عرض للطباعة
السلام عليكم ورحمة الله وبركاته...
حبيت اسئل كم سؤال عن اصداااار الفيزا بريطانيا للدراسية
كييف اطلع فيزا دراســية؟؟ وانا طبعا من الرياض يعني ارووح للسفارات ؟؟
طبعا غيروا نظامهم موب مثل اول :dry:
ابي اعرف كيف اصدار الفيزا؟؟ يعني وين ارووح فيه مكاتب مثل اول ولا لازم على طول للسفاارة
والاجرائات يعني الاوراق والخرابيط؟؟
ابي كل ما يتعلق لاصدار فيزا دراسيه لـ بريطانيا!!! ومواعيد الاستقباال؟؟
وكم يوم وطلع الفيزا؟؟؟
يعطيكم العافيه
والف شكر,,:1eye:
والله اعتقد من السفارة بالرياض
بس لابد من قبول معهد
( هذا الرد منقول من مشاركة الاخ / hani.real واستفدت منها عند استخراج الفيزا وانقلها لك كما هي )
السلام عليكم - حيا الله الجميع
هذي ارقام مكتب تقديم الفيزا البريطانية بالرياض
2886644
2886771
2886541
أنا اتصلت فيهم واخترت اللغة العربية وردت علي موظفة سعودية جاوبتني على كل الاسئلة بكل دقة وبتفصيل ممل :
وسألتها وش النماذج المطلوبة ( علما بأنني مبتعث لدراسة البكالوريوس والمرافقون "زوجة + طفل" )
الاوراق المطلوبة :
* الضمان المالي
* Visa Letter خطاب الفيزا من الجامعة
* شهاة الثانوي الاصل + صورة
* تعبئة نموذج VAF9 للمبتعث على الرابط التالي : http://www.ukvisas.gov.uk/resources/...s/1903073/vaf9
اذا ماعندك لغة ولا حصلت احد يعبي النماذج لك - تقدر تروح لأحد مكاتب الترجمة وهم يعبونها لك
+ نموذج ثاني للمبتعث على الرابط التالي :
http://www.ukvisas.gov.uk/resources/...generalstudent
+ ونموذج VAF10 للمرافقين (كل واحد نموذج مستقل)
تحصلونها على الرابط : http://www.ukvisas.gov.uk/resources/.../1903073/vaf10
* صور للمبتعث خلفية بيضاء وللمرافقين نفس الشيء وتكون 4 في 6 ملون (أنا أنصحكم بالاحتفاظ بالصور لأنكم راح تحتاجونها اذا سافرتوا ان شاء الله)
* 940 ريال كاش لكل واحد
* أحضار الجوازات
-------------------
وأنا انصح أي واحد يراجع أي مكان يكون فيه مستندات رسمية مطلوبة ياخذ معاه شنطة (بريف كيس) يحط فيها أي مرجع يحس أنه ضروي ويصور كل شيء يشوف انه ضروي علشان مايتبهذل إذا نسى يصور أوراق ويجلس يضيع وقت وهو يدور على مكينة تصوير ويمكن يطوفه الدور.
*هام* بالنسبة للفلوس تأكد أنك تآخذ معاك 940 كاش لكل واحد لأنه احتمال يقولون مافي صرف.
-------------------
اللي عنده أي استفسار يتصل بالسفارة وأرقامهم موجود أعلاه ، وهم جداً متعاونين وخلوا عنكم سمعت ولا يقولون (تأكد من المصدر بنفسك)
ساعات العمل :
من الساعة التاسعة الي الساعة الخامسة عصراً. من اليوم السبت الي يوم الاربعاء
منقول من موضوع سابق في المنتدى وهو رد من hani.real مع شكري وتقديري له ............
انا عن تجربتي في التقديم على الفيزايوم الثلاثاء 3/11/2009 كالتالي : ( طبعا انا موظف مبتعث ومعي زوجتي مرافقة )
استفدت كثيرا من مواضيع الفيزا في المنتدى والتعقيبات كثير
الاوراق المطلوبة / فيزا لتر اصلي مع صورة+ اصل القبول مع صورة + اصل الضمان المالي مع صورة + مبلغ 940 ريال مع 5 ريال لرسالة التذكير ومبلغ 940 ريال للمرافق + اصل اختبار اللغة مع صورة + اصل الجواز مع صورة + صورة شخصية حسب مواصفات معينة وحديثة + صورة وثيقة التخرج مع الاصل + صورة السجل الاكاديمي مع الاصل .
بعدين يبصمونك ويصورونك .
وبالنسبة للنماذج موجودة عندهم وفيه موظفين للاستفسار عن تعبئة النماذج وعن نوع الفيزا المطلوبة لكل حالة .
وفيه تعبئة استمارات وتصوير مستندات وتصوير ايضا للي ناقصة شي او مو عارف يعبي النموذج ........
للطالب نموذجين
وللمرافق نموذج واحد .
ــــــــــــــــــــــــــــــــــــــــــــــــــ ـــــــــــ
قدمت الثلاثاء 3/11/2009 على مكتب التاشيرات في السليمانية بالرياض ....
واستلمت الفيزا الأحد 8/11/2009 ولله الحمد ,,,,,
تحياتي للجميع ............ واي استفسار اعرفة انا مستعد للاجابة ...............
mossa
azalfahad
الف الف شكر
افدتوني والله وما قصرتوا
ويعطيكم الف عافيه
ادعوووووولي نكفوون اتوفق وارووح..