تكفون ياأخوان الغربه الصدر ضايق (لاحول ولا قوة الا بالله )(ان لله وان اليه راجعون )
بسم الله الرحمن الرحيم
السلام عليكم ورحمة الله وبركاته
الى كل اخواني بالغربه اتمنى انكم تعذروني اذا اخطيت على احد ولا زعلت اي شخص والله الدنيا ماتسوى ولا احد يضمن متى يومه العذر والسموحه
http://www.youtube.com/watch?v=jfJfJ...eature=related
رد: تكفون ياأخوان الغربه الصدر ضايق (لاحول ولا قوة الا بالله )(ان لله وان اليه راجعون
أذكر الله
أكثر من- أستغفر الله - لا حول ولا قوة إلا بالله
والله يعيننا كلنا على الغربة والدراسة
كل عام وانت بخير
رد: تكفون ياأخوان الغربه الصدر ضايق (لاحول ولا قوة الا بالله )(ان لله وان اليه راجعون
الله لايلومك
لاجا اخر الليل ولحالك بين 4 جدران في ذا لغربه والبرد تظيق فيني الدنيا لاونيس ولاشي
سود الليل جلاب الهموم
رد: تكفون ياأخوان الغربه الصدر ضايق (لاحول ولا قوة الا بالله )(ان لله وان اليه راجعون
اعوذ بالله من الشيطان الرجيم
الله يجزاكم خير والله قاعد اسمع قران لحين والحمدلله احسن نفسيتي شوي هدت والله اني بكيت بكى اليوم ماعمري بكيته تقول بنت مدري ليش بس الحمدلله بعد ماصليت ركعتين واسمع قران احس الحاله صارت احسن
وكل عام وانتم بخير
رد: تكفون ياأخوان الغربه الصدر ضايق (لاحول ولا قوة الا بالله )(ان لله وان اليه راجعون
اخوي كلمة حق
عليك بالذكر والقران والصلاة
اقسم لك بالله اني عشت نفس وضعك اللى انت تعيشه الان
في ليلة مرة علي الله لا يعيدها
وهي ليلة اتوقع انها تمر على كل مغترب
لكن عليك بالقران والصلاة هي اللي فيها الراحة
وحاول تشغل نفسك وانتبه من الجلسه لحالك والتفكيررررررررررر
لانه هو العدو الاول
الله يفرج عليك ويسعدك وييسر امورك وان شاءالله ترجع لاهلك بالشهادة
اخوك ابو لموره
رد: تكفون ياأخوان الغربه الصدر ضايق (لاحول ولا قوة الا بالله )(ان لله وان اليه راجعون
الله يجزاك خير هذي المشكله اني جالس الحالي 24 ساعه مااطلع ولا اروح تعرف ليل اخاف اطلع بصراحه وماعندي اصدقاء للاسف ماعرفت احد في مدينتي الي انا فيها وبس اروح تيسكو اشتري اغراض وارجع حتى اكل صرت مالي نفس اكل يااخي الوحده شينه
والله لو القى اصدقاء لا اسوي جدول معهم كل يوم نشاط لعب كوره ولا اي شي نتسلى فيه ولا يوم الاحد الجيم مسكر يعني اوقات كنت اروح للجيم اسوي رياضه واسولف مع الناس الي هناك شوي عشان اطور الغه عندي
على العموم الله يجزاك خير وماقصرت
رد: تكفون ياأخوان الغربه الصدر ضايق (لاحول ولا قوة الا بالله )(ان لله وان اليه راجعون
احمد ربك على النعمة الي انت فيها
صحة وعافية ومبتعث تدرس
المفروض الي زيك يكون عنده امل كبيرررر لبكرى
مو جاي تطلب الحل والسموحه وتفكر بالموت وغيره
ترى هذا كله من الشيطان
يوسوس فيك ويضيق صدرك وينسيك تشكر الله على النعم
اشغل وقتك
بالدراسة والبحث والانترنت
ادخل كلم اهلك اخوياك
الحين تقدر تكلمهم صوت وصورة وكن معهم
صل وادع ربك واشكره ترى الشكر عبادة غافلين عنها
والشيطان توعدنا فيها
( ولا تجد أكثرهم شاكرين ) !! .. اختصها الشيطان لعظم شأنها ، فقال الله عزوجل ( وقليل من عبادي الشكور ) .. اللهم اجعلنا لك شاكرين
اعذرني اخوي على اسلوبي مو مرتب
بس كتبت ردي على عجالة ومن قهري عليك
الله يشرح صدرك وييسر أمرك وشدة وتزوووووووووول
رد: تكفون ياأخوان الغربه الصدر ضايق (لاحول ولا قوة الا بالله )(ان لله وان اليه راجعون
فعلا الصدر ضايق والله بقوة مايدري الواحد وش يسوي طفش ماغير دراسة ولا انترنت فيه شي غيرها بجد ماعاد صرت اتحمل الغربة خلاص انا انسان متعود على الطلعة والروحة والجية وروحي روح اجتماعية ماقدر اعيش لوحدي بصراحة ملل طفش زهق نفسيات تحت الصفر لا ومع هذا البرد اكتملت حاولت اعديها وعيت تعدي والله.
رد: تكفون ياأخوان الغربه الصدر ضايق (لاحول ولا قوة الا بالله )(ان لله وان اليه راجعون
الله يحيك ياكلمه حق
صدقني نصف المبتعثين يشتكون مما تشتكي منه .. ولكن بقولك نصيحتي
أولا اذا كنت تسمع الاغاني وأنشاء الله انك ماتسمعها .. فأبتعد عنها .. يعلم الله اني يوم اسمعها تضيق خاطري .
وحاول يوم تكون جالس في البيت وماعندك شي تشغل القران على الابتوب وسوره البقره على وجه الخصوص القارىء اللي تحب.
ابتعد كل البعد عن السهر اذا كنت بلا اصدقاء فالسهر بالليل ماتقدر تخرج ولا شي ..
أخذت فتره انا اصحى ٥ الفجر وانام ٨ الليل والله ياهو جدول رهيب وأحس بنشاط في اليوم كله . .. ولا اكون برى البيت وماجي الا على المغرب.
ولا اوصيك أمكن ماعندك اصدقاء اخير من يكون عندك اصدقاء من النوع الرديء اللي بدل مايسعدونك .. يزيدونك هم.
فأحرص على أختيار الاصحاب والاصدقاء فوالله انهم بعض الاحيان هم الوناسه في الغربه.
وفقنا الله وياك لما في خير وصلاح
تحياتي لك
فالله يوفقنا واياك*
رد: تكفون ياأخوان الغربه الصدر ضايق (لاحول ولا قوة الا بالله )(ان لله وان اليه راجعون
عليكم السلآم ورحمه الله وبركاتة
الحال من بعضه الله يعين إن شاءلله .. لدرجه أني أفكر إذا كنت أقدر أعادل فترة دراستي في المملكة واكمل هناك ومره أفكر بفكره بغيرها
عموماً أنت تعرف على أصدقاء .. اللي معك في الدوام سولف معهم عادي .. أنا مرات أرمي وجهي على أي أحد وحتى بعضهم يبادلوني هذا الشيء ويضحكون ويسولفون يعني خلك عادي و وسع صدرك .. وترى السعوديين رهيبين دايم أشوفهم مع بعض عادي أدخل معهم وسولف وأنبسط
أعرف طالب سعودي ضابط كبير .. اظاهر ما فيه طالب أجنبي ما يحبه .. لآنه حبيب هالسعودي يضحك ويسولف معهم ويجيبهم عنده في الشقة حتى في الفيس بوك عنده أجانب ويشاركون عنده .. أتوقع كلهم يعزونه لآنه طيب معهم ويضحك كثير وينكت معهم حتى ما أستبعد أن لغته أفضل مني .. وأنت خلك مثله كون علآقات مع أصدقاء جدد وزورهم عشان ما تحس بالزهق والكائبة
وطبعاً في الآول والآخير مثل ما قال أخونا الحربي أهم شيء أختيار الآصدقاء الطيبين .. أما اللي راعي خرابيط هذا أتركه ولآ تلتفت له .. أنا من طرفي ما أعطيهم وجه البتة
و أقرأ الآذكار الصباحية والمسائية وأية الكرسي فهي خير حافظ بعد الله ودائماً قول أستودعت الله اموري كلها الذي لآ تضيع ودائعه .. أنا الحمدلله صرت أقرأها يومياً
والسنين تمشي بسرعة شوف سبحان الله خلصنا اللغة وبدأنا باللي بعدها ماشاءلله وبعد تقريباً أقل من شهر فيه أجازة و إن شاءلله نخلص هذي السنة ونروح للي بعدها حتى يمكن بدون مانحس فجأة الآ وحنا متخرجين إن شاءلله يارب ،،
رد: تكفون ياأخوان الغربه الصدر ضايق (لاحول ولا قوة الا بالله )(ان لله وان اليه راجعون
وسع صدرك ياأخوي ... ترا الغربة بالعكس حلوة والله انها احلى ايامي ..
حاول تشغل نفسك .. تتعرف على اصدقاء سعوديين واجانب قوي علاقتك فيهم كثير خذ تليفوناتهم وعالفيس بوك اطلع سينما كااافي مع احد تتعرف عليه..خليك اجتمااعي وانبسط ترا صداقة السفر والله مافي احلى منها .. اكيد انك تدرس وفيه معاك طلاب بكلاس ..كلمهم سولف معاهم عن بلدهم عاداتهم ..من وين كل واحد بدولته..حاول تحب انك تتعرف عالاجانب..بمعنى سالت احد انت من وين ؟؟ قالك من تايوان ..لاتسكت اساله من وين بتايوان ..تايبي مثلا (توني عارفه انها العاصمة لوول) وايش الحلو فيها اممم كانك بتروح لها سياحة يوما ما..اقصد استمتع بتكوين صداقات مع كل الناس الي تشوفهم ..واكيد انت بتعرف من الصالح ومن الطالح ..ومن هنا تبدا تتعرف عالاخرين ..وبنفس الوقت تتعلم شي جديد..
فكر وش فيه اماكن سياحية بالمنطقه حقتكم ..حاول تتخطط للويك اند اطلع وشوف ايش فيه اماكن حلوة ..والله بهالوقت نفسي اروح لمكان في اسكتلندا هي عباره عن قرية مو متاكده من اسمها (aviemore) واتززززززززززلج هناك..
روح المكتبه واشتري كتب واقرا..رتب الصور الي عندك في الجهاز وروح اطبعهم في بوتز او تيسكو مثلا .. شوف لك موفي عالنت او مسلسل منها تقوي لغتك وممتعه بنفس الوقت ..
عمل تطوعي .. سوي سيرتش وبتحصل اكثر من شغله ممتعه وفيها اجر ان شاء الله وتقوي لغتك ..
نظف الغرفة .. ورتب اغراضك .. امممم ماادري بس فيه اشياااء كثيره بصراحة تتسوى !! وربي كان ماعندي وقت ابدااا .. سويت اشياء كثيرره بس ولوو احس ودي ارجع واسوي في بالي اشياء..انبسطوو عيشووا حياتكم لاتخلونها مملة وكئيبة
وطبعا "الا بذكر الله تطمئن القلوب"...
رد: تكفون ياأخوان الغربه الصدر ضايق (لاحول ولا قوة الا بالله )(ان لله وان اليه راجعون
السلام عليكم ورحمة الله وبركاته
والله بصراحة جااااااااااااااز لي بالحيل الرابط اللي انت حاط شكلك هواوي وراعي بر وجيت وانحشرت في بريطانيا
الله يشرح صدرك وأيسر امرك ويجعلك من كل ضيق مخرج والله ياهالحالة انها مرت على لدرجة ان الوقت ماصار يمشي
احسة واقف واليوم طوووووووووووويل يالطيف الله لا يعيد ذيك الأيام بس الحمدلله عدت على خير.
باقي شهر تقريباً وتجي اجازة الكرسميس روح اجازة للسعودية وتمشى وانبسط وراح تجي بنفسية عال العال ان شاء الله
تقبل مروري والله يوفقك
رد: تكفون ياأخوان الغربه الصدر ضايق (لاحول ولا قوة الا بالله )(ان لله وان اليه راجعون
رد: تكفون ياأخوان الغربه الصدر ضايق (لاحول ولا قوة الا بالله )(ان لله وان اليه راجعون
يا اخوي وسع صدرك
يارجال سير عليه الله يحيك تعالني ويكند كلها اركب قطار والله يحيك تعال غير جو عندي والله يفرجها انا الويكند هذا بطلع بورسمث معزوم الويكند لى بعده الله يحيك افضى نفسي لك انت بس تعال الله يحيك وان شاء الله تنبسط وتغير
كلها اركب القطار وانا من محطه القطار ادلعك الين ترجع محطه القطار مره ثانيه
يالله ياعم وش تبي اكثر من كذا
لا تخلى الوسوسه تلعب فيك
رد: تكفون ياأخوان الغربه الصدر ضايق (لاحول ولا قوة الا بالله )(ان لله وان اليه راجعون
اقسم بالله انه احلى ايام عمري كانت في الغررربة
انا الحين جالس في السعودية وودي اسافر اليوم قبل بكررره
يارجال عش حيااااااااتك
رد: تكفون ياأخوان الغربه الصدر ضايق (لاحول ولا قوة الا بالله )(ان لله وان اليه راجعون
الله يجزاكم خير كلكم وكل عام وانتم بخير وعيد اضحى مبارك الله يقبل منا منكم يارب
اولا" انا ماعندي اصدقاء والاجانب سولفت معهم بس هم اذا بيعزموني يعني في الويك اند يطلعون الى امكان تعجبهم ماتعجبني
ثانيا" اغراضي كلها رتبتها وملابسي مصفطها وغرفتي تلق لق بس خلاص ماعاد فيه شي باقي ماسويته
ثالثا" المدينه الي انا فيها مافيها ولا سعودي وانا متاكد من هالشي لاني مابقيت مكان الا وسالت اذا فيه سعودين ولا لا ومالقيت
رابعا" انا ان شاء الله ان ربي يمدني بالقوه من عنده وانا باذن واحد احد جبل بس مو عيب ان نبكي في لحظة ضعف وضيقت صدر بعدين انتم اخواني اذا ماشكيت لكم من اشكي له
ماااقول غير الله يوفقكم جميع الي ردو والي مارود على الموضوع ويارب يصبرنا وينجحنا ونخلص وننحاش لسعوديه
رد: تكفون ياأخوان الغربه الصدر ضايق (لاحول ولا قوة الا بالله )(ان لله وان اليه راجعون
^
ههههههـ ننحاش للسعوديه .. صادق و إن شاءلله بأذن لله نتخرج ونرتاااح من هم الغربة الكئيبة
أخوي في أي مدينة أنت .. عشان أعرف المدينة اللي ما فيها سعوديين ؟
رد: تكفون ياأخوان الغربه الصدر ضايق (لاحول ولا قوة الا بالله )(ان لله وان اليه راجعون
اصلا بيني وبينكم حتى لو في سعودين وشفتهم مثلا في مطعم او محل او في شارع مو معقول افرض نفسي فرض على الناس واجي اقول لو سمحتوا ابغى نسير اصحاب ههههههههههههههه
طيب يمكن هما ما يبغوا يصاحبوا احد ؟
رد: تكفون ياأخوان الغربه الصدر ضايق (لاحول ولا قوة الا بالله )(ان لله وان اليه راجعون
الله لايلوم الي يلومك... مع اني متزوج وجاي الحالي... ماتتصور كيف الهم والحزن ،وعادي الرجل يبكي بينه وبين نفسه... والغربه فرصه لاعادة الحسابات وتصحيح الاخطاء. وانا عن نفسي اذا ضاق صدري ازور هالرابط... مدري ليه؟
YouTube - ‫آذان الشيخ فاروق الحضراوي‬‎
رد: تكفون ياأخوان الغربه الصدر ضايق (لاحول ولا قوة الا بالله )(ان لله وان اليه راجعون
ربييشرح صدرك اخي الكريم هذا كله من الشيطان كل ماحسيت بضيق اقعد اذكر الله كرر ياحي ياقيوم برحمتك استغيث كرر لاحول ولاقوة الا بالله وصدقني عن تجربه بتحس براحه في صدرك واذا موعاجبتك المدينه ممكن تنقل لمدينه ثانيه يارب تعدي السنين على خير وترجع لاهلك وانت مرفوع الراس