تغير الفيزا داخل بريطانيا
السلام عليكم
اخواني انا محتار ..
في معهد اكاديمي وحاب انقل عندهم واخذت موعد عند الهوم اوفيس
بس عندي مشكلتين اولن الغياب عندي كبير بسبب مرضي مادري يقبولنه ولايستقعدون لي فيها
والثاني ماني عارف كم رسوم الفيزا خصوصا اني بضطر اجددها مرتين 3 شهور كورس انجليزي و3 شهور بريسيشنل كورس
فالسوال كم رسوم الفيزا كل مرة وهل تختلف على المده يعني 3 شهور اقل من غيرها ولا تجديد الفيزا رسومه وحده بغض النضر عن المدة .. خصوصا ان معي مرافقين يعني المبلغ بيطلع جامد وعلى مافهمت ان الملحقيه ماتعوضك عليها كل مرة
انتضر الاجابة الشافية والله يكون بعونا على هالديره وانضمتها
للعلم انا فيزتي مدتها سنه وبعد التاريخ 5 اكتوبر الله ياخذهم على هالقرار الغبي
رد: تغير الفيزا داخل بريطانيا
بالنسبه للغياب لاتخاف ان شاء الله مابيسألون عنها... انا جددها قبل فتره ووالله ماشافوا لاورقة غياب ولا شي .... الشي الثاني الرسوم 565 باوند للطالب ولكل مرافق 50 باوند بغض النضر عن المده.... وبالنسبه للتعويض لاتخاف الملحقيه مجبره تعوضك لو تجدد كل اسبوع اذا كنت نضامي....انا معوضيني 3 مرات لحد الان وبجدا بعد فتره وغصب عليهم يعوضون..... انت مالك ذنب هذا شي اجباري
رد: تغير الفيزا داخل بريطانيا
الله يعطيك العافية
بس هل 50 باوند للمرافق انا كني فهمت من الموقع ان ال50 باوند للمرافق اقل من 18 سنه ؟
هل معناها 50 باوند للزوجة ومثلها للطفل ..
شاكر لك ردك والله يسهلها يارب
رد: تغير الفيزا داخل بريطانيا
50 باوند لاي مرافق صغير او كبير....
انت قصدك على التقديم للمرافق لحاله يعني اذا قدمت انت بموعد ومرافقك بموعد كذا راح تدفع سعر ثاني....لكن اذا قدمتوا بيوم واحد راح تدفع لك 565 باوند وللمرافقين 50 باوند لكل واحد.....
بالتوفيق
رد: تغير الفيزا داخل بريطانيا
الله يعطيك الف عافيه والله ريحتنا شوي
اول حاسبن لكل واحد 565 باوند قلت بس خسفوا الميزانيه
طيب انا حاجز على موعد قبل بداية الكورس بكم بوم هل معناها انتضر الين تجي الفيزا ولا يسمحون لي اداوم على طول
ماقصرت وجعلها بميزان حسناتك ان شالله
رد: تغير الفيزا داخل بريطانيا
اخوي ابو جبل ,, اتمنى تساعدني باستفساري
انا فيزتي مدتها سنة , وهي بعد النظام الغبي حقهم ابو 5 اكتوبر - الحين راح منها 5 شهور تقريبا
وانا ناويه اغير المعهد ان شاءالله , فماعرف وش الطريقه او وش الاجراءات
انا ابغى اطلع الفيزا باسرع مايمكن حتى لو دفعت ال500 باوند اللي تخلي الفيزا تطلع بنفس اليوم ( كما سمعت )
فممكن تعطيني الخطوات ووش الاوراق المطلوبه ووين اروح بالضبط ؟
والله يجزاك خير يااارب
رد: تغير الفيزا داخل بريطانيا
اقتباس:
المشاركة الأصلية كتبت بواسطة شموع
اخوي ابو جبل ,, اتمنى تساعدني باستفساري
انا فيزتي مدتها سنة , وهي بعد النظام الغبي حقهم ابو 5 اكتوبر - الحين راح منها 5 شهور تقريبا
وانا ناويه اغير المعهد ان شاءالله , فماعرف وش الطريقه او وش الاجراءات
انا ابغى اطلع الفيزا باسرع مايمكن حتى لو دفعت ال500 باوند اللي تخلي الفيزا تطلع بنفس اليوم ( كما سمعت )
فممكن تعطيني الخطوات ووش الاوراق المطلوبه ووين اروح بالضبط ؟
والله يجزاك خير يااارب
اجل اول خطوه تاخذين موعد مع الهوم اوفيس بالتلفون او اونلاين وبعدين تجهزين اوراقك من قبول المعهد والضمان وكل شي كأنك تبين تجددين فيزتك..... يعني الان اخذي موعد باقرب وقت لان المواعيد عليها ضغط.... ورسوم الفيزا مثل مانتي عارفه 565 باوند اذا تبينها بنفس اليوم او بالبريد ب تقريبا 350 باوند
بالتوفيق
رد: تغير الفيزا داخل بريطانيا
وش الضمان اللي تتكلم عنه وش اسمه ؟؟؟
ووش غير القبول والضمان احتاج اخذ معي ؟؟
ووين الهوم اوفيس ؟؟ هل هو في لندن او ادنبره << احد قالي اذا تبينها بنفس اليوم لازم تروحين لادنبره !!!!
ووحده من البنات قالت لي شي عن release letter << وش ذي ومتى احتاجها وهل فعلا احتاجها ؟؟
شكرا جزيلا لك اخوي وعسى الله لايحرمك الاجر
ويسهل امورك دنيا وآخره
رد: تغير الفيزا داخل بريطانيا
أبغى أعطي تنبيه ...
النظام الجديد حسب ما نسمع ما يسمح أنك تجدد للمرافقين إذا كانت مدة الكورس أقل من 6 أشهر .
رد: تغير الفيزا داخل بريطانيا
طيب اخوي ابوجبل
الله لا يحرمك الاجر إن شاء الله إنت والاشخاص إلي مثلك .
انا طلعت فيزتي من فبراير 2009 بالضمان المالي فقط على معهد خاص لمده سنه وخلال ثلاث شهور نقلت إلى معهد ثاني تبع الجامعه ولا قالو شي عادي , بعدين جدت فيزتي والمرافق على معهد تبع الجامعه في شهر 23-10-2009 وحطو كود الجامعه على فيزه المبتعث فقط , الآن انا راح ابدى في معهد ثاني في
مدينه ثانيه في 12-04-2010 هل لازم اغير الفيزه مع العلم انها راح تنتهي في 31-08-2010
الرجاء الافاده التفصل الممل الله لا يهينك .