عندك واسطة تنظم للبتعاث بدون عنا ..

السلام عليكم ورحمة الله وبركاته

اخواني انا طالب ادرس في بريطانيا لغه بتاريخ 4/4/2011

اي بعد صدور المكرمه وكان املي كبير في المكرمه واثناء تقدمي للملحلقية طلع خلل واحد الجامعه مو معتمده وكلمت المشرف وقلتله

عندي كذا قبول من جامعه اي آمر تدلل اي جامعه تبي بس قول انت المهم ارسلت له قبول الجامعه وفي تاريخ اقصد اخص تاريخ

بحياتي 11/5/2011

اتفاجأ برسالة على البريد الألكتروني وفيها...!!

تاريخ تقديم الطلب 10-05-2011
تاريخ آخر تحديث 11-05-2011
حالة الطلب غير مقبول
المشرف
ملاحظات السلام عليكم ورحمة الله و بركاته الطالب المكرم نود افادتك بانه يتعذر الحاقك بالمكرمة الملكية لان تاريخ بداية الدراسة بالقبول المرفق لاينطبق بشروط الالحاق بالمكرمة الملكية مع التمنيات بالتوفيق

والمشكلة ياخوان ان فيه طلاب سعوديين معي والله في المعهد انظموو للبتعاث والمشكلة الثانية انهم تم دخولهم لبريطانيا بعدي بـ

15 يوم انا والله ماني حاسدهم بالعكس الحين اصدقائي واتنمى لهم الخير بس الىى متىى واحنا نتعامل بالواسطات بكل شي..!!

حتىى لمن جتني رسالة الملحقية النفسية صارت صففففر بس ماقول الا الله يصبرني ويؤفقني ويؤفكم جميعاً.

الله يكون بعونك

يعني ممكن قبولاتهم تبدا في سبتمبر الجاي وانت سبتمبر 2012

حاول تروح للملحقية وتكلم المشرف وحاول تخلص امورك من عنده

من واقع تجربه المشرفين لما ترسل لهم او تكلمهم بالتليفون يصرفونك بحجج من عندهم

هلابك اخوي اخو من طاع الله

لا قبولاتهم مثلي ونفس نظامي الدعوه كلها واسطة..

وبعدين يعني لو اروح الملحقية بتفيدني بشي مثلاُ؟ بعد مارفضو طلبي.

السلام عليكم اخوي والله مايجيك الا اللي مكتوب لك والله الحال من بعضه وانا اخوك بس
زي ماقال اخو من طاع الله روح الملحقية بكرة الجمعة وصل هناك وادع ان هناك ساعة يوم الجمعه
من دعى الله فيها استجاب له

ضاقت فلما استحكمت حلقاتها فرجت وكنت اظنها لاتفرج

توكل على الله وصدقني اللي ألحق غيرك بيلحقك وانا والله مثلك ننتظرالالحاق والله يفرجها أنشاءالله لاواسطتي ولاوسطتك

ولك مني الاحترام والتقدير

ان شاءالله اخوي prince ننلتحق جميعاُ وتسلم على كلامك اللي يشرح الصدر والله .

ولاثنيين طالع للمحلقية ان شاءالله .

تحياتي لك يالغلا

سند وانا اخوك ادع اليوم قبل ماتنام ان الله يسهلها لي ولك

ابذكرهنا قصة لواحد من اصحابي في كامبردج جلس يمكن 9 شهور وهو دارس على حسابه ويحلف بالله انه
يوم فتح ملف كان معاه واحد يبي يفتح ملف دارس عل حسابه بعد اربع ايام رجع خويي للملحقية يبي يكمل اوراق نقصت عليه
بالصدفه الا قابل نفس الطالب وسأله هاه ناسي لك اوراق مثلي قال لا انا ابشرك التحقت (الوااااسطة)
وصاحبي جلس 9 شهور وبعدين اتصل علي قال انا جاي للسعودية خلاص مليت وبعد مارجع للسعودية بأسبوعين جاه قرار
الألحاق (قل لن يصيبنا الا ماكتبه الله لنا )


توكل على الرحمن في الأمر كله ولاترغبن في العجز يوما عن الطلب
ألم ترى أن الله قـــــــــال لمريم وهزي اليك الجذع يتساقط الرطـــب
ولوشاءالله ان تجنيه من غيرهزه جنته ولكن (كــل رزق لــه سبــب )

لك التوفيق

الله يفرج عليك وعلى كل مسلم

الله يوفقكك يارب وتتسهل امورك وامور كل الدارسين على حسابهم الخاص

توكل على الله ومن يتوكل على الله فهو حسبه

تأكد وانا اخوك أن رزقك ونصيبك كله بيد الله مب بيد أحد,

اسأل الله ان يعينك, ويفرجها لك قريبا

السلام عليكم ورحمة الله وبركاته الطالب المكرم نود أفادتك بتعذر ألحاقك بالمكرمة الملكية لأن تاريخ الوصول لمقر البعثة وبداية الدراسة بالقبول المرفق لاتنطبق مع شروط الألحاق بالمكرمة .مع التمنيات بالتوفيق
نوع الطلب : طلب ألحاق طالب بعضوية البعثة
حالة الطلب : غير مقبول

جاتني هذي الرسالة اليوم على الايميل ...
اسأل الله ان يسهل بقية الامور وان يتم الالحاق في الايام او الاشهر القادمة

ياشباب وش الحل ألحين ؟؟؟؟؟