عرض للطباعة
السلام عليكم
اتمنى من له سابق تجربة وفكرة عن تجديد التاشيرة من بريطانيا افادتي والاخواة مستقبلا حيث اني سوف اغير تاشيرتي خلال هذه الايام ومحتار بين شيلفد كارديف او ليفربول وهل يطلبون اوراق من الكلية السابقة كا اخلاء طرف او حضور.
طبعا ما عندي وقت ارجع للسعودية, وما زال لدي مدة بالتاشيرة الحالية 4 اشهر.
هلا والله انا اشوف كلهم نفس بعض انا جددت مرتين من بريطانيا وكلهم من مكتب ايست كرويدن في لندن ولي زملاء غيروا من ليفربول ومن كاردف الفرق الوحيد ان خويي اللي في كاردف تأخرت فيزته حول خمس ايام وانا وبقية اخوياي وصلت الى البيت خلال يومين طبعا هم يقولوا لك 7 ايام عمل وتوصلك ودائما توصل قبل هذه المده وكلهم نفس الطلبات
قدمنا قبول الجامعة وهو عباره عن ورقه الكاس نمبر + كشف حساب لاخر 3 اشهر اصل ويكون فيه العنوان حقك+ صورتين شخصية + شهادة تسجيل الشرطة بالعنوان الصحيح اصل +الجواز + تعريف من الملحقية ويكون يغطي مدة الكورس كامله اصل + شهاداتك كما هو مكتوب في الكاس نمبر اللاصل يعني لو مكتوب في الكاس نمبر انهم قبولك على اساس عندك بكالورويس وايلتس لازم تجيب معاك شهادة البكالوريوس الاصل وشهادة الايلتس الاصل + تعبئة الابليكيشن وتطبعه من موقعهم
يعني زي ماهو مكتوب بالكاس نمبر
ومايطلبوا حضور ولا شيء بس مدري عنهم لانهم ربطوا بين الهوم اوفيس والمعاهد والجامعات فهو يدخل ويشيك بالكاس نمبر اون لاين ويتأكد من جامعتك ويعرف كل شيء اون لاين
بس احنا ماطلبوا علينا وفيزتهم هنا يعطوك كارد زي بطاقه الصراف ومايأخذوا ولا ورقه منك بعد ماتخلص تأخذ كل اوراقك من جواز وغيره
طبعا فيه اشياء زياده لو انت معاك جوازينوكلهم فيهم فيزا بريطاينه لازم تجيبهم
هذا كل اللي اعرفه
ماقصرت سليمان ومشكور
هل هم ملتزمين بالموعد وكم فترة التقديم واخلص اقل من ساعه اكون طلعت منهم لاني بروح بتاكسي وما ابي يزعجني اقوله انتظر ساعه او اقل ؟
in glasgow
it takes more than 2 hours
but in other city i don;t know to be honest
good luck with your visa
it's easy don't worry
هلا مشعل 1
كيف هم ملتزمين بالموعد سؤالك مبهم شوي انت تختار الموعد يطلع معاك بالموقع يقول لك تجي مثلا 10 موعدك ويقول لك تدخل قبلها بنصف ساعة
بالنسبة اذا دخلت الى مكتبهم حسب الزحمه ماحد يقدر يحكم يعني تعتمد كم واحد معاك انا مره دخلت من 11 وطلعت الساعة 1 لانك راح تمر بتدقيق اوراق مبدئي ثم دفع الرسوم 628 ثم بعدها تسجيل للبصامات ثم تنتظر وتروح تبصم وهذه اخذت مني حول ساعة لانه كان زحمه شوي وبعدها المعالجة الاخيره وتقريبا نصف ساعه
تقريبا ساعتين او 3 ساعات بالتقريب وقلت لك ماحد يقدر يحكم يمكن تخلص في ساعة وحده ويمكن اكثر
بالتوفيق
مشكور اخ سليمان وضحت
مشكورة انوثة
استنتجت اني احجز على اول موعد 9:30 عشان اخلص قبل الزحمة .
تعرف فكرة سائق التكسي طفش اخاف اقوله ساعه اذا تعدت دقيقه قعد يصيح ويتصل علي . بقوله ينام لين اطلع هههه. من ساعتين الى ثلاث ساعات . تجارب اخرى اذا امكن من الاخوة ..
up ,,,,,,,,,,,,,,,,,,,,,,,,
اقتباس:
المشاركة الأصلية كتبت بواسطة مشعل1
تكسي !!!!!
انت عندك ضرف خاص يعني او معاك عائلة ...؟؟؟؟!!!!
ليش ماهو القطار حتى توصل الى المدينه اللي تبي تجدد فيها وبعدها تكسي او باص الى مكتب الهوم اوفيس وخلي التكسي يروح بطريقه
ولما تخلص من مكتب الاستقبال يوجد خدمه طلب تكسي ويجيك ويوصل الى محطة القطار وتروح مدينتك
مو كذا احسن من ان التكســي ينتظرك .....!!!!!!
دفعني الفضول لمعرفة السبب ؟؟؟؟؟؟!!!!!!!!
مقبول فضولك ههه
احسبها
160 ذهابا *160عودة =320 تقريبا .
لكن ذهاب وعودة بنفس التكسي 200 تقريبا وانتظار ساعه بالكثير 20 باوند :plane: لانه في اسوى الاحوال بيرجع فاضي ... بنام بالمرتبة الى بالخلف لوحدي,,
سليمان تعرف التنقل من مترو وتاكسي يضيع وقت
التكسي بهدف واقل مضيعة للوقت اذا كان موعد محدد .
اقتباس:
المشاركة الأصلية كتبت بواسطة مشعل1
الله يوفقك بصراحه كن افكر ان القطار ارخص بس انت اكيد ادرى بمصلحتك وبالتوفيق ياااارب