خطوات تجديد الفيزا خطوة خطوة
السلام عليكم جميعا
ورمضان كريم عليكم،،،،وكل عام وأنتم بخير
ياحلوين كلكم أنا شفت كثرة الأسئلة عن الفيزا وتجديدها ،،،قلت ياواد أديهم اللي صار معاك اليوم،،،
قبل ما أبدأ لاتشيلون هم الفيزا وتكبرون موضوعها ترى مررررررره موضوعها سهل
بسم الله نبدأ:
1-أتصل على مكتب الهوم أوفيس واحجزموعد تجديد الفيزا من الحين وخلي موعدك قبل انتهائها ب 15 يوم علشان يكون معاك وقت احتياط.(فاهمين ياحلوين )يالله نروح الخطوة الثانية.
2-خذ الأبليكيشن من معهدك وقولهم يساعدونك في تعبئة الأبليكيشن إذا رفضوا شوف لك واحد يساعدك(خلصنا من الأبليكشن)نروح للي بعده.
3-تتصل على رقم الملحقية واضغط 0 وقول لهم حولني على الموظف المختص بالضمان المالي حق الفيزا،،،،طبعا إذا كلمت الموظف بيطلب منك رقم الملف وبيسألك عن عنوانك الحالي علشان يرسلك الورقة عن طريق البريد،،،
أنا أنصحك إذا غيرت سكنك على طول تكلم المشرف وتغير العنوان علشان مايعقدك الموظف اللي بيرسلك الضمان.(حلو الكلام؟)نروح للي بعده.
4-كلم المعهد من بدري وخلهم يجهزون ورقة الفيزا ليتر وهم يعرفون وش يكتبون فيها.
5-صورة شمسية خلفية بيضاء + جواز السفر + البوليس ريجستريشن (الورقة حقت البوليس اللي فيها صورتك فيها عنوانك الحالي).
6-تروح للبنك من بدري وتقول لهم أبغى كشف حساب حق 3 شهور (هذي سهله ).
7-تجهز مبلغ وقدره 565 باوند.
8-اذا انت درست في أكثر من معهد في بريطانيا خذ معك الشهادات احتياط لأنهم راح يسالونك بيقولون لك قبل هالمعهد هذا وين كنت فيه ،،،،يصير على طول تعطيه الشهادة وبيقولك الموظف all right .ترى سألوني هالسؤال بس اخوكم حاسب حساب هالسؤال.
9-إذا كملت هالأوراق كلها حطها في ملف وروح المعهد وخليهم يشيكون عليها قبل ماتروح.
طبعا لاتسألوني عن مكان الهوم اوفيس اللي رحت له ،،،لأني بقولكم من غير سؤال،،،هع،،،
أنا رحت مكتب شيفلد وكان مرتب ومنظم ومافي اي لخبطة اوتعب يمكن تتعب شوي من انتظار البصمات بس عادي
بس بقولكم اهم شئ توصل المكتب قبل موعدك ب 30 دقيقة ،،،لاتسوون مثل ربعنا بالسعودية حقين الاكتتابات اللي يصلي الفجر عند باب البنك علشان يكتتب في الاسهم،،،
بس لاتنسون ترى فيه أمن عند الباب للتفتيش وترى انتظرت 15 دقيقة علشان يجي دوري للتفتيش،،،،
تصدقون عاد شكلهم عارفين إن رمضان دائما كريم تدرون ليه ؟؟؟
لأنهم عطوني الفيزا الى نهاية شهر 4 الجاي ،،وأصلا أنا اخلص من معهدي الحالي في شهر 12،، يعني زودوني 4 ،،،ياحليلهم والله،،،
على الله ماطولت عليكم
بس إن شاء الله فهمتوا الدرس ترى الاسبوع الجاي اختبار من القلده للقلده >مدرس على غفلة>:thumbsup::thumbsup:
خالص ودي لكم جميعا
وكل عام وانتم بخير
اخوكم،،،،
رد: خطوات تجديد الفيزا خطوة خطوة
ماشاء الله مبرووك
بس فيه سؤالي كيف يعني قدمت اليوم وعرفت انهم عطوك زياده 4 شهور؟؟
يعني عطوك الفيزه في نفس الوقت؟؟
رد: خطوات تجديد الفيزا خطوة خطوة
ايوه ذكرتني
نسيت اقول أنهم راح يعطونك الجواز والفيزا راح تكون بطاقة منفصلة سترسل لي بعد اسبوع
عند إعطاءك الجواز سيخبرك الموظف بمدة الفيزا
ثانكيوو
رد: خطوات تجديد الفيزا خطوة خطوة
ماشاء الله مبرووووك
بالتوفيق
رد: خطوات تجديد الفيزا خطوة خطوة
رد: خطوات تجديد الفيزا خطوة خطوة
أقدم خدمات في جميع المجالات المتعلقة بالإقامة و الدراسة في بريطانيا
00447917749089
m_abu7 at yahoo.com
لندن
رد: خطوات تجديد الفيزا خطوة خطوة
مشكور الله يعطيك العافية
بس ممكن سؤال سريع
لما أعطوك الجواز هل خيروك انك تستلم الفيزا بنفس الجواز او تاخذها بطاقة منفصلة ولا ماخيروك ؟؟؟؟
يعني هذه البطاقة المفصولة لازم منها في النظام الجديد؟
لأن موعدنا يوم الثلاثاء والثلاثاء اللي بعده موعد السفر
أخاف ماتجينا الفيزا غير بعد مايروح موعد السفر ونتورط ...