هل يحق للمبتعث (ماستر) دراسة اللغة لمدة سنتين؟

السلام عليكم

اخواني تعرفون ان اصعب مرحلة للدراسة ببريطانيا هي مرحلة الماستر لضيق الوقت وللضغط الكبير على الطالب

يعني لا الواحد قدامه ثلاث أو اربع سنوات دراسه زي البكالوريس ولا قدامه ثلاث سنوات زي الدكتوراه

كلها سنة تكفي أن الواحد يخلصها وهو كبران عشرين سنة ونص شعر راسه صاير ابيض من الشيب والتعب والضغط

النفسي

انا شفت طلاب كثير مشيبين ومتغيرة اشكالهم وهم لسه ماخلصوا الماستر اسألهم ليه كذا يقولون ماندري على ايش نلحق

على اللغة ولا على الدراسة يتحسفون على الساعه اللي جابتهم هنا ؟

عشان كذا باسأل اذا مبتعث الماستر حب يتقوى بلغته هل يستطيع التمديد الى سنتين؟

ماهي الحالات الي بتوافق فيها الملحقية على التمديد لطالب الماستر بالمدة المذكورة


ولكم مني أطيب وأرق وأزكى تحية

بالتوفيق لكم يارب والله يسهلها لكل الطلاب والطالبات يارب

والله شيبت وانا افكر باقي ما دخلت ربك ييسرها من عنده
احنا ناسيين شغلة مهمه الا وهي حسن الظن بالله والتوكل على الله حق التوكل مع بذل الاسباب طبعا

غالبا سنه و سته شهور من حق كل طالب او انها تعطى لك بدون تعقيد

اما سنتين اعرف طلاب اعدهم باصابع اليد مددوا سنتين بس بعد جهد ومراجعات وفيها واسطات بعد

بس انت شد حيلك ولا تقارن نفسك بالاخرين لانك ممكن تكون افضل منهم

بالتوفيق

مآسمعت عن آحد ولآ آعرف آحد آخذهآ بسنتين :)


بس بنظرتي الثآقبه ( هع ) آشوف سنه ونص حلوه مره:)

ياخي الامور سهاله وربي .. يمين بالله ماقط شفت سعودي ايام اللغه وقالي ان الماستر سهل والله الماستر اذا عرفت تنظم وقتك انه مريح جداً

وعليكم السلام

تقدر في حاله وحده وهي على حسب قرار مشرفك اللي في الملحقيه اذا شاف مستواك يتطلب زيادة ست اشهر اخرى ( يبغالك يعني تتملق له وتتمحلس له ^_______^

اقول يا سنايدي خلك مثل ربعنا يعطون بحوثهم مواقع مختصه وهي تسويها جاهزه مقابل مبلغ وقدره :)

بعدها انت خذ البحث واقراه وخذ فكره عنه وقدمه للابله خخخخخاااااااييييي

^^^

يعني وش استفدنا من الدراسة في بريطانيا لو استمرينا على الاساليب المستخدمة في السعودية؟!!!

اخوي
الماستر ماهي رحلة ترفيهية. هي دراسة والدراسة يبيلها جد واجتهاد, واهم شي حسن ادارة وتنظيم الوقت. وصدقني اذا نظمت وقتك بتقدر تلاقي وقت فراغ للترفيه عن نفسك وتجديد النشاط.

الاخوان :

المهندس ، حاتم 119 ، مبتعث في زحل ، Eng Abdullah ، م/الحربي ، زندقيه ، Winter '09

شكراً لردودكم العطرة وأسلوبكم الراقي في الرد

الأخ م/ الحربي شكراً لردك التحفيزي لنا ولكن النقطة التي استنتجتها من طلبة الماستر أنهم يصابون عند بداية الدراسة بصدمة

بسبب عدم قدرتهم على فهم كلام المحاضر وكأنهم لم يدرسوا اللغة بالإضافة الى محدودية وقت دراسة الماستر (سنة) وليت

الأمور كما تقول لكل الطلبة لكن التخصصات والجامعات تختلف وليست سواء.

الله يعين حتى انا ودي امدد لغه :(