الدااد عشان يسكتونا وشكلها القبولات ما بتوصل
طلاب بولندا راحو طلاب ايرلندا راحو وماادري بعد من راح
واحنا حتى قبولات ماوصلتنا وش السالفه
انا من الشرقية وظروفي ما تسمح لي اروح الرياض
وعندي ابن عم شغال في الرياض لكن انحرجت من كثر مااطلب منه واشغله عن شغله
بليز الله يرضى عليكم :fireman:
واسف ادا ثقلت عليكم واسف على الاطاله
رد: شباب الرياض افيدونا الله يرضى عليكم ( المانيا )
السلام عليكم ورحمه الله
هلا اخوي مصطفى ياخوك انا بالرياض حاليا والله اني صاك مشوار من الباحه
ولاني راجع الا بقبولي
رحت لهم الوزاره يقولون ماجت باقي وعلى قولتهم مفروض انها توصل امس بس ماجت
انا قابلت الدوسري حق القبولات قالي والله اذا جت القبولات بتصل عليكم
مافي الا ننتظر
بهالوقت نحاول اننا نجهز اوراق الفيزا احسن علشان نسوي اشغالنا بسرعه
الله يعطيكم العافيه وتقبلو تحياتي واي اسئله اسالوها ومستعد اروح الوكاله واسالهم واعطيكم خبر
تحياتي لكم
رد: شباب الرياض افيدونا الله يرضى عليكم ( المانيا )
يعطيك الف عافية اخوي وبيض الله وجهك ومايامر عليك عدو يارب
رد: شباب الرياض افيدونا الله يرضى عليكم ( المانيا )
عندي سؤال ما ينفع اقدم على الفيزا بدون قبول لا نه مهو بمكتوب بالشروط قبول
رد: شباب الرياض افيدونا الله يرضى عليكم ( المانيا )
هلا يالحارس
اي قدم على الفيزا بدون قبول انا من جتني الرساله اليوم اتصلت على المكتب قالو لي مو لازم القبول
كل المستندات المطلوبه هي
جواز السفر
3 صور شمسيه
والشهاده " الاصل"
والرسوم
قلت لهم طيب والقبول قالو مو لازم
بالتوفيق للجميع
رد: شباب الرياض افيدونا الله يرضى عليكم ( المانيا )
اقتباس:
المشاركة الأصلية كتبت بواسطة الوافي07
هلا يالحارس
اي قدم على الفيزا بدون قبول انا من جتني الرساله اليوم اتصلت على المكتب قالو لي مو لازم القبول
كل المستندات المطلوبه هي
جواز السفر
3 صور شمسيه
والشهاده " الاصل"
والرسوم
قلت لهم طيب والقبول قالو مو لازم
بالتوفيق للجميع
كيف الشهادة الاصلية لأن شهادتي الاصلية مأخذينها الوزارة لكن اظن شهادة طبق الاصل تنفع.
وشــكــراً على الرد والتأكيد .
وبالتوفيق.
رد: شباب الرياض افيدونا الله يرضى عليكم ( المانيا )
طيب كم مبلغ الرسوم؟ اخوي الوافي
و يعطيك الف عافية يا بطل
رد: شباب الرياض افيدونا الله يرضى عليكم ( المانيا )
مرحبا
دحين شو السالفة الوافي يقول مش لازم قبول ؟؟
ثانيا الشهادة الاصل بالوزاره وش نسوي هل يدونا اياها؟؟
أحد يشوف لنا الوضع منصج مكركبين
رد: شباب الرياض افيدونا الله يرضى عليكم ( المانيا )
الشهاده الاصليه عند الوزااارهـ وشلون نقدم على الفيزاا
رد: شباب الرياض افيدونا الله يرضى عليكم ( المانيا )
ياشباب اعصابكم ادري انكم متوترين لكن ان شاء الله هانت
بالنسبة لشرووط الفيزا حسب الرسالة اللي وصلت
1/جواز سفر
2/ثلاث صور شخصية
3/شهادة اتمام المرحلة الثانوية
4/ 200ريال
والشهادة جدا بسيطة تروح الوزارة تطلب الشهادة يجيبون ورقة توقع عليها ويعطوك الشهادة وخلاص
هذا اللي سار معي قبل شهر عشان اعدل الاسم في الشهادة واطابقه بالجواز