السلام عليكم ورحمة الله وبركاته
سؤالي واضح من العنوان واتمني ان احد يرد من واقع تجربتة
انا قدمت علي قبول ماستر بتاريخ 21\12\2010
والي الان مااردو
هل ممكن يأخذ القبول اكثر من شهرين
وايش اقدر اسوي عشان استعجلهم بالقبول
ولكم جزيل الشكر
عرض للطباعة
السلام عليكم ورحمة الله وبركاته
سؤالي واضح من العنوان واتمني ان احد يرد من واقع تجربتة
انا قدمت علي قبول ماستر بتاريخ 21\12\2010
والي الان مااردو
هل ممكن يأخذ القبول اكثر من شهرين
وايش اقدر اسوي عشان استعجلهم بالقبول
ولكم جزيل الشكر
المعروف انه ياخذ شهر الى شهرين كا حد اقصى
والافضل بعد شهر من التقديم المراجعه معهم على قبولك
انتي مقدمتها في اخر ديسمبر ومع الاجازه يعني ماراح يتخذون اجراءات القبول الا مع بدايه دراسه في جينوري
ومالنا اسبوعين من بدينا واحسبي
تحياتي
على حسب الجامعة
أنا قدمت على جامعتين مع بعض kent و southampton ماستر طبعاً
كنت جاني القبول فيها بعد 3 أو 4 أيام (طبعاً في موقعهم من تتبع الطلب أما الرسالة الله يخلف مع البريد السعودي)
أما ساوثهامبتون ماجاني شي للآن علماً إني مقدم في نوفمبر
مشكور عزيزي غريب بموطن الازهار
طمنتني يعني لسا باقي اسبوعين
وبعدها ابدأ اقلق
مشكور بلاك نايت انا قدمت علي برمنجهام شكلها جامعة راعية طويله مثل ساوثمبتون
ان شاءالله يجيني القبول بسرعه
والله يوفقنا اجمعين
على حسب الجامعه وعلى حسب المندوب( الايجينت) وكمان على حسب التقديم على online
الله يوفقك ويسهل امورك
انا قدمت عن طريق مكتب ليش المكاتب يفرق عن اون لاين
الاسبوع اللي فات قال انه الجامعة اعطتة الجرين لاين
واليوم طلب اوراقي الرسميه شهادتي المترجمه والعربي
ولما قلت ليش لسا انت مارسلت الاوراق
قال العمل جاري ع القبول
مادري هل هو صادق والا يضحك علي بحكم ان ماعندي خبره
رجائي انكم تساعدوني وانا عارفه انكم مارح تبخلون علي بمعلومه تفيدني
وانا بانتظار ردودكم
يا اختي ترى كثير من المكاتب نصابة بشكل كبير فاحذري
فيه مكتب اسمه لانقوا في العليا تراه نصاب وبقوة
جامعه بيرمنجهام قدمت عليها السنه اللي فاتت وجاني قبول في خلال شهر واسبوع تقريبا وماكان فيه اجازه كرسمس مثلك ..
بس اسمحي لي اقولك انك لو قدمتي انتي بنقسك اون لاين على الجامعه كان اسهل وافضل وكل شي .. والعمليه أسهل ماتكون/ تحميل ملفاتك على السكانر وتحويلها لصيغه PDF ورفعها على موقع الجامعه بالاضافه الى معلومات التسجيل الاخرى وانتهت العمليه ..
وانا لي تجربه مع المكاتب .. ارسلت لهم اوراقي على اساس ماني فاضيه اسجل بنفسي بحكم عملي وارتباطي الا بهذلوني واتعبوني وضيعوا وقتي زياده عن اللزوم وابشرك بياخذون مني الفين ؟ لو بيجبون لي قبول من اكسفورد ؟؟ الواحد ممكن يقبل هالمكاتب تجيب له قبول بسعر مرتفع لانه ما يعرف ان عمليه التسجيل سهله جدا خاصه اللي عندهم لغه .. والله لو اني فاضيه كان فتحت خدمه تسجيل للي يبون قبول وببلاش !
وبعدين ياقلبي ايش الجرين لاين؟ مايحتاج الامر جرين لاين ولا رد لاين .. وبعدين توه يرسل الملفات .. متاخر مرره متى يلحقون يطلعون عليها ويقررون ويصدرون لك الاوفر ؟ احس انه يتفلسف زياده ..
وانا اليوم جتني رساله من جامعه بيرمنجهام ان ممثله الجامعه راح تجي في الرياض عشان تقدم استشاره للمتقدمين وتجاوب على اي اسئله .. لو فاضيه روحي لهم حتى لانها مفتوحه للكل
في يوم الجمعه 28 ينياير من الساعه 11 الى الساعه 13 ومن الساعه 15 الى الساعه 17
في فندق ماريوت على شارع المعذر في الرياض .
بالتوفيق
والله انا من قال جرين لاين اوجعني قلبي بس قلت انا وش يعرفني يمكن لهم عميل اوشي زي كذا
ماقدمت بنفسي اول والحين اتوهقت معاهم وخصوصا اني كنت مستعجله والحين اتورطت لاني اللي قدمت بنفسي وضبيت قروشي ولا هم اللي خلصوا اموري
الله يستر بس
وجزاكم الله كل خير لتفاعلكم وسرعة ردودكم
ماقصرتو مشكوريين