الأعضاء الإشتراك و التسجيل

الملتقيات
ADs

(تجاربي) في سفارة المانيا في الرياض 26 يناير - 16 ابريل

(تجاربي) في سفارة المانيا في الرياض 26 يناير - 16 ابريل


NOTICE

تنبيه: هذا الموضوع قديم. تم طرحه قبل 3032 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية abdo009
    abdo009

    مبتعث مستجد Freshman Member

    abdo009 السعودية

    abdo009 , ذكر. مبتعث مستجد Freshman Member. من اليمن , مبتعث فى السعودية , تخصصى قيد البحث , بجامعة قيد البحث
    • قيد البحث
    • قيد البحث
    • ذكر
    • قيد البحث, قيد البحث
    • اليمن
    • Dec 2013
    المزيدl

    April 28th, 2014, 04:46 PM

    السلام عليكم ورحمة الله وبركاته ,,

    ببدأ في الموضوع على طول .. انا قدمت المرة الاولى بتاريخ 26/1 في سفاره الرياض .. وجاني الرد بعد شهر بالرفض وباسباب مبهمه .. غيرت في الاوراق وجبت ورقه من عمل من ابويا .. والقبول الاصلي من كلاوستال .

    طبعا ورقة العمل انا ما جبتها المرة الاولى بحكم انه ابويا ما عنده كشف حساب وقلت اخويا اللي بيصرف عليا وجبت ورقه عمله .

    المهم قدمت بتاريخ 16/4 الساعه 9 ونص .. دخلت وكانت الموظفه المصريه موجودة .. اعطيتها اوراقي وقالتلي انا افتكرك انت قدمت هنا قبل شهرين .. قالتلي اش غيرت في اوراقك .. واش كان برأيك سبب الرفض للمرة الاولى ؟

    قلتلها :1/ كشف حساب البنك .
    2/ ورقة عمل الوالد .
    3/ جبت القبول الاصلي .. لان المرة الماضيه جبته نسخه

    قالتلي طيب وشافت جميع الاوراق وحطتها على جنب .. وقالتلي ليش ما درست لغه .. قلتها بشرحلك كل الشهور من يوم اتخرجت الى الان .
    اول ما اتخرجت بحثت عن الجامعات واخترت كلاوستال وقدمت عليها وجاني القبول بعد شهر بعدين انتظرت الين بعد الحج لسببين : كان عندي تجديد اقامه وكانت فتره حج .
    وبعد الحج اكتشتفت انه في نظام مواعيد .. فاخذت موعد لشهر 1 يناير وجهزت اوراقي في شهر . وقدمت في 26 ويوم 28 دخلت كورس لغه في دايركت انجلش لمدة شهرين بحيث اني ما وجدت معهد لغه في مدينتي ومدرسه اللغه في جدة ما كان فيها مكان متاح .. خلصت كورس اللغه وجهزت اوراقي وقدمت الحين طبعا في نص كورس اللغه جاني رفض وبدات اعبي الاوراق مرة ثانيه متفاديا الاخطاء ..
    قالتلي ليش اخترت رياضيات .. قلتلها كل الناس تختار طب وهندسة وانا حبيت الرياضيات وجبت قبول رياضيات وعندي شغله في بالي محددها اني بدرسها بعد الرياضيات اللي هيا الخبير الاكتواري وشرحتلها الشغله

    قالتلي طيب كويس .. حسيت انها اقتنعت تماما .. قالتلي انا دحين بنادي نائبه القنصل وانت حاول تقنعها بالانجليزي عن تخصصك وليش اخترت المانيا .
    قالتلي جهز نفسك ورتب كم كلمة .. راحت وجات معاها ورقه واعطتني هيا وقالت نائبه القنصل اعطتني هذي الورقه وتقولك حلها واثبتلها لانه هيا المرة الماضيه اللي رفضتك وحست انه ما في شي جديد في معاملتك

    طبعا اخذت الورقه وشفت اسئله سهله واسئله بالانجليزي ما عرفتها لانها كانت مقالية

    حليت شوي ورحت عندها قلت ناديلي نائبة القنصل وراحت وجات نائبه القنصل

    قلتلها ليش اعطيتني ورقة اختبار وتحكمي عليا بالرفض منها .. انا رايح ادرس ومستحيل تحكمي عليا من ورقه اختبار .. قالتلي نحن اعطيناك رفض عشان تحسن من نفسك من مهاراتك في الرياضيات .. قلتلها لو بدرس طب او هندسة اتخرج من الثانويه واحضر للطب او الهندسه في البيت !!

    قالتلي لا تخرج عن سياق الموضوع ولا تحاول تقنعني بطرقك الغريبه !
    قلتلها يعني ادرس لغه واقدم ثاني مرة .. قالتلي انا ما قلتلك ادرس لغه .. بس يمكن اللغه تساعدك .

    طيب دحين ما فهمتك وش سبب الرفض .. قالتلي سبب الرفض انت ما طورت نفسك في شي ونحن نبا ناس تتطور نفسها ( يعني حتى مو مكتوب في ورقه الرفض اني اطور نفسي ) المهم قلتلها انا صلحت اوراقي وجبت ورقه عمل لابويا .. قالتلي الفلوس مو كل شي ( طبعا الرفض الاول كان 70% ع الفلوس ) وقالتلي انت قاعد تضيع وقتي في ناس كثير يستنوا مساعدتي وراحت .. ما طولتها معاها عشان لا توقف معاملتي بالمرررة

    الموظفه المصريه كانت محترمه جدا وقالتلي والله ما اعرف اش اقولك .. لو قدمت دحين بترفضك وبتستلم جوازك بعد شهر .. او تسحب اوراقك وتروح تحسن نفسك في اللغه الالمانيه عشان تجي تفهمها وتقنعها !

    قالتلي روح فكر وتعال .. قلتلها خلاص بسحب اوراقي دام النتيجه رفض .. قلتلها ع الاقل اعطيني ورقه الاختبار احاول احلها في البيت ضحكت وقالت ما اقدر اعطيك

    انا ما عرفت بموضوع اللغه الا لمن قدمت المرة الاولى وما حصلت معاهد في السعودية ومعهد جوته اللي بالاردن محطيني انتظار وقبلني بعد 4 شهور ورسللي رساله في العشا قاللي بكرا في الصباح تعال قدم اوراقك عشان تدخل الكورس ولا بتروح معاملتك لو ما جيت( طبعا قصدهم اجيهم من مكة لعمان في 12 ساعه )ومعهد الرياض بعيد عني .. وجدة طول الوقت انتظار ( واحد قاللي ليا 6 شهور ودوبي خلصت a2 بس لسه ما اختبرت )

    كل القاعه كانت مذهوله بالشي اللي حصل( لان موجوده سماعات ومايك ) .. كانو دكاتره ورايا منتظريني عشان عندهم مقابله .. وكل واحد مذهول

    هل الخطا مني .
    هل الخطا من موظفه السفاره
    ------
    وصلى الله وسلم على سيدنا محمد
  2. الموضوع انا كتبته لعل وعسى اجد حل .. ولكن السبب الرئيسي لكتابته هوا انك تفكر 1000 مرة قبل لا تقدم على المانيا وتفكر 1000 مرة انك حتصرف فلوس ع الفاضي وتفكر 1000 مرة انه حيجيك رفض وتفكر 1000 مرة بمكان ثاني غير المانيا وتحطه بديل

    ليش 1000 مرة بالضبط ؟؟ لاني انا فكرت مرة ومرتين وقلت خلاص يكفي تفكير في الاختيار خلينا نبدا في التقديم ع الفيزا

    7 "
  3. المشاركة الأصلية كتبت بواسطة فارس اللؤلؤ
    غالبا يعتمد ع القنصل او نائبه و غالبا جامعة كﻻوستال جامعة Technische يعني تقنية فلما تختار رياضيات او طب بجامعة زي هاذي طبيعي يشكو و يستفسروا اكثر واكثر حول الموضوع

    احتمال
    لكن صراحه سدوا نفسي

    ( تمت المشاركة باستخدام تطبيق مبتعث )
    7 "
  4. ياشبا نسيت اقولكم .. فكروا 2000 مرة قبل التقديم لانه لو جاك رفض .. بالنسبه لبعض الدول لمن تشوفه عادي وناس يقولوا في مشكلة .. فما ادري
    يعني الرفض زي كانه بيشوه جوازك او حاجه زي كدا .. غير متاكد من دي المعلومة عشان كدا فكروا فيها 2000 مرة

    ( تمت المشاركة باستخدام تطبيق مبتعث )
    7 "
  5. حصلي زي اللي حصلك انا عندي قبول كيمياء

    ومع اني جايب الورق كامل اترفضت لاسباب مالية ونية الرجوع وغرض السفر مع اني فاتح حساب وجايب كشف الوالد وخطاب يوضح راتبه
    ....
    انت بعد الرفض الاول ايش سويت قدمت استئناف ولا قدمت ثاني ولا ايش؟
    7 "
  6. المشاركة الأصلية كتبت بواسطة kokp
    عبده اتوقع مرة ضفتني سكايب انت يمني صح؟

    وكلمتك قلتلك من وقتها الرفض 99% اغلبه من السفارة وليس من المانيا ونصحتك غير السفارة
    اي نعم صحيح .. والله وقتها عبيت نص الاوراق وصحيح كلامك .

    ( تمت المشاركة باستخدام تطبيق مبتعث )
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.