لاهل الخبرة هل خطتي تمام ام هناك نصائح ومقترحات ,.,اتقبل بذلك

السلام عليكم ورحمة الله وبركاته ,.,

يا اخوان انا شأشرح لكم قصتي كامله ,.,لعلي اخرج من عندكم بفائدة ,.,

.. انا طالب بقسم الحاسب الالي
طبعا الدراسه عندنا بالانقلش .ونا بالانقلش مستواي ضعيف .

حبيت اوقف ترم بعد العيد ,., واخذ كورس لمدة تترواح بين اربعه اشهور الى خمس شهور حسب استطاعتي ,.,

طبعا قريت بمنتداكم وبمنتديات اخرى عن دراسة اللغه في عدة دول ومنها بريطانيا ,.,

كمبدئي .,
اخترت مدينة بورمث ... واخترت فيها معهد اسمه كابيتل سكوول ..

طبعا اخترت كورس انجليزي عام 20 درس بالاسبوع 15 ساعه .
طبعا تكون الرحله في شهر سبتمبر والعوده تقريبا في شهر يوليو ,.,

هل دراسة اللغه الانجليزي العامه يساعد بدراستي بقسم الحاسب ...؟
وهل اختياري للتوقيت مناسب جدا للدراسه في مدينة بورمث ..؟
كيف تكون الاجواء عاده في شهر سبتمبر الى شهر يوليو ....؟

اذا في اقتراحات او نصائح ارحب بذلك لكي نستفيد منكم...

وفقنا الله لما يحبه ويرضاه

وعليكم السلام والرحمه باهل مكه ووخاصه شباب جرول

اختيار موفق في مدينه بورموث
مافهمت منك =(طبعا اخترت كورس انجليزي عام 20 درس بالاسبوع 15 ساعه )

من شهر سبتمبر الى شهر يوليو تكون الاجواء بارده وثلوج في شهر يناير (بإذن الله)
اللغه تناسب في جميع التخصصات, وتخصص الحاسب يبغالها مصلحات خاصه بالحاسب, زي تخصص الطب, بمعني كل تخصص له مصطلحات خاصة, اما دراسه اللغه تكون عامه للجميع




اذا انت تبغى توقف ترم على شان اللغة,, انا لا أويد
نصيحه يا ولد ام القرى,
استخير قبل ما توقف ترم بالجامعه لان كسب اللغه يبغالها على الاقل ست شهور
وايظا كثير طلاب متخرجين من الجامعات والمعاهد والجامعات الخارجية, وذلك كسب الوظيفة
نصيحتي اذا كان لغتك ضعيفه حاول تقوي اساس اللغه على شان تجي تدرس وتعرف مجموعه من القواعد والكلمات

اتمنى لك التوفيق والنجاح الدائم

يالغالي تقريبا بجلس قرابة خمس شهور ,.,

واللغه عندي مو مرة ضعيفه ,.,

طيب الاجواء على كم تكون درجه الحرارة على ذيك الفترة...؟

انا من راى انك ما تسحب ترم عشان دراسة اللغة لانو راح تروووح سنة من عمرك تبي نصيحتى في كل اجازة خذلك 3 اشهر لغة وتحصل نفسك انتهيت جامعتك على حسب الخطه واكتسبت اللغه ,,,,,,

مشكور اخوي قيصر واخوي kosb2

يالغالي انا بوقف فصل كامل وليس سنه كامل ..
والشي الثاني الدراسه بالجامعه انقلش والاختبارات انقلش والمذاكرة انقلش فرغم ضعفي بالانقلش اخرج بدرجات متدنيه بالمواد
والسوق يتطلب من خريج الحاسب الالمام التام بالانقلش ,.,

انتظر نصائحكم والاقتراحات..

على كلامك في الموضوع انو لغتك ضعيفة, اذا تبغى تتعليم اللغه في بريطانيا على الاقل يكون عندك اساس اللغه وتكون محادثك عالية
الدليل على ذلك يا اخوي ان طلاب مبتعثين يدرسون لغه في بريطانيا اكثر من ست شهور, ما يعرف يحجز فندق او يخاطب شخص بالشارع ودرسو الجامعه ولم يفلحو, حتى الملحقية قالتهم مع السلامة (هذا الكلام قبل سنتان)

ولكن نصيحه اخويه ادرس اللغه في اي مكان اوالعزيزيه مقابل سوق السلام او مكان يعطيك تطوير في لغتك
طبعا هذا رأي الشخصي وليس قرارا
فكر واستخير

اتمنى لك التوفيق والنجاح الدائم

يالغالي انا اللي اتعلمه انساه ,.,
دخلت معهد بيرلتز واللي تعلمته نسيته..
المهم السنة هاذي اشتري سلسله كامله من المبتدئ الى المستوى المتقدم,.,
فوصلت الى صفحه 50 وفهمت المطلوب من الكتاب بس المشكله لازم اطبق اللي اتعلمه تخيل 50 صفحه واللي قريته وفهمته نسيته..
اذا الامر يحتاج الى ممارسه وتطبيق على الواقع ...


انتظر نصائحكم

رماد الشوق .. المهتوي يقطع المستوي شكلك ناوي الروحة بس تبي دعم نفسي .. اللغة على فكرة يبي لها فترة طووويلة .. واذا انت لغتك ضعيفة راح تتعب في بريطانيا .. والشي اللي راح تتعملة هناك ماله فايدة اذا مستواك ضعيف
لأنه نفس القواعد الاساسية اللي ممكن تتعلمها بالسعودية .. رغم ذلك راح تستفيد اكيد .. والمسألة حسب مجهودك الشخصي تقدر تشد على نفسك عشان اللغة وتقدر تاخذ الامور تمشية وتتعلم ببطء وزي ماتجي

بالنسبة لرأيي الشخصي في موضوعك بمى انك طلبت رأينا .. ليش ماتروح بالصيفية ثلاث شهور تكفيك هناك وتشوف تطورك باللغة وبدون ماتوقف دراسة .. اذا عندك النية خلص امورك سريع سريع الحين وشهرين ونص او ثلاثة حلوة تجس تبضك
وتطورك

على كل .. اذا نيتك 5 شهور اقترح عليك نيوزيلاندا راح تكون ارخص عليك بكثير من بريطانيا .. لأن بريطانيا اسعارها صلللللللللللللللخ

الاخ رماد الشوق..

انت مقرر تسافر و تخوض التجربة في الخارج..و هذا قرارك انت الوحيد اللي تاخذه..و بالفعل انت اخذته و لا تبي تتراجع فيه و عن اقتناع تام..واضح من كلامك انك مصر على الذهاب..

اذن لا تطلب نصيحة الاخوان طالما ما عندك استعداد تتقبّلها و تناقش فيها..لأن كلهم اجتمعوا على رأي واحد و هو عدم سفرك و توقيف دراستك عشان تطوّر نفسك (لغويا)..و بصراحة قرار غير منطقي ابداً ولا بيجيب لك الفايدة اللي انت متوقعها..انت ما شاء الله عليك جريء واتخذت قرارك..و قلت لغتك ضعيفة و الزملاء فوق قالوا لك 5 اشهر غير كافية لاكتساب اللغة..بعدين رجعت قلت لغتك جيدة..اذن كمّل جامعتك..

و انا من وجهة نظري انه المعهد بيركز معاك على القواعد و المحادثة..خصوصا العام اللي انت اخترته..و 15 ساعة في الاسبوع قليييييييييييييييل جداً (يعني 3 ساعات في المعهد بس!!!!)..يبغىالك كورس مركّز ابو 25ساعة انجليزي عام في الاسبوع و كل اسبوعين تغيّر الكورس بس بنفس عدد الساعات..و نقول ان شاء الله تكون قادر انك تستفيد شوي من الكورس المكثّف..لان هذا الكورس ما يجيب نتايج بالعادة الا للي خلصوا سنة.

و دراسة الحاسب لا تركز لا على القواعد ولا على المحادثة بشكل مباشر يجعلك تتمسّك بالسفر لهالدرجة و تضيّع وقتك و جامعتك عشان كورس لغة قد يفيدك و قد ما يفيدك.. 5 اشهر يعني تيرمين دراسيين..فترة بسيطة و غير كافية لاكتساب لغة..و غير بسيطة لتضييع وقت من دراستك الجامعية.

خلّص الجامعة و قوّي نفسك في موادك الدراسية عن طريق الدراسة مع مجموعات..اشتغل في شركات في الصيف و خصوصا اللي فيها اجانب و تعلّم منهم اصول الشغل و الحاسب الالي و المحادثة اللي ممكن تستخدمها في دراستك وعملك بعدين.(هذا اذا كنت تبي تركز على انجليزي يفيدك في الحاسب).اغلب اللي تخرّجوا من الحاسب ما كانوا متقنين اللغة بالشكل اللي انت قاعد توصفه..و صدقني كثير من الخريجين بعد التخرج دخلوا دورات لغة و انضموا للبعثة و كملوا ماجستير. بس بعد ما ضمنوا البكالوريوس.

رأيي الشخصي و انا اختك..خلّص دراستك في الجامعة و بعدين كمّل برة على كيفك و اختار الكورس و الشهادة اللي تبيها. كل اللي نصحوك فوق نصحوك عن خبرة..رح الصيف و ادرس في معهد الان و ارجع قبل دراستك..او استفيد من صيفك اكثر و اعمل في شركة للحاسب تفيدك و تفيد نفسك بشكل مباشر عشان دراستك.

موفّق ان شاء الله..واتمنى ما تزعل مني لان رأيي خالف رأيك و خططك..و صدقني انا متفهّمة جدا لرغبتك للسفر لكن اجعل السفر للخارج هو هدف لك عشان تتخرج و تنمّي نفسك و مستقبلك بالطريقة الصحيحة بعد ما تخلّص البكالوريوس. مرة ثانية لا تزعل مني.

ياخوان .. اول شي انا ما طرحت الموضوع الا لكي استفيد منكم واشوف نصائحكم واقتراحاتكم من واقع تجربة لكم,.,

انا فكرت اني اخذ خمس شهور هاذي فكرة مبدئيه لسى الى الحين ما اتخذت القرار ,.,

يا اخوان هيه فيني فيني يا اني اطلع الحين ووقف ترم كامل او اطلع بعد التخرج ,.,

لانه اغلب الشركات الكبرى تريد من طلاب الحاسب الانجليزي ثم الانجليزي ثم الانجليزي على حسب كلام عميد الكلية اللي ذهب الى الشركات واستفسر ...
بقي لي سنتين وراح اتخرج من الجامعه بإذن الله

طبعا انا وصلت نص الخطه الحين.,.

طيب كم من الفترة كاافيه لكي اصبح ملم للغه الانجليزيه ..؟
في ناس قالت لك اربعه اشهر بحد ادنى تكون على المتوسط ...؟

مثل ماقلت لكم احتاج اللغه في دراستي بالجامعه

اتقبل منكم اقتراحاتكم ونصائحكم فأنا لاتوجد لي خلفية عن دراسة اللغه بالخارج تماما ...

يعطيك العافية اخوي هولاكو واختي ليونا ,.,

افدتوني الشي الكثيررر ,.,
وكمان انتظر النصائح والاقتراحات,.,