محتار بين الدراسة في لندن او لانكستر

السلام عليكم ورحمة الله
عندي قبول من جامعة روهامبتون بلندن وقبول آخر من جامعة لانكستر في لانكستر
إذا كان فيه احد عنده خلفية عن الجامعتين من ناحية
1. الدراسة وتعامل منسوبي الجامعة
2. أسعار السكن ( مبتعث معي عائلتي )
3. مستوى الأمان وطبيعة تعامل الناس
4. المدارس للابناء
شاكرا لكم مقدما ً وجعله الله في موازين أعمالكم

ابو ركان

انا اعرف لندن زين .

لندن شوي غاالية السكن ( غرفتين مطبخ ....)

لندن الباصات دايم زحمة من البشر

الاندر قرواند بعد مرات زحمة في الصباح

تقدر تقول مدينة مزحومة من البشر

من ناحية انا . اشوف لندن ماتصلح للعوائل

وشكر لك

الله يجزاك خير اخوي

اقتباس:

---

المشاركة الأصلية كتبت بواسطة ابو راكان11

السلام عليكم ورحمة الله
عندي قبول من جامعة روهامبتون بلندن وقبول آخر من جامعة لانكستر في لانكستر
إذا كان فيه احد عنده خلفية عن الجامعتين من ناحية
1. الدراسة وتعامل منسوبي الجامعة
ماعندي فكرة للأسف
2. أسعار السكن ( مبتعث معي عائلتي )
اسعار السكن تعتمد على حسب المنطقة اذا انت بتسكن بالسنتر مارح تحصل اقل من 350 متوسط الأسعار من 350 الى 450 باوند بالإسبوع طبعا
3. مستوى الأمان وطبيعة تعامل الناس
اللهم لك الحمد لندن مدينة اّمنة وبالنسبة لتعامل الناس فهم محترمين جداً افهمه فقط هم شعب عنده اسلوب معين في تكوين الصداقات صدقني الشعب البريطاني شعب طيب وخلوق ولا يغرك كلام الناس عن الشعب البريطاني الي فيهم مو غرور ولكن نقدر نقول انه نمط معين في حياتهم لكن اذا ضيعت لاسمح الله او صار لك شي صدقني مايقصرون او اذا سئلتهم عن شي مارح يقصرون اما تدخل معه في علاقة بشكل سريع هذي صعبة شوي حتى الإنجليز بينهم صعب تدخل معهم في علاقات أخوية اما بالنسبة اذا كنت تقصد هل فيه مجال لممارسة اللغة معهم راح اقولك نعم فيه مجال لكن ابعد عن العرب وشوارعهم
4. المدارس للابناء :
مدارس الأبناء الله يخليهم لك فيه اكاديمية الملك فهد تقع في حي East Acton اغلب السعوديين هناك بحكم قرب الحي للأكاديمية
شاكرا لكم مقدما ً وجعله الله في موازين أعمالكم

---

ماسوينا شي واذا بغيت اي خدمة لايردك الا الكيبورد او رقم جوالي اذا تبيه