مشكلة باستخراج فيزا بريطانيا
السلام عليكم
انا سفري بيكون نهاية الشهر والدراسة تبدأ 5 جانيوري
كلمت السفارة اليوم على شان الفيزا واشوف وش المطلوب لأني ذاهبة على حسابي الخاص
طلبوا مني كشف حساب لوالدي المتكفل بمصاريف دراستي ويكون فيه مبلغ كافي للدراسة ولكن يجب ان يكون المبلغ موجود بالحساب قبل 28 يوم
المشكلة ان الحساب سينزل فيه المبلغ بعد يومين وانا لازم اطلع الفيزا خلال الاسبوع القادم
يعني مشكلتي ان الحساب سيكون فيه المبلغ ولكن مشكلة انتظار 28 يوم سألت الموظفة الي ردت علي اليوم وش الحل قالت لي انتظري 28 يوم قلت لها سفري لازم يكون قريب وانهي اموري قالت مايصير يعني مافي تعاون
على الرغم من اني اقدر اطلع من البنك ضمان مالي يثبت امتلاكي للمبلغ من خلال عدة حسابات او استثمارات
اتمنى ان تساعدوني بسررررعة
ماهو الحل؟؟؟
رد: مشكلة باستخراج فيزا بريطانيا
والله ياخوي السفارة جدا غير متعاونين انا يالله طلعت فيزتي امس , وكلها بسبب كشف الحساااب
اما قضية 28 يوم ,,, فهذا شرط اساسي مررة ,,, حاول تكلمهم مرة ثانية وتشرح ظروفك واذا رفضوا , حاول تأجل دراستك اسبوعين ...
رد: مشكلة باستخراج فيزا بريطانيا
طيب اخوي حسابك كم كان فيه فلوس؟انا عندي حساب فيه تقريبا 40 الف ريال ينفع؟
رد: مشكلة باستخراج فيزا بريطانيا
40الف ينفع , لأنهم يبغون انه يغطي مصاريف المعهد ,,
انا كان اكثر من 40 الف بس سمعت من ناس كثير انهم يقبلونه ,,, لأنهم مثلا كانت فلوس المعهد تقريبا مثلا 5000 باوند يعني 30000 ريال سعودي فبكذا حسابك مغطي مصاريف الدراسة ...
اتمنى اني اكون وضحت
رد: مشكلة باستخراج فيزا بريطانيا
انا تكاليف معهدي تقريبا 55 الف
طيب انا بسوي الورقة باسم شخص غير ابوي ينفع؟
وهل الضمان المالي مهم؟
اوتكفي ورقة يتعهد انه بيتكفل بدراستي؟
رد: مشكلة باستخراج فيزا بريطانيا
لالالا انتبه ,, انا قدمت كشف حساب لأخوي ورفضوه ,, وقالوا لازم كشف حساب لك او لأبوك أو امك ,,,
طبعا فقط كشف حساااب لا ضمان مالي ولاهم يحزنون ...
طبعا لازم تعهد خطي من ابوك انه متكفل بجميع مصاريفك حتى العودة الى ارض الوطن ( طبعا بالانجليزي )
لا تنسى اذا كان ابوك موظف تجيب تعريف راتب , واذا كان نقاعد تجيب شهادة تقاعد فيه راتب التقاعد ( ايضا انجليزي او ترجمه ) واذا كان غير موظف مايهم ,, واذا كان يملك مؤسسة تجارية يجيب مدري والله شهادة او تصريح مؤسسة مثل كذا ,,
اتمنى ان تكون اجابتي واضحة
رد: مشكلة باستخراج فيزا بريطانيا
ليش التعقيدات كذا انا بوفر لفلوس من ابوي بس مامضى عليها 28 يوم
واقدر اوفرها من شخص ثاني وهم مايقبلوا الا من الاب
والدراسة تبدأ قريب وانا اموري مرتبة على كذا :(
شكراً لتعاونك أخي الكريم
رد: مشكلة باستخراج فيزا بريطانيا
حاول مع السفارة انك تكلمهم ,, ولا تكلم مكتب التاشيرات اللي بالسليمانية لأنهم مايعرفون شئ بس ياخذ منك الاوراق ويقولك عطني ولو هي غلط وتتفاجأ الا وهي مرفوضة ...
فيه حل انك تاجل الدراسة كذا اسبوعين او شهر
رد: مشكلة باستخراج فيزا بريطانيا
أنا بطلعها من الخبر
بشوف اذا قبلوا كشف باسم شخص غير الوالد ماودي اتأخر بالدراسة
رد: مشكلة باستخراج فيزا بريطانيا
للاستفادة فقط استطعت الحمدلله ضبطت الأمور بحساب غير حساب والدي وبعد اسبوع استلم الفيزا