فيزا حدها ثلاث شهور بحب الخشوم شنهو الحل معاهم

تحية وتقدير :
اخواني بالمختصر المفيد زوجتي قدمت على ابتعاث من طريق العمل حقها وعطوها الموافقه بعد ماجابت الاوراق من جامعة بانجور في مقاطعة ويلز( طبعا نظام ابتعاث حكومي يخضع لنظام التعليم العالي بكل مافيه من راتب وشروط) وكان شرطهم للموافقة على دراستها للماستر ومدته 12شهرا ان تحصل على درجة 6.5 ايلز وماقدرت تجيبها بالسعوديه فاشترطوا ان تدرس لغة انجليزيه 3 شهور بالجامعه قبل الماستر ويكون قبولهم لها مشروط بتخطي الثلاث شهور وعندما طلبنا منهم كاس للفيزا ارسلوا لنا فقط 3 شهور وهي مدة الانجليزي ولم تشمل مدة الماستر فمن خلال التفاهم معاهم اخبرونا ان هاذه اجراءاتهم المتعارفه وفي خلال تجاوزها لل3 شهور لغة سيتم منحها الموافقة على دراسة الماستر
اريد ان اعرف هل يجب ان نعود للسعوديه من جديد لعمل فيزا جديده بعد الثلاث شهور سمعنا انه في طريقة بالذهاب الى ليفربول واستخراج الفيزا هل هذا صحيح وللمعلوميه ان الفرق بين اللغة والتسجيل في الماستر فقط 4 ايام
ارشدونا الله يجزاكم الجنه
شرايكم بالإختصار قصدي اسف على الاطاله

هل ارسلوا لكم كاس نمبر؟

في حاله انهم ارسلوا كاسنمبر لتاشيرة طالب عام وليس طالب زيارة فيمكنكم التقدم بطلب تاشيرة من بريطانيا
وطالما انها جامعة فيمكنكم بداية الدراسة والتقدم للتاشيرة وهناك عدة مكاتب لادارة الهجرة في عدة مدن

الأمر سهل ..

بعد انتهاء فترة اللغة واجتياز الشرط المحدد .. التقديم على الفيزا الجديدة من بريطانيا بورقة القبول لدراسة الماستر ..

وفقكم الله ..

شكرا ابوساري1 و افق حالم طمنتوني شوي بس عندي ا ستفسارشنو نوع الفيزا الي اقدم عليها انا المرافق في السفارة البريطانيه بالسعوديه ,زوجتي المبتعثه اكيد فيزة طالب وانا المرافق هل هي فور تير او ديبندد وبعدين شلون موضوع
رسوم اللغة 3000 باوند هل احنا ندفعها وبعدين الملحقية تعطينا فلوسها ولا القنصلية بيدفعون لهم بمعنى هل نطالب بسداد المبلغ قبل الدراسة للكورس الانجليزي ولا هناك تصرف اخر محنا فاهمينه

فيزا Student Tier4

والله ياخوك حسب ما اعرف ويمكن صح او خطا ان الطالب ما يستطيع يجيب اهله اذا فيزته اقل من 6 اشهر اذا كان الوضع كذا خل زوجتك تقدم على الفيزا وانت قدم على فيزا سياحيه واذا حصلت على قبول الماستر هي ممكن تجددها من بريطانيا وانت الله يعينك ترجع السعوديه وتقدم من هناك على فيزا مرافق وان شاء الله 3 ايام وتصدر يمكن يمديك تقدم على فيزا مرافق من بريطانيا بس والله ما عندي خبر بس لو تدق على الهوم اوفس بيدونك العلم الصحيح

ما عندك مشكله اذا كان الفرق بين الدراسه 4 ايام لانها يدونك اكثر من 3 اشهر ودام انها بنفس الموسسه التعليميه ماهي مشكله

بالنسبه للرسوم الملحقيه تدفعها لم تفتح ملف اطلب ضمان مالي وقدمه للجامعه وهم يتواصلون مباشره مع السبونسر اللي هو الملحقيه الثقافيه والملحقيه ما تدفع لك لكن فهم الجامعه اانك سبونسر ستودينت خذ من مرجع عملك ضمان مالي وقدمه لهم

والله يوفقك وتوصل بالسلامه