ارجوا من الله ثم من القادر على المساعده الدخول مهم جدا

:)السلام عليكم ورحمة الله وبركاته انا طالب وأرغب ان احسن لغتي الضعيفه :p وانا استفسر عن المعاهد مضمونة النتيجه وصراحة انا ابستغل وقت اجازتي الجميله والمفضله واجل سفراتنا :( ولذالك أرغب ان لا اندم اني تركت الاجازه ووضعتها بتعلم اللغه وعلما اني عندي العزيمه والرغبه الشديده لتعلم ونصحني واحد من سماسرة المعاهد الخارجيه والله اعلم بان ادخل هذا المعهد st Giles international brighton وهو يوجد في برايتون في بريطانيا
علماااااا ان المدة 3 اشهر فقط
والي سبق وجرب معهد هذا او غيره ولغته ضعيفه مثلي بس يقدر يدبر نفسه ياعني بالاكل والطلبات واستفاد يكتب المعهد
مع الولايه واخر سؤال الي هو هل بريطانيا المكان المناسب علما اني لافرق بين الكنتين وهل يجب علي معرفة الفرق وعلما ان النطق واحد وهذا الي مريحني وتقريبا لغتي كلها امريكيه مع لاتيني حق المصطلحات :p

وانا صراحه افضل السكن مع عائله الي يعرف مكتب بالمنطقه الوسطى راح عن طريقه ومضمون بالرياض.القصيم محترم وتكلفه معاه وشكرااا :) :)الميزانيه اقل من50 الف :)

انت طالب في اي مرحلة ؟

انا طالب جامعي عمري يكمل 21 في شهر 9 هجري

هل هدفك هو تعلم اللغة فقط يعني تبي تروح تدرس فعلا ولا تبي تقضيها دراسة وتمشي مع المعذرة

اذا هدفك اللغة فعلا ابعد عن برايتون والمدن الكبيرة تروح اماكن الترفيه فيها قليل جدا يعني مكان الساعة ٧ مساء مافي مخلوق بالشارع تقريبا

فتلاقي نفسك ما عندك غير دراستك وتقابل العائلة تسولف بالاضافة لوسائل تطوير التعليم الاخرى

تسمع اذاعات اجنبية BBC وتشاهد افلام غير مترجمة تحفظ كلمات تقرا كتب بصوت مسموع لك وهكذا

صباح الخير يالغالي وجمعة مباركة..
راح اعطيك تجربتي في جلب قبول لغة وان شاء الله انها تفيدك..
انا قررت ادرس في الصيف القادم لتطوير لغتي الانجليزية في البداية بديت ابحث عن الدولة المناسبة لتعليم اللغة ووجدت 3 دول هي بريطانيا وامريكا وجنوب اففريقيا..طبعا انا بصراحة كنت حاب ادرس في كيب تاون بجنوب افريقيا وذلك لقوة المعاهد هناك وجمال المدينة ورخصها وراسلت المعهد بنفسي وارسلوا لي الفاتورة ولكن للاسف رفضوا اخواني بسبب عدم وجود الامان وفي ناس اعرفهم قضوا شهر العسل هناك والمدينة امنة ولكن حكم القوي على الضعيف ..
طبعا بقى عندي بريطانيا وامريكا انا استبعدت امريكا لبعدها حيث اني راح ادرس لمدة 3 شهور فقررت ادرس ببريطانيا لقربها ..
طبعا اول شىء سويته دخلت وبديت اقرا عن المدن البريطانية ولقيت افضل المعاهد موجودة في الجنوب مع بعض المعاهد في الشمال وبديت اسأل اللي حولي وبديت ادخل المنتديات واقرا عن افضل المعاهد الى ما قررت على معهدين واحد في الشمال بمدينة يورك والاخر في الجنوب بمدينة اكستر..
وراسلت المعهدين وفي اليوم التالي ردوا علي وارسلوا لي اختبار لتحديد مستواي وبعدها بيومين جاني منهم قبول وارسلوا لي الفاتورة طبعا نقدر نقولك اسعارهم نفس الشىء بس انا قررت ادرس في معهد اكستر اكاديمي في الجنوب وذلك لسببين السبب الاول لان المعهد لايقبل من هم مبتدئين والسبب الثاني لصغر المدينة وهدوئها والحين انا جالس انتظر اوراق القبول تجيني على البريد لكي اكمل اوراق الفيزا واخلص اموري..
ادري اني طولت عليك والرد طويل بس حبيت ابين لك بعض النقاط:
1.دائما في الاخير خل القرار لك ..يعني انت من يقرر في اي مدينة واي معهد تدرس و نصائح الناس هي اراء تفيدك ولكن رايك هو من يجعلك تتاخذ القرار.
2.اذا اخترت المعهد خذ معلومات عن المدينة اللي راح تدرس فيهاواجوائها.
3.صدقني والله القبول في بريطانيا لا يحتاج مكتب ولا اي شخص ياخذ عليك مقابل انت بنفسك تستطيع تخلص امورك.
4.لاحظ انا ما تكلمت ولا فكرت ففي لندن للغلاء.
5.انا ادري يمكن جتك رسائل خاصة من بعض الاعضاء الحين ونصحيتي لكن لا تلتفت لها وانت تقدر تجيب لنفسك قبول.

انا راح اعطيك اسماء بعض المعاهد التي ارى انها جيدة بعد اطلاعي عليها ولكن قد اكون اصبت وقد اكون اخطأت:
معهد اكستر اكاديمي ولكن لا يقبل من هم مبتدئين في اللغة , معهد قلوب في الجنوب بمدينة اكستر والبعض يمدحة والبعض الاخر لا ولكن في منتدى ملتقى اكستر مدحوا لي هذا المعهد للي لغتهم مبتدئة وفي الاول والاخير اللغة تعتمد عليك انت , معهد EC في برايتون وهو معهد عالمي وله فروع عدة والمدينة جميلة ويمدحونها في الصيف ويكثر بها السائحون من جميع دول العالم يعني تقدر تقول سياحة ودراسة , معهد english in york تقع في الشمال يمدحون المعهد وقوة دراسته ولكن يقولون ان السعوديين فيه كثير وانا راسلت المعهد بهذا الخصوص وعدد الطلاب وردوا علي رد حلو وقالوا لي ان هم حريصون على ان الطالب لا بد يتعلم اللغة والشىء الثاني اللي لازم اعرفه ان اللغة المستخدمة في المعهد الانجليزية فقط ولا يسمح للطلاب الكلام بغير الانجليزية واضافوا لي انهم دائما يخلطون في جنسيات الطلاب بالكلاس الواحد يعني مش ممكن تلقى كل اللي في الكلاس معك سعوديين.
هذه المعاهد اشوف انها حلوة وفي الاخير الراي يعود لك..

وصدقني انا جبت لنفسي قبول لغة ولا احد ساعدني وكنت احسب الموضوع صعب وبخصوص اسعار المعاهد موجودة في موقعهم الرسمي وانا الدراسة كلفتني مع السكن في غرفة خاصة مع عائلة ودراسة مكثفة في اكستر اكاديمي بالضبط 4115 باوند يعني تقريبا 25100 ريال لمدة 3 شهور..

ادري اني طولت وكلامي كثير بس حبيت ابين لك وش صار معي وبالتوفيق يالغالي واي مساعدة احنا حاضرين ..

ـحيات انسان عادي

صراحه يالغالي انا ابحث عن المعهد الزين وانا من الحين اقولكم 90% تعلم 10% ترفيه القليل ولا جاي في بالي اصلن بس الواحد يمل ويحتاج الشي هذا وابي احد جرب معهد وهل فيه اجراءات بعد اخراج الجواز والفيزا ايش شروطها انا سمعت فيه فحصوات وتقريبا كل هذا كم يحتاج وقت وشكرا على ردك الراقي ومرورك الكريم

هلا يالغالي..
عندك مدينة اكستر اشوفها حلوة وجميلة وحط في بالك ما فيها اماكن ترفيه الا قليل يعني اللي يبي يتمشى يطلع برى اكستر وبرضوا مدينة يورك ترى حلوه وفي عندك مدينة ساوثامبتون هناك معهدين ساوثامبتون وبي فلونت قالها لي احد الاعضاء الله يوفقه بس بصراحة ما عندي معلومات عن المعهدين..
بس صدقني المعاهد اللي عطيتك اسمائها سابقا تدريسهم ممتاز على حسب اللي درسوا عندهم وفي الاول والاخير الدراسة تعود عليك انت.. يمكن انا ادرس في معهد واتاقلم وانت تدرس في نفس المعهد وما تتأقلم والعكس صحيح..يعني زبدة التعلم في الاخير يعود لك وما دام عندك حماس واصرار صدقني راح تتعلم مهما كان سوء المعهد..
وبالنسبة اللاجراءت واللي مدري وش المطلوب بالضبط ولكن اول ما اخلص اموري ان شاء الله افيدك وبخصوص الوقت اتوقع ما راح يزيد عن اسبوع.

الله يعطيك العافيه هاوي ماقصرت وربي دعيتلك ولا فيه قصور من الي ردو كلكم على راسي واتمنى المزيد من الاراء ابشوف المعاهد الي ذكرتها والله يسر علي ووعلى الجميع

اخواني تم ترشيح معهد( ec languge center(Euro center الي يعرف احد درس فيه وكم عدد العرب وغير كذا والله يوفق من يرد علي يارب

للرفع ماحد يعرف المعهد