اخوكم الإماراتي محتار .

السلام عليكم جميعا ..

اخواني واخواتي اعضاء المنتدى ... شكرا لكم دعمكم المستمر لكل الأعضاء حتى لو كانوا من دوله ثانية :o


انا ادرس لغه في معهد كولشيستر .. واحين مقيم مع عائله بالأسم عايله بس ، لانه فيها صاحب البيت فقط وانا .. وهو طول الوقت برع البيت ..

فبعد تفكير وبما إني طول الوقت روحي يالس قلت خلني اتحول واخذ شقه خاصه فيه احسن عشان اكون في حريه اكثر بدون تقيد مع صاحب البيت او لا ..

فأرجو من الي عنده فكره عن مكان ممتاز للإجار بالقرب من المعهد يخبرني ... ولكم جزيل الشكر والأمتنان

اخوكم

وعليكم السلام

شكرا لكم دعمكم المستمر لكل الأعضاء حتى لو كانوا من دوله ثانية :o

لو كان من دولة ثانية وين يعني دولة ثاني يعني دولة الصين او اليابان الله يهديك بس الامارات جيرانا

طيب اخوي خذا النصحية

خلك في البيت العائلة افضلك من تدور بيت خاااص وتسوي عقد وتدفع تامين ممكن 1500 شغلة طووووووووووويلة وعريضة نصيحتي لك اجلس مع صاحب البيت

وشكر

طبعا الافضل غير العائلة اذا كنت باللغة توك مبتدئ وقل للمعهد شروط بالتفصيل وافضل شرط تكون صاحبة البيت كبيرة بالسن ويفضل اطفال

وبالنسبة للسكن بشقة مكلف لوحدك وغير كذا لاحق على الشقة بعد كم شهر

أهلين أخوي تامر أمر يالحبيب طبعا من واقع تجربة أغلب العوائل كذا يعني حتى لو انت عند عائلة فعلية راح تتكلم معاهم شي بسيط بس على راحتك يالحبيب أبعطيك أسم موقع تدخل عل السكن وتحدد المدينة ويطلعلك كل شي
الموقع Gumtree.com

مشكورين وما قصرتوا ..

وجزاكم الله خير

- - - مشاركة محدثة - - -

مشكورين وما قصرتوا ..

وجزاكم الله خير

اذا تبي نصيحتي .. كلم المعهد يغيرون لك العائلة ،،،، الانقليزي 50 معهد 50 ناس تسولف معهم