فزعتكم يا مبتعثين بريطانيا..كم المدة؟؟؟؟؟
السلام عليكم و رحمة الله و بركاته،
س1- كم المدة لاستخراج الضمان المالي (بريسشنال+ماجستير)من الملحقية؟
س2-كم المدة لاستخراج الكاس نمبر بعد ارسال صورة الضمان المالي للجامعة؟
س3- كم المدة لارسال اوفر للبريسشنال؟
س3- كيف استلم اصل الضمان المالي من الملحقية؟ مع العلم اني متواجدة في السعودية حالياً و سالفة ارسالها بالبريد و تاخذ 15 يوم مهيب داخلة مزاجي ولا راح اثق بكلام الملحقية بأنه هذي هي المدة لو ارسلوها بالبريد العادي.
موعدي مع السفارة الاسبوع القادم.
رد: فزعتكم يا مبتعثين بريطانيا..كم المدة؟؟؟؟؟
وعليكم السلام ورحمه الله وبركاته
الضمان المالي من المحلقية ياخذ يومين وعلى حسب المشرف بس ماتطول
والكاس نمبر على حسب الجامعة او المعهد انا معهد لغة يومين ووصلني والأوفر نفس الشي بعض الجامعات تطول وبعضها لا خلال كم يوم
بالنسبة للضمان المالي عادي تطبعينه ويكفي مايحتاج الأصل بس اذا قصدك الضمان المالي لأستخراج الفيزا تروحين الوزارة وانتي واقفه تاخذينه وتقدمينه بموعدك هذا اللي سويته انا
الضمان المالي للفيزا تاخذينه من الوزارة عادي واذا وصلتي على خير هنا ان شاء الله ترفعين اوراقك للملحقية وتطلبين ضمان مالي للمعهد او الجامعه
انا كلامي واضح احس اني لحست مخك سوري
والله يوفقك يارب
رد: فزعتكم يا مبتعثين بريطانيا..كم المدة؟؟؟؟؟
والله ايه حاسة اني ضيّعت :s
الضمان المالي لغرض التأشيرة هذا هو نفسه تعريف لغرض التأشيرة؟
ما فهمت هالجزئية..الله يعافيك علّمني وش الاوراق المطلوبة (الاصلية و الكوبي اللي من الايميل) عشان ما اتورّط.
رد: فزعتكم يا مبتعثين بريطانيا..كم المدة؟؟؟؟؟
كم المدة لاستخراج فيزا Tier4؟ يعني اقصى مدة ممكن تكون؟
رد: فزعتكم يا مبتعثين بريطانيا..كم المدة؟؟؟؟؟
سؤالك الاول المفروض ماياخذ وقت لكن هل الجامعة نفس الجامعة اللي قبولك عليها او بتغيرين الجامعة اذا تغير جامعة الله يعينك على الملحقية انا شهر كامل مع العلم اني ارجعهم وكلمت اكثر من مسؤول الخنيزان وهشام و مؤمنه ولا احد خلص موضوعي قالو لازم لجنة .. وضاعت علي سنة بسبب هالشغلة .. لكن بعدها واحد اعرفه سالته قال غيرت التخصص وغيرت الجامعه خلال يوم واحد .. يعني بالمختصر السالفه مزاج
سؤالك الثاني والثالث ماعندي خلفيه
سؤالك بخصوص خطاب تجديد الفيزة تقدرين تاخذينه من الوزارة
رد: فزعتكم يا مبتعثين بريطانيا..كم المدة؟؟؟؟؟
اقتباس:
المشاركة الأصلية كتبت بواسطة اخو من طاع الله
سؤالك الاول المفروض ماياخذ وقت لكن هل الجامعة نفس الجامعة اللي قبولك عليها او بتغيرين الجامعة اذا تغير جامعة الله يعينك على الملحقية انا شهر كامل مع العلم اني ارجعهم وكلمت اكثر من مسؤول الخنيزان وهشام و مؤمنه ولا احد خلص موضوعي قالو لازم لجنة .. وضاعت علي سنة بسبب هالشغلة .. لكن بعدها واحد اعرفه سالته قال غيرت التخصص وغيرت الجامعه خلال يوم واحد .. يعني بالمختصر السالفه مزاج
سؤالك الثاني والثالث ماعندي خلفيه
سؤالك بخصوص خطاب تجديد الفيزة تقدرين تاخذينه من الوزارة
نعم نفس الجامعة و ما غيّرت اي شي فيها
شككككراً
رد: فزعتكم يا مبتعثين بريطانيا..كم المدة؟؟؟؟؟
زي ماقالوا الاخوه الكاس ننمبر يعتمد على الجامعه وبالعاده مايطول ..
بالنسبه للاوفر لو عندك اوفر للماستر من نفس الجامعه اتوقع مايطول وكمان لو ماعندك اوفر بالعاده اسبوع او اسبوعين لكن اتصلي وشيكي عليهم
بالنسبه للضمان المالي مااعرف لكن من الملحقيه بالنسبه لي ماياخذ يوم !
لكن لو تسمحين ممكن اسئل في موضووعك وممكن انتي تعرفين الاجابه
انا برجع في اوجست للسعوديه عشان اجدد الفيزا ودراستي في سبتمبر يعني لازم اكون متواجده في بريطانيا 20 سبتمبر
هل افضل لي ارجع قبل العيد واجدد فيزتي في رمضان او اجددها بعد العيد؟ لاني اخاف يطول استخراج الفيزا او يكون في زحمه بعد العيد .. ايش رايكم ؟ نصيحتكم وتجاربكم في التجديد بعد العيد
رد: فزعتكم يا مبتعثين بريطانيا..كم المدة؟؟؟؟؟
طبعا اسألي الموضوع للكل..اقلطوا و اسألوا و جاوبوا..
رأيي الشخصي..قدمي قبل العيد..لسبب واحد..وهو ان كللللللللللل العالم بتجي في رمضان فرصة يزورون اهلهم و يجددون الفيزا بعد العيد..لان الاغلبية بتبدا دراسة مثلك في سبتمبر..
رد: فزعتكم يا مبتعثين بريطانيا..كم المدة؟؟؟؟؟
الضمان المالي للفيزا هذا تاخذينه من الوزارة مافيه أشكاليه
لكن ان شاء الله اذا وصلتي بريطانيا وبديتي دراسه سواء معهد لغه او على طول مثلا بديتي بالجامعه بالتخصص لازم ترفعين طلب للملحقية او تراجعينهم ماتفرق تقدمين لهم خطاب من جهة الدراسة اللي هو الجامعة او المعهد موضح فيه مدة الدراسة والرسوم يسمونه خطاب قبول وبس الملحقية يعطونك الضمان بالعكس الشغله سهله لا تخافين
الله يوفقك يارب وبالنسبة للأخت اللي تسأل عن التجديد أفضل تجدد بدري وترتاح
رد: فزعتكم يا مبتعثين بريطانيا..كم المدة؟؟؟؟؟
اذا قدمت جوازاتنا انا و المرافقين ل فيزا Tier4..كم يبيلها وقت في السفارة عشان يرجعوها لنا؟؟