يااهل الLINGUISTIC وش الفرق بين اللغويات النظره والتطبيقيه؟

مرحبا يااخواني و يااخواتي
ابي استفسر عن الماستر في اللغويات ..؟
اولا: وش الفرق بين اللغويات النظريه واللغويات التطبيقيه ؟؟
انا ادور تخصص حلو للماستر
ونصحوني بEnglish langauge Teaching and Applied Linguistic
وش رايكم بهذا التخصص ؟؟
يقولون لي شوفي البرنامج .. انا مو فاهمه كيف ..؟:wallbash:
ثانيا: ايش الجامعات الممتازه لهذا التخصص ؟؟
بليز ساعدوني

من خلال اطلاعي الطويل خخخخخخخخ ماحولك احد
كيف تطلعين ع البرنامج :عن طريق موقع الجامعه اللي ناويه تقدمين عليها بعدين ادخلي ع القسم اتوقع تخصصك يكون تحت التربيه education
وفيه جامعات حاطته تحت العلوم الانسانيه art & huminities
شوفي المواد وطريقة التقييم ودرجة الايلتس المطلوبه ونظام الدراسه اذا بحوث او مقرارت
والاخوة رح يفيدوك بمعلومات اكثر
وبالتوفيق للجميع

اللغويات النظريه تعني بالجانب النظري من اللغويات ولها فروع أساسية واللي هي علم الاصوات وعلم الصوتيات والنحو والصرف وعلم المعاني والبعض يضم برجامتيه اللغه تحت مظله علم المعاني على اساس كلهم يبحثون عن معنى الكلام .

يعني لو بتتخصصين في اللغويات النظريه راح تدرسين كل الفروع السابق ذكرها او تتخصصين في مسار معين منهم

اللغويات التطبيقيه تعنى بالجانب التطبيقي في علم اللغة ولها مجالات متعدده من ضمنها تدريس اللغة وعلم اللغة الجنائي وعلم اللغة الاجتماعي .. الخ

الآن اصبح مسمى اللغويات التطبيقية مقترن بتدريس اللغة فهو ممكن يكون مسمى يشير الى تدريس اللغه او مسمى يشير الى العلم نفسه كاساس تتفرع منه العلوم التطبيقيه الأخرى

واذا بتخصصين لغويات تطبيقيه يعني راح تدرسين عن تدريس اللغة وممكن تتدرسين علم اللغة الاجتماعي وبعض العلوم الاخرى .

الافضل؟

انا اتوقع الافضل هو اللي يكون أقرب لك وراغبته وحابته وحاسه بتبدعين فيه ... اتوقع ان اللغويات التطبيقيه اسهل ومطلوب في سوق العمل

اما اللغويات النظريه احد مجالات العمل فيها هو العمل كمحاضرمثلا في الجامعات ..

انا عن نفسي احب اللغويات النظريه مع اني أشوف انها أصعب لكن زي قلت لك يعتمد عليك ورغبتك..


التخصص اللي ذكرتيه كويس

وشوفي البرنامج ؟ مقصود فيها ادخلي على الجامعه اللي تبين تنضمين اليها وشوفي توصيف برنامج الماستر على الموقع الخاص فيهم ..


الجامعات الممتازه ؟ كثيره فيه بيرمنجهام ومانشستر وليدز وبريستول وليفربول وادنبره وغيرها

انا انصحك بجامعه لها سمعتها عشان هذا راح يفيدك بعدين ووممكن تشوفين ترتيب الجامعه في التقييم الخاص في الجامعات البريطانيه


بالتوفيق

يعطيك العافيه اختي شماليه ,, بس ايش تخصصك .. ؟
اختي ( طموح معيده ) اشكرك على ردك ونصيحتك لكن حتى ترتيب الجامعات في التقييم مااعرف اطلعه ,,
انا مدرسه وش رايك الانسب لي ..؟
الى الان مافهمت بالضبط الفرق بينهم
وكيف اعرف طريقة المواد وطريقة التقييم ودرجة الايلتس المطلوبه ونظام الدراسه اذا بحوث او مقرارات؟؟
انا ابي taught courses اتوقع انه افضل من من بحوث ؟؟
او انهم يدمجون المقرارت والبحوث مع بعض ؟؟
وممكن اعرف انتي ايش تخصصك ؟؟

عن طريق موقع الجامعة الي تبين تدرسين فيها تدخلين عالكورس وتقرين عنه وبما انك مدرسة انقلش الموضوع حيكون سهل عليك ان شاء الله !!

طيب انت وش تخصصك بالباتشلور !!

انا درست ابلايد لنقوسكتس لو عندك اي استفسار عنه تحديدا ماراح اقصر معاك ان شاء الله

اهلا بالجميع
اولا حاب اشكر من طرح الموضوع للاستفاده
ثانيا أختي طموح معيده هل افهم من كلامك انه من يتخصص في النظريات التطبيقيه تكون فرصته في العمل كمحاضر في الجامعات ضئيل جدا لانه انا رغبتي لغويات تطبيقيه وفي نفس الوقت احب العمل الجامعي

اقتباس:

---

يعطيك العافيه اختي شماليه ,, بس ايش تخصصك .. ؟
اختي ( طموح معيده ) اشكرك على ردك ونصيحتك لكن حتى ترتيب الجامعات في التقييم مااعرف اطلعه ,,
انا مدرسه وش رايك الانسب لي ..؟
الى الان مافهمت بالضبط الفرق بينهم
وكيف اعرف طريقة المواد وطريقة التقييم ودرجة الايلتس المطلوبه ونظام الدراسه اذا بحوث او مقرارات؟؟
انا ابي taught courses اتوقع انه افضل من من بحوث ؟؟
او انهم يدمجون المقرارت والبحوث مع بعض ؟؟
وممكن اعرف انتي ايش تخصصك ؟؟

---

بما انك مدرسة فأكيد الافضل لك اللغويات التطبيقيه والتخصص اللذي ذكرتيه وممكن بعدين تدرسين تيسول يكون أنسب لك .. TESOL


وبالنسبه للتقيم شوفي هالرابط

University League Table 2011 : The Complete University Guide


بالنسبه للمعلومات عن برنامج الماستر اللي بتدرسينه ممكن تدخلين على موقع الجامعه وتقرين عنه ..

وبعطيك رابط مرره حلووو ممكن يساعدك .. هو محرك بحث للبرنامج الماستر ..

Search courses and research: Postgraduate Courses, Masters, MA, MSc, MBA, MPhil, PhD, PGCE, TEFL | Prospects.ac.uk

اكتبي في Keywords
اسم التخصص اللي تبينه ( applied linguistics or TESOL for example )
بعدين اضغطي على Full time

وبعدين اضغطي على بحث .. راح تطلع لك كل الجامعات اللي فيها هالتخصص في الماستر بعدين اضغطي على اسم الجامعه وشوفي المتطلبات من اختبار ايلتس وغيره ووصف للبرنامج بعدين اضغطي كمان على رابط الجامعه في نفس الصفحه وراح ياخذك لموقع الجامعه نفسه .. اسهل شي...

Taught courses مفيده لان المعتمده على البحث تتطلب تكونين ملمه بالتخصص من قبل مثلا يكون تخصصك في البكالريوس ترجمه او لغويات تطبيقيه وتبين على طول تدخلين بحث ..

فانتي خذي Taught courses راح تاخذين كورسات تفيدك أحسن من البحث بكثير وفي آخر السنه راح تسوين بحث في فتره اربع شهور ..


وانا تخصصي في البكالريوس أنجلش وحابه اتخصص ترجمه ان شاء الله ..

بالتوفيق

اقتباس:

---

هلا بالجميع
اولا حاب اشكر من طرح الموضوع للاستفاده
ثانيا أختي طموح معيده هل افهم من كلامك انه من يتخصص في النظريات التطبيقيه تكون فرصته في العمل كمحاضر في الجامعات ضئيل جدا لانه انا رغبتي لغويات تطبيقيه وفي نفس الوقت احب العمل الجامعي

---

مرحبا .. لا بالعكس ماقلت كذا... اللغويات التطبيقيه مطلوبة وانا في البدايه لما حبيت اختار تخصصي تواصلت مع اساتذه كثير في جامعات قريبة مني والاغلب نصحوني باللغويات التطبيقيه .. فلا تتردد وتوكل على الله ..

طموح معيده ... شكرا جزيلا بالفعل الموقع وضح لي اشياء كثيره كانت غامضه عندي ..
جزيتي خيرا ..

اختي LADY MACBETH انا تخصصي بالباتشلور ادب انجليزي ,, ومشكـــــــــــــــــــوره ياقلبي لكن
الحين انا ناويه اكمل انشاء الله الماستر ,, بس ان شاء الله اختار التخصص المطلوب ...
وش رايك انتي ؟؟
وايش تخصصك في APPLIED LINGuistic ?

وش رايكم في ESSEX في اللغويات ؟؟ وهل صحيح موقوفه؟؟ مع العلم جايني قبول لعام 2012 ؟؟ ومو انا المبتعث انا مرافقه
لكن بنفس الوقت مقدمه طلب للاعاده وبتخصص لغويات .. بس السؤال اقدر ادرس في ESSEX وهي موقوفه ولا لا؟ انا بدرس مع زوجي الموظف المبتعث مو انا المبتعثه..