ارجوا المشورة تراي استخرت وهونت عن البعثة ؟؟؟

شباب كيف الحال مابي اطول عليكم/

بالمختصر ابغى رايكم تتفقون معي ولا ؟

ابي رايكم معي ولا لا ..

انا انضميت للبعثة لدراسة الماستر على طريقتي الخاصة :tongue2: وجاني القبول وقرار الانضمام للبعثة وانا هنا بالرياض وشغال في وظيفة حكومية واتصلوا فيني عشان اخلص اوراقي وخلال شهرين من اليوم لازم اكون هناك .

طبعاً الدولة بريطانيا وتحديداً ويست لندن ، وكنت صراحة متخوف منها بسبب غلائها الشديد وانا معي زوجتي يعني ان طلعت لازم اخذها معي .

وإن رحت هناك ابعيش فقط على المكافأة يعني ما فيه شي ثاني محوشه للروحة وفي نفس الوقت مابي مصادر للمساعدة تجيني من برا - مع ان الاهل ما يقصرون -

قلت في نفسي خل امشي في الموضوع واتابعه شوي ، ورحت للإدارة اللي شغال فيها عشان اشوف ترتيبات الإجازة رفضوا بحجة إنك جديد في الوظيفة ولا يحق لك تاخذ إجازة دراسية ،وما لك إلى إجازة استثنائية وفقط سنتين وبعدها يطوى قيدك لو ما رجعت .

احترت في امري صراحة .. وقعدت اقلبها يمين ويسار وهذي النقاط اللي محيرتني .

- العمل رفض موضوع خروجي من الوزارة وقال يا سنتين تكفيك ولا افصل ، وصراحة في هالزمن اللي يترك وظيفة رسمية على السادسة محاولة انتحار اعدها انا .

- الغلاء اللي هناك في بريطانيا ما شجعني ابد وحطم من معنوياتي في اكمال الموضوع ، خصوصاً ان المكافأة اللي تاخذها ما تكفيك على كلام كثير من اللي راحوا .

هذي مهمة النقطة - انا ساكن انا وزوجتي وطبعاً عندي سيارة شقة واغراض واثاث ، في حالة سفري راح ابيع السيارة ونص عفشي واثاثي واترك الباقي إذا رجعت ،وانتم عارفين الغلاء اللي وصلنا له في الفترة الحالية - طبعاً افكر بعدين اذا رجعت -كيف راح الاقي شقة في ضل ارتفاع الاسعار في الرياض وقلة المعروض ، خصوصاً ان الشقة اللي انا فيها في موقع مميز في الرياض وبسعر معقول ، وكيف اشتري سيارة واكمل آثاث بيتي

- فكرت بعدين اذا خلصت دراستي بإذن الله وتوفقت ورجعت ، راح ابدأ من الصفر واخذ قرض للسيارة واتسلف مبلغ مالي عشان تترتب اموري .

- شاورت اثنين من كبار السن الفاهمين واللي قد درسوا برى ، وكلهم نصحوني بعدم السفر لما فيه من التشتت وصعوبة المعيشة ومخاطرة بترك الوظيفة .
واحد ذكر انه عاش في امريكا بصعوبة ولحاله كيف عاد بتروح لبريطانا انت واهلك .

- المشكلة ان فرص الابتعاث الآن موجودة وبعدين ممكن ما تكون موجودة ، وهذا اللي خلاني اتشجع في الموضوع من بدايته .


++++ اخيراً صليت واستخرت ورأيت اني انتضر كم سنة هنا واحاول اضبط اموري واستقر في شقة ملك او بيت صغير ملك وبعدين افكر اني اروح ادرس هناك بحيث اذا رجعت ولا اموري الحمد لله على احسن ما يكون وما اخاف اخسر شي سواء اكملت الدراسة ولا ما اكملتها وبحيث اخذ اجازة من العمل دراسية مضمونة ولا فيها مخاطرة .

محبكم فهد

الله يوفقك أخ فهد ويقدرلك اخير ف كل مكان يارب...

والله ياخوي كلامك منطقي وعين الغقل

انا جاتني معيديه في كلية الطب في جيزان وتبوك

وتركتها لاني مابي اعليش بغير المدن الثلاث الرئيسية

وللاسف احس بندم خاصة ان الشباب اللي انقبلو واخذو مكاني يمشي لهم راتب وهم الى الان ماداوموا ن 6 شهور وان تم ابتعاثهم راح ياخذون نص الراتب بالاضافة للمكافا وهذا بيساعدهم

لكن الحمدلله

قدر الله وماشاء فعل

انا توني عازب وان شالله يبارك لي الله في الوقت والعنر ونرجع ونلاقي وظيفة حسب كلام وزارة التعليم العالي!!

لكن طبعا كل سنه اضيق واسوا من اللي قبلها من احية الظيفة والمعيشة

اهم شئ اخوي الاستخارة وراحتك النفسية

PiNk ShOrE
شكراً لمرورك ..

dr_farooq
الله يعوضك بأخير منها ان شاء الله ..
وما دمت توك عازب فشكلك ما شاء توك صغير والعمر قدامك مفتوح ، بس لا تنسى انك شباب وجداننا كانوا يسافرون للدول المجاورة والمدن البعيدة عشان يترزقون ويغابون عن اهلهم أشهر وسنين رغم صعوبة المواصلات والاتصالات عشان يطلبون الرزق .
.
ما اقول إلا الله يعوضك بأخير منها ويرزق على قد نيتك ..

اهم شي طاعة الوالدين والاستغفار ، وابشر بالتوفيق من رب العالمين ..

Basma-66

شكراً للمرور ،،، ومن جد الاستخارة اهم شي ..

والراحة النفسية لها دور كبير في حياة الشخص ونجاحه .

دامك استخرت اخوي فالحمدلله على كل حال والخيره فيما اختاره الله تعالى

وبالتوفيق لك وان شاءالله تجيك الفرصه مره ثانيه

طيب حاولت تاجلها لمدة سنه

انا اشوووف انو كلامك صح ..
والواحد ازا كان عنده وظيفة ومرتاح فيها ..
والبعثة ماحتضيفلو شي مهم ..
مو لازم منها

وكل واحد اعرف بنفسه وميوله ..

وازا فيها خير ان شاءالله ربي يكتبلك هية في الوقت الصح
اللي حتكون مرتاح فيه


وبالتوفيق

الشووووق

شكراً لمرورك وتأييدك لرأيي ،،

بخصوص التأجيل ، صراحة ما حاولت وكلام السفارة يقولون لازم تجي وتدرس وبعدين اذا ودك تأجل او تغير عشان كذا شلت الموضوع من مخي لأني لو ابي اطلع عشان أأجل طلعت ودرست من الاساس ..

wala2

مشكور والله ينطيك العافية على هيك كلام ..